Morgunblaðið - 15.10.2008, Blaðsíða 21

daglegt líf
MORGUNBLAÐIÐ MIÐVIKUDAGUR 15. OKTÓBER 2008 21
Jólahlaðborðin 2008
Stórglæsilegt sérblað um jólahlaðborð
og aðra spennnandi viðburði
á aðventunni fylgir Morgunblaðinu
laugardaginn 1. nóvember.
Meðal efnis er:
• Jólahlaðborð og aðrar matarveislur.
• Jólahlaðborð á helstu veitingahúsum.
• Hópur sem fer árlega á jólahlaðborð.
• Jólahlaðborð heima, skemmtilegar
uppskriftir.
• Fallega skreytt jólahlaðborð.
• Tónleikar og aðrar uppákomur.
Allar nánari upplýsingar veitir Katrín Theódórsdóttir
í síma 569 1105 eða kata@mbl.is.
Ásamt fullt af öðru spennandi efni
og fróðleiksmolum.
Auglýsendur!
Pantið fyrir klukkan 16,
mánudaginn 27. október.
Ámánudag voru hundrað ár lið-in frá fæðingu Steins Steinars.
Vart gefst betra tilefni til að rifja
upp nokkrar af vísum skáldsins.
Eftir hann má lesa á vísnavef Skag-
firðinga:
Bragaföngin burtu sett
botn í söng minn sleginn.
Situr löngum sorgum mett
sál mín öngu fegin.
Frá því segir í Leit að ævi skálds
eftir Gylfa Gröndal að í frægri
„herferð“ til Sovétríkjanna hafi
Steinn verið orðinn leiður á að vera
leiddur um eins og hundur í bandi
og fundist Moskva orðin þrúgandi.
Þá orti hann kunna vísu:
Ráfa ég um og rolast hjá
rauðum erkifjanda.
Hvenær munt þú, sál mín, sjá,
sóldýrð Vesturlanda.
Og Steinn orti um Spán:
Ýtar detta oft á túr
ei þótt fréttist heima.
Hér eru fínar hefðarfrúr.
Hér eru kettir breima.
Kunn er staka Steins úr Hlíðar-
Jóns rímum, sem eflaust hefur get-
ið af sér margt hjónabandið:
Fellur ofan fjúk og snær
flest vill dofa ljá mér.
Myrk er stofan, mannlaus bær,
má ég sofa hjá þér?
Björn Ingólfsson á Grenivík yrkir
um Stein:
Sá orðstír ætla eg standi
á okkar smáða landi
sem orðsins beitta brandi
er byggður klár og hreinn.
Þótt dómsdagsklukkur drynji
og daprar þjóðir stynji
og heimsins turnar hrynji
þú heldur velli, Steinn.
VÍSNAHORN pebl@mbl.is
Þú heldur velli, Steinn
Eftir Guðbjörgu Sigurgeirsdóttur
Ég hef alla tíð haft áhugaá að byggja upp sjúkra-húsið. Við erum hér útiá hálfgerðu skeri og
verðum að hafa góða aðstöðu til að
geta sinnt fólki ef eitthvað kemur
upp á,“ segir Bjarni Sighvatsson,
fyrrverandi útgerðarmaður í Vest-
mannaeyjum. Hann hefur stutt
Heilbrigðisstofnun Vestmannaeyja
myndarlega. Stóð fyrir söfnun
meðal útgerðarmanna á síðasta ári
og gaf sjálfur stórgjöf fyrir
skömmu.
Útgerðarmennirnir gáfu, ásamt
Kvenfélaginu Líkn, tækjabúnað að
verðmæti 25 milljónir króna til
Heilbrigðisstofnunar Vest-
mannaeyja á síðasta ári. „Ég fór
af stað með söfnun og leitaði til
útgerðarmanna og nær allir tóku
mér vel,“ segir Bjarni. Hann lét
ekki þar við sitja því nýlega af-
henti hann Heilbrigðisstofnun
Vestmannaeyja 30 sjúkrúm sem
hann og fjölskylda hans gefa til
minningar um Dóru Guðlaugs-
dóttir, eiginkonu Bjarna og ætt-
móður fjölskyldunnar sem lést á
síðasta ári. Andvirðið er um 13
milljónir króna.
„Ég kynntist starfsfólkinu vel
þegar hún Dóra mín lá á sjúkra-
húsinu og það á allt gott skilið.
Rúmin eru öll rafdrifin og auð-
velda starfsfólkinu vinnuna.“
Yngdist upp í Póllandi
- Þú telur ekki eftir þér að gefa
til sjúkrahússins?
„Nei, mér líður mjög vel með
það. Ég hef eignast allt mitt hér
og vil láta byggðarlagið njóta
þess. Þetta kom með uppeldinu.
Mamma og pabbi sendu mig oft
með lúðu eða annan
fisk til fólks sem þau
vissu að hafði úr litlu
að spila,“ segir Bjarni
og honum finnst
náungakærleikur vera
á undanhaldi.
Bjarni talar af
reynslu og man tímana
tvenna enda er hann
kominn á áttræðisaldur. Hann lít-
ur hins vegar út eins og unglamb
enda nýkominn úr hressingarferð
til Póllands.
„Ég er nýkominn úr ferð sem
Jónína Benediktsdóttir skipulagði
til Póllands. Ég er eins og nýr
maður og fólkið sem var með mér
í ferðinni tók eftir því. „Þegar þú
komst varst þú eins og gam-
almenni frá suðurströndinni en nú
ertu eins og 24 ára táningur,“
sagði fólkið. Við vorum átján í
ferðinni og dvöldum úti í hálfan
mánuð. Ég er allt annar maður og
hvet alla til að fara í þessar ferðir
sem gefa mikla heilsubót. Það er
farið í göngutúra og uppistaðan í
fæðunni er grænmeti og ég get
sagt þér að þrátt fyrir það er
maður aldrei svangur. Jónína
Benediktsdóttir á allt gott skilið.
Hún er merkileg kona og keyrir
þetta allt áfram,“ segir Bjarni og
hefur í nógu að snúast því það er
orðið fært með flugi og Bjarni
þarf að koma fjögurra ára dótt-
ursyni sínum til
Reykjavíkur.
„Það er verst að
allir krakkarnir mín-
ir utan einn eru
fluttir frá Eyjum.
Hákon Ingi hefur
verið í fóstri hjá
mér í viku en nú er
hann á leið heim aft-
ur. Við misstum af fluginu í gær,“
segir Bjarni og lítur á Hákon Inga
og það ríkir greinilega jöfnuður og
vinátta á milli þeirra félaga.
„Krakkarnir vilja endilega vera
hjá mér en nú er eldri bróðir hans
kominn í skóla og getur bara verið
hér á sumrin. Við Hákon Ingi fór-
um rúnt um bæinn í gær til að at-
huga með hús sem hann getur
keypt þegar hann verður stór.
Hann ætlar að búa hérna,“ segir
Bjarni sem hefur ekki aðeins kom-
ið að útgerð heldur hefur hann
líka verið frístundabóndi með
meiru.
„Hef eignast allt mitt
hér og vil að aðrir njóti“
Bjarni Sighvatsson, fyrrverandi útgerðarmaður í Vestmannaeyjum, styður vel við
sjúkrahúsið í heimabæ sínum. „Ég kynntist starfsfólkinu vel þegar hún Dóra mín
lá á sjúkrahúsinu og það á allt gott skilið,“ segir Bjarni.
Morgunblaðið/Sigurgeir
Rúmin afhent Drífa Kristjánsdóttir, formaður Líknar, Bjarni, Gunnar, Kolbrún Tryggvadóttir hjúkrunarfræð-
ingur, Gyða Arnórsdóttir, hjúkrunarfræðingur, Lilja Óskarsdóttir hjúkrunarfræðingur. Gyða sagði nýju rúmin
létta starfsfólki vinnuna og stofnunin væri orðin eftirsóknarverður vinnustaður fyrir fólk í heilbrigðisþjónustu,
þökk sé tækjabúnaði sem Bjarni og aðrir hefðu haft forgöngu um að kaupa.
„Þegar þú komst
varst þú eins og
gamalmenni frá
suðurströndinni
en nú ertu eins og
24 ára táningur,“
sagði fólkið