Morgunblaðið - 08.07.2008, Síða 4

4 ÞRIÐJUDAGUR 8. JÚLÍ 2008 MORGUNBLAÐIÐ
FRÉTTIR
Eftir Ómar Friðriksson
omfr@mbl.is
LANDSNET hf. hefur nú í undir-
búningi lagningu tveggja 220 kV há-
spennulína frá Hellisheiði til Þor-
lákshafnar. Tilgangurinn er að mæta
fyrirhugaðri orkuþörf vegna iðnað-
aruppbyggingar í Þorlákshöfn. Ljóst
er að framkvæmdin þarf að gangast
undir mat á umhverfisáhrifum og
hefur Landsnet birt drög að tillögu
að matsáætlun.
Áformað er að leggja tvær línur.
Önnur yrði lögð frá tengivirki við
Kolviðarhól og hin frá fyrirhuguðu
tengivirki á Hellisheiði. Settir eru
fram 2 valkostir að legu línu frá
tengivirki á Hellisheiði og 3 valkostir
að legu línu frá tengivirki við Kolvið-
arhól. Einn kosturinn er að lína liggi
frá Kolviðarhóli yfir Svínahraun að
hlíðum Lambafells, gegnum
Þrengslin vestan Þrengslavegar og
Sandfells. Leiðin liggur að mestu
leyti um mosavaxið hraunsvæði.
Þorlákshafnarlína 3 gæti legið frá
Hellisheiði austur með Búrfellslínu 2
en síðan yrði beygt frá henni og
stefnt suður með hrauninu milli
Skálafells og Núpafjalls. Sunnan
Eldborgarhrauns beygir línan til
vesturs, fer yfir Þrengslaveginn og
vestur með Krossfjöllum.
Svæði á náttúruminjaskrá
Fyrirhugaðar línur fara að ein-
hverju leyti um svæði sem eru á
náttúruminjaskrá og um svæði sem
lagt hefur verið til að verði friðuð.
Háspennulínur fari um Eldborgir
við Lambafell í Ölfushreppi, sem eru
á náttúruminjaskrá. Línurnar liggi
einnig í nágrenni Raufarhólshellis og
Eldborgar undir Meitlum.
Yfir hraun og gróður
Landsnet kynnir tillögur um lagningu tveggja 220 kV há-
spennulína frá Hellisheiði og Kolviðarhóli að Þorlákshöfn


 
 


 

   







       
 








  


ÞEIR höfðu í nógu að snúast starfsmenn Hita-
veitu Suðurnesja (HS) í gær, þar sem þeir unnu
við lagningu vatnsleiðslu til Vestmannaeyja
nærri Landeyjarsandi, um tvo kílómetra frá
fyrirhuguðu stæði ferjuhafnar við Bakka. Leiðsl-
an er 12.566 metrar á lengd og hljóðar kostnaður
upp á rúman milljarð. Verkið hófst í gærmorgun
og áætlað er að því ljúki í kvöld, að sögn Ívars
Atlasonar, tæknifræðings hjá HS. baldura@mbl.is
Morgunblaðið/Sigurgeir
Vatnsleiðslu haldið á floti í öldurótinu
FRÉTTASKÝRING
Eftir Steinþór Guðbjartsson
steinthor@mbl.is
LYFJAKOSTNAÐUR Landspít-
alans hækkaði um rúmlega 11%
fyrstu fjóra mánuði ársins vegna
gengisbreytinga. Björn Zoëga, annar
starfandi forstjóri Landspítalans,
segir að í forsendum fjárlaga hafi
ekki verið gert ráð fyrir gengisfell-
ingu krónunnar og því vonist hann til
að Landspítalinn fái mismuninn
bættan.
Árangursríkt átak
Landspítalinn hefur verið í
ákveðnu átaki í vetur í sambandi við
lyfjanotkun á spítalanum, lyfjalista
og hagkvæmustu notkun. Björn seg-
ir að mikil orka hafi farið í þetta átak
en það hafi skilað ætluðum árangri.
Samkvæmt bráðabirgðatölum hafi
venjuleg lyf, sem notuð séu á spít-
alanum, ekki hækkað umfram verð-
lagsforsendur.
Hins vegar hafi
svonefnd s-merkt
lyf, sem aðeins eru
gefin á spítala,
hækkað um rúm
13% fyrstu fjóra
mánuði ársins um-
fram áætlun og þar
af um liðlega 11%
vegna gengisbreytinga.
Gert hafi verið ráð fyrir rúmlega
10% hækkun á milli ára vegna auk-
innar notkunar en gengisbreytingin
kollvarpi öllum áætlunum og geri
reksturinn erfiðari.
Hallarekstur
„Það segir sig sjálft að erfitt er að
gera áætlanir þegar svona er því for-
sendur fjárlaga gerðu ekki ráð fyrir
þessum gengisbreytingum,“ segir
Björn.
Hann segir fyrirliggjandi halla-
rekstur vegna þessa en stofnanir hafi
fengið bætur þegar forsendur fjár-
laga hafa ekki staðist og ætla megi að
Landspítalinn fái kostnað vegna falls
krónunnar bætt. Ekki síst vegna
þess að tölur að öðru leyti í sambandi
við reksturinn séu mjög góðar.
Forsendurnar brostnar
Lyfjakostnaður Landspítalans hækkaði um rúmlega 11% fyrstu fjóra mánuði árs-
ins vegna gengisbreytinga sem ekki var gert ráð fyrir í fjárlögum fyrir 2008
  
 
         !   " #
$  %
 
&    $ '(  ')
*
 !  %
+#,+
 -
 , 

. ,, 
# /

 01    #
'( ') 2

&
$ '( &
$ ')
   


!"
"
#
$$


 3
3
 2



 % $
!%#
3
Björn Zoëga
Lyfjakostnaður Tryggingastofn-
unar jókst um 14% eða 308 millj-
ónir króna á fyrsta ársþriðjungi
2008 miðað við sama tíma í
fyrra. Helstu skýringar á auknum
kostnaði eru aukin lyfjanotkun og
lágt gengi íslensku krónunnar.
Í skýrslu lyfjadeildar TR kemur
fram að kostnaðurinn frá janúar
til apríl í ár nam 2.583 milljónum
króna. Notkunin hefur aukist um
8% og þar sem evran var að
meðaltali 7% dýrari á fyrsta árs-
fjórðungi 2008 en á sama tíma
2007 hafi lyfjakostnaður TR þess
vegna aukist um að minnsta kosti
4%.
Kostnaður TR hefur aukist mest
vegna flogaveikilyfja, geðrofslyfja,
ofvirknilyfja og þunglyndislyfja.
Lyfjakostnaður TR eykst um 308 milljónir
„VIÐ VILJUM vekja athygli á því
hvernig Samfylkingin vill ganga
lengra en ráðherrar Framsóknar
gerðu fyrir síðustu kosningar í því
að raska einhverjum einstæðustu
náttúrugersemum landsins fyrir
norðaustan Mývatn.“
Svo hljómar upphaf tilkynningar
frá Íslandshreyfingunni, þar sem
segir að þessar upplýsingar hafi ekki
áður komið fram opinberlega. Við-
skiptaráðherra Framsóknar hafi
veitt „lagalega hæpið rannsókn-
arleyfi í Gjástykki tveimur dögum
fyrir kosningar“. Því urðu „svik hans
við eigin yfirlýsingar ekki uppvís
fyrr en eftir kosningar“. Í tilkynn-
ingunni segir:
„Viðskiptaráðherra Samfylking-
arinnar lét þetta óátalið og einnig
það að farið verði inn á óraskað
svæði við Leirhnjúk, en það er í
ósamræmi við ákvæði stjórnarsátt-
málans um það efni. Gildi Leir-
hnjúks og Gjástykkis er sárafáum
kunnugt, en færa má að því gild rök
að það sé jafnvel meira en gildi
Öskju, sem engum dettur í hug að
fara inn í með vinnuvélar.“
Gjástykki
verði ósnert
LEIRGERÐUR skal hann heita, nýi
og stóri hverinn, sem Suðurlands-
skjálftinn fæddi af sér rétt við
Garðyrkjuskólann í Hveragerði.
Var það niðurstaðan í nafna-
samkeppni, sem Landbún-
aðarháskóli Íslands efndi til en
einnig hafa verið valin nöfn á
nokkra aðra nýja hveri.
Guðríður Helgadóttir, stað-
arhaldari á Reykjum, segir að bor-
ist hafi um 300 póstar með tillögum
um nafn en það var Jörundur Garð-
arsson á Bíldudal, sem sigraði í
samkeppninni um nafn á stóra
hverinn. Heitir hann nú Leir-
gerður.
Skammt frá Leirgerði er annar
hver, víður og kraumandi og verð-
ur hann nefndur Skjálfti að tillögu
Sigurbjörns Búa Baldurssonar.
Neðst á svæðinu er mórauður hver,
sem hlaut nafnið Reykjamóri, og
átti Sigþór U. Hallfreðsson hug-
myndina að því. Síðan var sam-
þykkt sú tillaga Kristjáns Más Unn-
arssonar að bullandi vatnshver
skyldi kallaður Hrifla.
Guðríður segir að starfsfólk á
Reykjum hafi skipað dómnefndina
og hafi hún ákveðið að umbuna sig-
urvegurunum með blómvendi.
Leirgerður
heitir hverinn