Morgunblaðið - 27.05.2008, Blaðsíða 6
6 ÞRIÐJUDAGUR 27. MAÍ 2008 MORGUNBLAÐIÐ
FRÉTTIR
Eftir Elvu Björk Sverrisdóttur
elva@mbl.is
„SVÆÐIÐ hefur verið útisam-
komustaður Mývetninga í áratugi
og við viljum gjarnan halda því
þannig,“ segir Ásgeir Böðvarsson,
formaður Höfðafélagsins, en félagið
var stofnað haustið 2006 með það að
markmiði að kaupa hluta af jörðinni
Höfða við Mývatn. Um er að ræða
íbúðarhús og um tvo hektara lands
sem hjónin Héðinn Valdimarsson og
Guðrún Pálsdóttir áttu, en þau eign-
uðust allan Höfða árið 1930. Árið
1970 gaf Guðrún Skútustaðahreppi
mestan hluta Höfða, en hélt eftir
hluta landsins. Sá hluti verður boð-
inn upp 12. júní, en uppboðið er
haldið til slita á sameign afkomenda
hjónanna Héðins og Guðrúnar.
Ásgeir segir að önnur helsta
ástæða þess að Höfðafélagið var
stofnað hafi verið sú að fara að vilja
fyrri eigenda hússins. Hann bendir í
þessu sambandi á að þegar Guðrún
gaf Skútustaðahreppi stóra hluta
Höfða hafi hún skrifað í gjafabréfið
að hún vildi halda ákveðnum hluta
eftir fyrir sig og ættmenn sína, en
að aldrei mætti leigja eða selja hlut-
ann öðrum en Skútustaðahreppi.
Tugir milljóna fyrir jörðina
„Tilgangurinn hjá okkur er að
eignin haldist innan sveitarfélagsins
og að þar fari fram starfsemi sem
nýtist samfélaginu,“ segir Ásgeir.
Hugmyndin er sú að eignist félagið
hluta Höfða, verði hlutinn síðar eign
Skútustaðahrepps.
Félagar í Höfðafélaginu eru á
þriðja hundrað talsins, um helming-
ur Mývetningar en aðrir koma víða
að. Safnað hefur verið fé meðal fé-
laga til að reyna kaup á Höfða. Söfn-
unin hefur gengið ágætlega „en það
vantar nokkuð upp á enn. Við höfum
alltaf reiknað með því að þurfa að
safna tugum milljóna til að geta
keypt jörðina,“ segir Ásgeir. Í ljós
komi hvernig gengið hafi á aðalfundi
félagsins 8. júní nk., en hann verður
á Kálfaströnd í Mývatnssveit.
Innan Höfðafélagsins hafa verið
ræddar ýmsar hugmyndir um nýt-
ingu hússins, komist það í eigu þess.
Til umræðu hefur verið að koma þar
á fót safni, kyrrðarstað fyrir lista-
menn, rannsóknarstöð eða upplýs-
ingasetri.
Áfram mannlíf á svæðinu
„Allt miðast þetta út frá því að
áfram verði mannlíf á svæðinu. Það
skiptir miklu máli að hafa eina
forsjá yfir öllum höfðanum,“ segir
hann. Svæðið sé einskonar þjóð-
garður í augum Mývetninga.
Vissulega sé húsið í einkaeigu í
dag, „en í augum okkar Mývetninga
hafa núverandi eigendur verið hluti
af okkur. Þeir hafa tekið þátt í fé-
lagslífi, samkomum og verið með
alls kyns uppákomur,“ segir Ásgeir.
Félag um kaup á þeim hluta Höfða við
Mývatn sem til stendur að bjóða upp
Hefur verið útivistarsvæði Mývetninga í áratugi Hugmyndir um kyrrðarstað fyrir listamenn
Morgunblaðið/Frikki
Kaup Ásgeir segir Höfðafélagið
vilja eignast uppboðslandið.
Í HNOTSKURN
»Höfði er fjölsóttur ferða-mannastaður, en þar er m.a.
að finna klettinn Hafurshöfða.
»Svæðið er friðað að mestu, ená sínum tíma ræktuðu Héð-
inn og Guðrún svæðið af mikilli
natni ásamt Mývetningum.
Eftir Sunnu Ósk Logadóttur
sunna@mbl.is
„ÉG ER ansi hrædd um að stór hluti gamalla
lyfja fari í ruslið hjá fólki,“ segir Anna Birna
Almarsdóttir, prófessor og forstöðumaður
Rannsóknarstofnunar um lyfjamál við Há-
skóla Íslands (RUL), en í gær hófst vitundar-
vakning um förgun gamalla lyfja – sem eiga
hvergi annars staðar heima en í lyfjaversl-
unum.
Á fyrstu tíu mánuðum ársins 2007 komu
fimm tonn af lyfjum til förgunar hjá lyfjaversl-
unum. Flest lyfjanna komu úr dánarbúum en
aðrir virðast frekar sturta lyfjum sínum, sem
þeir eru hættir að nota eða eru útrunnin, niður
eða henda þeim í ruslið. Sú leið er hins vegar
slæm fyrir umhverfið. Þá er einnig hætta á að
gömul lyf, sem dagar uppi í lyfjaskápnum
heima, endi í röngum höndum, eða munni rétt-
ara sagt, fyrir slysni. Reynslan sýnir að 57%
eitrunartilfella eiga sér stað á heimilum og er
það m.a. ástæða átaks RUL nú. 2,5 af hverjum
þúsund börnum undir níu ára aldri urðu fyrir
eitrunum samkvæmt tölum heilbrigðisstofn-
ana árin 2001 og 2002. Tíðni eitrana meðal sjö-
tugra og eldri er svipuð.
Kannað hvort lyfjum sé ávísað
í of stórum skömmtum
En ekki er einungis verið að hvetja fólk til
að sýna aðgát í umgengni við lyf heldur verður
unnið að rannsókn á vegum RUL sem á að
varpa ljósi á umfang og ástæður lyfjasóunar
og verðmæti lyfja sem fargað er. Verður verk-
ið unnið í samvinnu við apótekin í landinu og
er fyrstu niðurstaðna að vænta í október.
Anna segir að niðurstöðurnar verði m.a. nýtt-
ar til að skoða hvort læknar ávísi of stórum
skömmtum af lyfjum. Sænsk rannsókn frá
árinu 1999 sýnir t.d. að hjartalyf eru stærstur
hluti þeirra lyfja sem koma til förgunar þar í
landi, enda notendahópurinn stór og sjúkling-
ar þurfa oft að prófa nokkur lyf áður en við-
unandi niðurstaða finnst.
„Við höfum áhuga á að vita hvort gera þurfi
átak varðandi ávísunarvenjur lækna, t.d. hvort
lyfjum úr ákveðnum lyfjaflokkum er hent
frekar en öðrum. Ef svo er þurfum við að
skoða það betur, hvort setja þurfi t.d. nýjar
reglur.“ Anna Birna segir að Rannsóknar-
stofnun um lyfjamál hafi ákveðinn grun um að
stundum sé verið að ávísa lyfjum í of stórum
skömmtum sem endi svo í ruslafötunni eða
klósettskálinni.
Vitundarvakning um förgun gamalla lyfja hafin Lyfjum skal ávallt
skila í apótek Umfang og ástæður lyfjasóunar verða rannsakaðar
Heimilin í landinu afeitruð
Morgunblaðið/Valdís Thor
Förgun Heilbrigðisráðherra, Guðlaugur Þór
Þórðarson, ýtti átakinu úr vör í gær með því
að skila lyfjum til förgunar í Lyfju í Lágmúla.
Í HNOTSKURN
»„Það á ekki að reyna að fara með lyf íSorpu og hvað þá að reyna að skola
þeim niður,“ segir forstöðumaður Rann-
sóknarstofnunar um lyfjamál.
»Eina rétta leiðin er að fara með þau ílyfjaverslanir þar sem þeim er fargað á
réttan hátt.
BÍL var stolið frá karlmanni á þrí-
tugsaldri sem trúði vart sínum eig-
in augum þegar hann kom á bif-
reiðastæði í miðborginni aðfaranótt
sunnudags og fann ekki bílinn sinn.
Segir á vef lögreglunnar að mað-
urinn, sem er af erlendu bergi brot-
inn, hafi haldið rakleitt á lögreglu-
stöð og sagt farir sínar ekki sléttar.
Þar var hann spurður nánar um
málsatvik og varð þá ljóst að bíln-
um hafði verið stolið. Ökutæki
mannsins reyndist sumsé bæði hafa
verið ólæst og svo var bíllykillinn
geymdur á milli framsætanna.
Maðurinn sagði að hann hefði ávallt
haft þennan háttinn á þann tíma
sem hann hefði haft bíl til umráða á
Íslandi. Segir lögreglan að hann
hefði bókstaflega ekki trúað því að
bílþjófnaður af þessu tagi gæti átt
sér stað á Íslandi.
Trúði ekki bíl-
þjófnaðinum
FJÖRUTÍU ára afmæli hægri um-
ferðar hér á landi var fagnað í gær
með táknrænum hætti. Valgarð
Briem, formaður hægrinefndar-
innar, sem stýrði framkvæmd breyt-
inganna, settist undir stýri á gömlum
Rambler og ók að nýju yfir á hægri
akrein. Sömu athöfn tók Valgarð
þátt í fyrir fjörutíu árum, en að þessu
sinni sat samgönguráðherra, Krist-
ján L. Möller, honum við hlið og Geir
H. Haarde forsætisráðherra fylgdi á
eftir á nýlegum svonefndum tvinnbíl.
Kristján flutti síðar ávarp í Þjóð-
menningarhúsinu. Í því kom m.a.
fram að ráðherrann leggur mikla
áherslu á aðskilnað akstursstefna,
sem hann telur eina bestu forvörn
sem unnt er að grípa til í vegakerf-
inu. „Fyrsti liður í því að aðskilja
aksturstefnur er Reykjanesbrautin
sem er að klárast og tvöföldun Suð-
urlandsvegar sem ráðist verður í á
næsta ári.“ Auk þess sagði ráðherra
að gera þyrfti átak í að breikka vegi,
huga betur að umhverfi vega og
fjöldun vegriða og efla umferðar-
fræðslu í leikskólum og grunnskólum
og tengja hana inn í framhaldsskóla.
Eftir að hafa ávarpað gesti sæmdi
ráðherrann Margréti Hrefnu Sæ-
mundsdóttur og Guðnýju Maríu
Finnsdóttur gullmerki umferðar-
ráðs, en þær sáu um umferðarskól-
ann Ungir vegfarendur og umferð-
arfræðslu leik- og grunnskólabarna
um árabil. Þá þakkaði ráðherrann
Kjartani Magnússyni, fráfarandi for-
manni umferðarráðs, fyrir störf sín
og kunngerði hver yrði næsti for-
maður ráðsins, Karl V. Matthíasson.
Hann tekur við formennsku um
næstu mánaðamót.
Valgarð Briem ók að nýju yfir á hægri akrein, fjörutíu árum eftir breytingarnar
Afmæli
hægri
umferðar
fagnað
Morgunblaðið/G.Rúnar
Á hægri Valgarð Briem ók gömlum Rambler yfir á hægri akrein. Með honum í bílnum er samgönguráðherra. LÖGREGLAN á Suðurnesjum
stöðvaði ökumann á 150 km hraða á
Reykjanesbrautinni í gær í sér-
stöku umferðarátaki sem lögreglan
hefur blásið til. Tíu aðrir ökumenn
voru einnig teknir fyrir of hraðan
akstur og ók einn þeirra á 130 km
hraða.
Tekinn á
150 km hraða