Morgunblaðið - 25.08.2008, Blaðsíða 9

MORGUNBLAÐIÐ MÁNUDAGUR 25. ÁGÚST 2008 9
FRÉTTIR
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
Nýjar haustvörur
Nemakortið gerir nemendum á framhalds- og
háskólastigi kleift að ferðast endurgjaldslaust
á umhverfisvænan og þægilegan hátt.
Sæktu um Nemakort
á www.strætó.is
Nemendur með lögheimili í Reykjavík, Kópavogi,
Hafnarfirði, Seltjarnarnesi, Mosfellsbæ og Álftanesi
eiga rétt á Nemakortinu skólaárið 2008-2009.
Eftir Elvu Björk Sverrisdóttur
elva@mbl.is
RAFRÆN skilríki, sem
m.a. er hægt að nota til
innskráningar í heima-
banka, til undirritunar ým-
issa skjala og til að sækja
um þjónustu sveitarfélaga
og fyrirtækja, fara í al-
menna dreifingu á næstu
mánuðum. Þetta segir
Bergsveinn Þórarinsson,
framkvæmdastjóri innleiðingar rafrænna
skilríkja. Skilríkin eru samstarfsverkefni
fjármálaráðuneytis fyrir hönd ríkisins og
Auðkennis fyrir hönd banka og sparisjóða en
þau hafa verið í þróun í nokkur ár. Skilríkin
verða aðgengileg á debetkortum. Bergsveinn
segir að um þessar mundir séu í gangi tækni-
prófanir á skilríkjunum sem ljúka þarf áður
en þau fara í almenna dreifingu.
Innleiðing nýju skilríkjanna fer fram á
endurnýjuðum debetkortum landsmanna.
Þau eru tvenns konar, annars vegar til auð-
kenningar og hins vegar til að nota til raf-
rænnar undirritunar. Það skilríki er gefið út
sem fullgilt skilríki og uppfyllir kröfur í lög-
um og evrópusamþykktir um rafrænar undir-
skriftir.
Rafræn undirritun bindandi samninga
„Með því skilríki getur fólk undirritað
ýmsa bindandi pappíra,“ segir Bergsveinn.
Auðkenningarskilríkið sé hugsað til þess að
fólk geti skráð sig inn í heimabanka, á vefi
borgar og sveitarfélaga, í skóla og víðar.
Þetta þýðir að auðkennislyklar sem fólk hefur
notað í heimabanka sína undanfarið heyra
brátt sögunni til, en nýr búnaður kemur í
staðinn. Til þess að geta skráð sig rafrænt í
heimabankann þarf fólk annaðhvort að hafa
kortalesara í tölvu sinni, eða verða sér úti um
slíkan lesara til þess að tengja við tölvuna.
Aðspurður um hvort hætta sé á að tækni
sem þessi úreldist fljótt segir Bergsveinn erf-
itt að segja til um það. „Örgjörvatæknin sem
við notum núna er fremur ný af nálinni.“
Rætt hafi verið um að hugsanlega þurfi að
endurskoða einhverja hluta kerfisins eftir
nokkur ár, en strangar öryggiskröfur séu
gerðar. Bæði Persónuvernd og Neytenda-
stofa hafi fylgst með þróun skilríkjanna.
Margir sem bíða eftir skilríkjunum
Kortin hafa verið í tilraunanotkun undan-
farið eitt og hálft ár. „Mörg sveitarfélög hafa
tekið þátt í að prófa skilríkin. Skattyfirvöld
nota þau, Tryggingstofnun er að koma þessu í
gang hjá sér og þá má nefna að Neytenda-
Rafræn skilríki senn tekin í gagnið
stofa notar skilríkin,“ segir Bergsveinn. Ýmis
fleiri sveitarfélög, stéttarfélög og trygginga-
félög séu að undirbúa sig undir notkun raf-
rænna skilríkja. „Þannig að það eru mjög
margir sem bíða eftir þessu og verða tilbúnir
þegar notkun skilríkjanna hefst,“ segir hann.
Bergsveinn segir að í nokkrum Evrópuríkj-
um sé þegar farið að nota rafræn skilríki.
„Það er mjög mikilvægt að við förum eftir
evrópusamþykktum og stöðlum þannig að
skilríkin verði gild milli landamæra,“ segir
hann.
Bergsveinn bendir á að mikill sparnaður
náist fram með rafrænum skilríkjum. Ekki
aðeins sparist pappír, heldur einnig ferðalög
og fleira. Fólk geti sinnt erindum á borð við
umsóknir í leikskóla, samskipti við lánasjóði
og fleiru með rafrænum hætti. Eina skilyrðið
fyrir því að nota skilríkin er að hafa aðgang
að netinu.
Eftir Skúla Á. Sigurðsson
skulias@mbl.is
LANDBÚNAÐARSÝNINGUNNI á Hellu lauk
í fyrrakvöld og hafði þá staðið síðan á föstudag.
Hún var haldin í tilefni aldarafmælis Landbún-
aðarsambands Suðurlands en það var stofnað 6.
júlí 1908.
Mikið var um dýrðir alla helgina og mæting
fór fram úr björtustu vonum. Búist hafði verið
við fimm til átta þúsund manns á hátíðina en í
reynd létu allt að tólf þúsund manns sjá sig. Þó
flestir hafi verið af íslensku bergi brotnir heim-
sóttu sýninguna stór hópur grænlenskra bænda
og einhverjir Danir kíktu við. Gestir voru á öll-
um aldri, jafnt úr þéttbýli og dreifbýli hvaðan-
æva af landinu.
„Þetta gekk bara mjög vel, við erum afar sátt
við sýninguna, hún gekk prýðilega og framar
vonum,“ segir Jóhannes Símonarson fram-
kvæmdastjóri Landbúnaðarsýningarinnar. Hann
segir stemmninguna hafa verið mjög góða og
gesti hafa verið hæstánægða.
Inntur eftir hvort einhverjir atburðir hafi
staðið upp úr nefnir Jóhannes að mikill áhugi
hafi verið á kynningu á býflugnarækt og hun-
angsvinnslu. Þá hafi hundasýningarnar tekist
mjög vel og mikill spenningur verið fyrir
bændaglímu Suðurlands. Einnig var keppt í
kálfateymingu, dráttarvélaleikni og jurtagrein-
ingu.
Unnu flugeldakeppni
Kvöldvökur sem fram fóru á föstudags- og
laugardagskveld heppnuðust að sögn mjög vel.
Þar komu fram Hundur í óskilum, Ingó og Veð-
urguðirnir, Árni Johnsen alþingismaður og fleiri
skemmtikraftar. Þá var leikþátturinn Gilitrutt
sýndur og efnt til fjöldasöngs.
Sýningunni lauk á Laugardagskveld með veg-
legri flugeldasýningu sem Flugbjörgunarsveitin
á Hellu stóð að. Um svipað leyti var flugeldum
skotið upp frá Reykjavíkurhöfn í tilefni
Menningarnætur og telur Jóhannes sýninguna á
Hellu hafa veitt henni harða samkeppni. „Við
unnum,“ segir hann og hlær.
12 þúsund mættu á landbúnaðarsýninguna
Búskapur Hægt var að kynna sér búskaparhætti gamla tímans á landbúnaðarsýningunni.
Steiking Tvö heil naut voru steikt ofan í gesti sýningarinnar og rann kjötið ljúflega niður.
Morgunblaðið/Jónas Erlendsson
STJÓRN Vinstri hreyfingarinnar
græns framboðs krefst þess í álykt-
un sem samþykkt var á stjórnar-
fundi flokksins á föstudag að ríkis-
stjórnin gangi til samninga við
ljósmæður. Verði það ekki gert
muni innan skamms skapast neyð-
arástand á fæðingardeildum lands-
ins. Nú þegar stefni í óefni vegna
fjölda uppsagna ljósmæðra sem
óánægðar eru með kjör sín.
Í ályktuninni eru orð stjórnar-
sáttmála Samfylkingar og Sjálf-
stæðisflokks um jöfnun launa
kynjanna sögð innantóm. Ótrúlegt
sé að kvennastéttir skuli ennþá
þurfa að beita hörku til að fá vinnu
sína metna til launa en ljósmæður
eru eina stéttin á Íslandi sem aðeins
er skipuð konum.
Þá er ríkisstjórninni borið á brýn
að virða þarfir fæðandi kvenna að
vettugi. skulias@mbl.is
VG vill að
samið verði
við ljósmæður
NÝ námsleið á meistarastigi í haf-
og strandsvæðastjórnun við Há-
skólasetur Vestfjarða verður tekin
til starfa 31. ágúst næstkomandi.
Meistaranámið er þverfaglegt al-
þjóðlegt nám sem ekki hefur verið
í boði hérlendis fyrr. Námið er
sett á fót í samvinnu við Háskól-
ann á Akureyri sem hefur umsjón
með innritun og útskrift nemenda
jafnframt því að vera fræðilegur
bakhjarl námsins. Kennarar eru
bæði innlendir og erlendir sér-
fræðingar á þeim sviðum sem
námið tekur til.
Formleg setningarathöfn fer
fram í Edinborgarhúsinu á Ísafirði
kl. 16 og mun Þorgerður Katrín
Gunnarsdóttir menntamálaráð-
herra opna námsleiðina formlega.
Í tengslum við setningarathöfnina
verður einnig blásið til málþings
um sjálfbæra nýtingu íslenskra
strandsvæða og hefst það klukkan
13.
Nýtt meist-
aranám í boði
HAGSMUNARÁÐ íslenskra fram-
haldsskólanema (HÍF) samþykkti
stefnuyfirlýsingu sína fyrir skólaárið
2008-2009 á aðalfundi sínum á laug-
ardag. Segir í stefnuyfirlýsingunni
að HÍF grundvallist á þeirri hugsjón
að hagsmunagæsla framhaldsskóla-
nema þurfi ekki – og eigi ekki – að
vera kostnaðarsöm til að skila ár-
angri. Jafnframt grundvallist HÍF á
virðingu fyrir sérkennum og sjálf-
stæði hvers aðildarskóla fyrir sig.
Þá mun HÍF fylgjast náið með
breytingum á umhverfi framhalds-
skólanema og bregðast við þegar
hagsmunum þeirra er ógnað.
Gæta hagsmuna nemenda