Morgunblaðið - 27.05.2008, Blaðsíða 16

16 ÞRIÐJUDAGUR 27. MAÍ 2008 MORGUNBLAÐIÐ
AKUREYRI
KÓRASTEFNA verður haldin við
Mývatna í næstu viku og er þetta í
sjötta sinn sem slík hátíð er haldin.
Meginverkefnið að þessu sinni er
Carmina Burana eftir Carl Orff. List-
rænn stjórnandi og skipuleggjandi
hátíðarinnar er Margrét Bóasdóttir.
Kórastefnan hefst fimmtudaginn
5. júní með kórtónleikum í félags-
heimilinu Skjólbrekku kl. 20.30. Tón-
leikarnir eru afmælistónleikar Kórs
Reykjahlíðarkirkju, sem fagnar 100
ára afmæli í ár.
Kór Reykjahlíðarkirkju syngur
undir stjórn Jóns Stefánssonar, org-
anista í Langholtskirkju. Um 70
manna samkór þingeyskra kirkju-
kóra flytur ýmis kórverk undir stjórn
organista í sýslunni og síðan verða
„Fjárlögin“ æfð og sungin með öllum
viðstöddum, undir stjórn Jóns Stef-
ánssonar. Margrét Bóasdóttir syng-
ur einsöng með samkórnum og er
einnig kynnir á tónleikunum.
Að afloknum tónleikum verður
Miðnætursöngur kóranna í Jarðböð-
unum við Mývatn, en þar er opið til
kl. 24.
Föstudaginn 6. júní hefjast æfing-
ar kóranna. Blandaðir kórar æfa
verkið Carmina Burana eftir Carl
Orff, ásamt einsöngvurunum Sig-
rúnu Hjálmtýsdóttur, Einari Clausen
og Bergþóri Pálssyni, Barnakór
Hafralækjarskóla og Sinfóníuhljóm-
sveit Norðurlands undir stjórn Guð-
mundar Óla Gunnarssonar.
Karlakórar æfa norræna tónlist,
eftir Grieg og Sibelius undir stjórn
sænska stjórnandans Thomas Caplin
sem kemur sérstaklega til að vinna
með karlakórunum.
Á föstudagskvöldið kl. 20.30 verða
tónleikar allra kóranna í hraunhvelf-
ingu Laxárvirkjunar. Ókeypis er inn
á tónleikana og er Landsvirkjun bak-
hjarl þeirra.
Á laugardag verður æfingum hald-
ið áfram og sunnudaginn 8. júní kl. 15
rennur svo upp stóra stundin. Á há-
tíðartónleikum í Íþróttahúsinu í
Reykjahlíð flytja um 230 manns verk-
ið Carmina Burana, Kór Flensborg-
arskólans í Hafnarfirði flytur kórtón-
list sem samin hefur verið fyrir
kórinn og karlakórar flytja norræna
tónlist. Stjórnendur eru Hrafnhildur
Blomsterberg, Thomas Caplin og
Guðmundur Óli Gunnarsson.
Rúmlega 400 manns á
Kórastefnu við Mývatn
Mozart við Mývatn Frá flutningi Sálumessu Mozarts á Kórastefnunni við
Mývatn fyrir tveimur árum. Stjórnandinn er Guðmundur Óli Gunnarsson.
Í HNOTSKURN
»Kórastefna fer nú fram ísjötta skipti við Mývatn og
hafa þátttakendur aldrei verið
fleiri, rúmlega 400 talsins.
»Kórastefna við Mývatn ereina kórahátíð landsins og
langfjölmennasta tónlistarhátíð
landsbyggðarinnar.
»Þátttakendur í ár eru;Åkersberga Kammarkör frá
Stokkhólmi, Kór Flensborg-
arskólans í Hafnarfirði, Samkór
Kópavogs, Lögreglukórinn í
Reykjavík, Karlakór Keflavíkur,
Barnakór Hafralækjarskóla,
Kór Reykjahlíðarkirkju, Samkór
úr þingeyskum kirkjukórum, fé-
lagar úr kórum á Akureyri, Sin-
fóníuhljómsveit Norðurlands,
einsöngvarar og kórstjórn-
endur.
Langfjölmennasta
tónlistarhátíðin á
landsbyggðinni
TENGLAR
..............................................
www.korastefna.is
STRÁKARNIR í hópi Petreu, leik-
skólakennara á Hólmasól, heim-
sóttu séra Sólveigu Höllu Krist-
jánsdóttur í Akureyrarkirkju í
síðustu viku. Hún fræddi strákana
um eitt og annað en erindið var
ekki síst að afhenda henni, fyrir
hönd Hjálparstarfs kirkjunnar,
9.146 krónur sem strákarnir þén-
uðu með því að safna og selja flösk-
ur. Síðan fór Petrea með þeim í
endurvinnsluna þannig að þeir
kynntust starfseminni og upplifðu
frá fyrstu hendi hve mikil verðmæti
felast í slíkum varningi. Hægt er að
gefa fé til ýmissa nota í gegnum
Hjálparstarf kirkjunnar en strák-
arnir komu sér saman um að þeir
vildu fjármagna kaup á geit handa
börnum í Afríku.
Morgunblaðið/Skapti Hallgrímsson
Strákarnir gefa geit
UNGUR ökumaður var sviptur öku-
réttindum til bráðarbirgða eftir að
bifreið hans mældist á 105 km hraða
á Þingvallastræti á sunnudagskvöld.
Hámarkshraðinn á Þingvalla-
stræti er 50 kílómetrar og ökumað-
urinn ungi var því á rúmlega tvöföld-
um leyfilegum hámarkshraða. Hann
á yfir höfði sér ökuleyfissviptingu í
þrjá mánuði og auk þess sekt að upp-
hæð 90 þús. kr. Þegar veðrið er jafn
gott og þessa dagana freistast menn
til að keyra hraðar en annars og er
þess skemmst að minnast að ungir
menn lentu í hörðum árekstri á dög-
unum en þar fór betur en á horfðist.
Annar ökumaður mældist á 160
kílómetra hraða á Eyjarfjarðarbraut
vestri um helgina. Hann verður einn-
ig sviptur ökuleyfi í þrjá mánuði og
væntanlega sektaður um 140 þúsund
krónur.
Hættulegt að kitla pinn-
ann – en það er líka dýrt
Eftir Steinunni Ásmundsdóttur
steinunn@mbl.is
Egilsstaðir | Hagvöxtur á Austur-
landi var 51% árin 1998 til 2005, en
53% á höfuðborgarsvæðinu. Þetta
kom fram á ársfundi Byggðastofn-
unar, sem haldinn var á Egilsstöð-
um sl. föstudag. Hagvöxtur er lang-
mestur á þessum tveimur svæðum
landsins.
Sigurður Jóhannesson hjá Hag-
fræðistofnun, sagði á ársfundinum
að þessi ár hefði framleiðsla á Ís-
landi vaxið um tæp 40%, eða um ná-
lega 5% á ári og gildi það einnig fyr-
ir árin 2006 og 2007. Hagvöxtur á
Austurlandi fylgdi landsmeðaltali
nokkurn veginn til ársins 2004 og
jókst síðan mikið. Áhrifavaldar eru
að sjálfsögðu framkvæmdin við
Kárahnjúkavirkjun, sem hófst 2003
og bygging álvers Alcoa Fjarðaáls
og voru framkvæmdir í hámarki á
árunum 2005 til 2007. Þó drógu
minnkandi loðnuveiðar nokkuð úr
áhrifum hagvaxtarskeiðsins árin
2003 og 2004. Árið eftir stakk svo
Austurland aðra landshluta af í hag-
vexti.
Sé hagvöxtur tímabilsins 1998 til
2005 á Austurlandi skoðaður nánar,
má sjá að hátt í 40% hans skapaðist
vegna byggingaframkvæmda.
Nokkur vöxtur var í þjónustu einka-
fyrirtækja og opinberri þjónustu,
sem tengist væntanlega fram-
kvæmdunum að hluta til. Veiðar
drógust aftur á móti saman.
Fólki undir fertugu fækkar ört
Sigurður segir valda áhyggjum
hversu fólki undir fertugu fækki ört
í jaðarbyggðum á Austurlandi. Fólki
hafi einvörðungu fjölgað í Fjarða-
byggð og á Fljótsdalshéraði frá
1997 til 2007, en fækki annars stað-
ar. Þar fækkar jafnframt fertugum
og yngri um 27 til 35% og spurning
hvort byggð muni lengi haldast á
þessum stöðum ef framhald verði á.
Á fyrrgreindu tímabili fækkaði
fólki um 25% í Langanesbyggð, 11%
á Seyðisfirði, um 17% á Vopnafirði,
16% á Djúpavogi og 14% á Horna-
firði. Í heildina fjölgaði fólki á Aust-
urlandi öllu um 12% en fólki undir
fertugu fækkaði um 3%. Sigurður
segir að nálægð sjávarbyggðanna
við Egilsstaði treysti þó undirstöð-
ur þeirra; árið 2000 voru 7 til 8 þús-
und íbúar í klst. akstursfjarlægð við
Egilsstaði en séu nú tíu þúsund tals-
ins. Staða Egilsstaða sem þjónustu-
kjarni fyrir sjávarbæi styrki því
byggð.
Hækkun fasteignaverðs á Aust-
urlandi hefur sl. tíu ár haldist í
hendur við hækkun þess á höfuð-
borgarsvæðinu. Fasteignaverð hef-
ur sl. ár verið tiltölulega hátt á
Austurlandi eða um 60% af verði í
Reykjavík.
Góður hagvöxtur en
áhyggjur af jaðrinum
Morgunblaðið/Steinunn Ásmundsdóttir
Vöxtur Austurland stakk aðra landshluta af í hagvexti árið 2005 og eru um
40% hans vegna byggingarframkvæmda, mest við virkjun og álver.
2% munur á hag-
vexti höfuðborgar
og Austurlands
Í HNOTSKURN
»Hagvöxtur á Íslandi hefurverið langmestur á höf-
uðborgarsvæðinu og á Austur-
landi. Byggingarframkvæmdir
sköpuðu hátt í 40% hagvaxtar á
Austurlandi.
»Frá 1997-2007 fjölgaði fólkium 12% á Austurlandi. Fjölg-
aði eingöngu í Fjarðabyggð og á
Fljótsdalshéraði. Fólki undir 40
ára fækkar í jaðarbyggðum.
Fáskrúðsfjörður | Víða um land hafa grunnskólar og leikskólar einhent
sér í að efla vináttu og umburðarlyndi meðal barna og baráttu gegn
einelti. Skólar á Austurlandi eru þar engir eftirbátar.
Á dögunum fóru leik- og grunnskólabörn á Fáskrúðsfirði saman í
skrúðgöngu um bæinn sinn ásamt kennurum og vöktu heilmikla at-
hygli annarra bæjarbúa. Var gangan helguð vináttunni og báru börnin
borða og spjöld með áletrunum um hana og hug þeirra gagnvart ein-
elti.
Morgunblaðið/Albert Kemp
Samtaka Börn úr grunnskóla og leikskóla Fáskrúðsfjarðar gengu saman
um götur bæjarins í þágu vináttu og minntu á að einelti er óhæfa.
Vináttan er gulls ígildi
Seyðisfjörður | Ár hvert kemur
fjöldinn allur af ungu fólki víðs vegar
að úr heiminum til þess að taka þátt í
listasmiðjum LungA, listahátíðar
ungs fólks á Austurlandi. Hátíðin í ár
verður haldin 14.-20. júlí. Aðalatriði
LungA eru listasmiðjurnar og má
nefna leiklist, sirkus, dans af ýmsu
tagi, stuttmyndagerð, grafíska
hönnun, hljóðsmiðju, dj-smiðju og
stomp svo eitthvað sé nefnt.
Í sumar gefst ungum harmónikku-
leikurum á aldrinum 16-25 ára í
fyrsta sinn tækifæri til að taka þátt í
þessari listahátíð. Duo Jupiter sam-
anstendur af Lars Røyseng og Stian
Aase sem eru meðal fremstu harm-
ónikkuleikara Noregs og hafa unnið
saman síðan þeir námu við tónlist-
arháskólann í Ósló. Þeir hafa haldið
fjölda tónleika og námskeiða auk
þess að hafa unnið til verðlauna í al-
þjóðlegum keppnum. Boðið verður
upp á vandaða kennslu og er þetta
einstakt tækifæri fyrir ungt fólk til
að hittast, efla tengsl og vinna sam-
an. Sjá vefina www.harmonika.is og
www.myspace.com/accordionduo.
Harmónikkan til leiks
í listasmiðju LungA
AUSTURLAND