Morgunblaðið - 15.10.2008, Blaðsíða 4

4 MIÐVIKUDAGUR 15. OKTÓBER 2008 MORGUNBLAÐIÐ
FRÉTTIR
Eftir Önnu Sigríði Einarsdóttur
annaei@mbl.is
„ÞETTA eru mistök sem gerð eru
á álagstíma,“ segir Ísleifur Ólafs-
son, yfirlæknir klínískrar lífefna-
fræðideildar Landspítalans, um
víxlun á blóðprufum sem olli því
að Elliði Vignisson, bæjarstjóri í
Vestmannaeyjum, var sendur í
hjartaþræðingu en annar sjúk-
lingur spítalans í Eyjum var send-
ur heim.
„Sýnin voru merkt nafni og
kennitölu en á rannsóknarstof-
unni er nýr límmiði með strika-
merki, nafni og kennitölu settur á
sýnaglasið. Mistökin verða þegar
verið er að lesa saman nafn og
kennitölur á límmiðum.“
Ísleifur segir þegar byrjað að
fara yfir verkferla og huga að því
hvað megi bæta. „Við höfum rætt við
starfsmenn og það verður sett niður
á blað hvernig menn eiga að bera sig
að,“ segir hann og nefnir sem dæmi
að eitt af því sem megi bæta sé að
strikamerkja öll glös strax við blóð-
töku. „Þannig er það raunar þegar
með stóran hluta af okkar sýnum en
ákveðin, aðsend sýni eru ekki
merkt.“
Ísleifur segir, að ekki hafi liðið
langur tími frá því það uppgötvaðist
að rangur sjúklingur hefði verið
sendur í aðgerð þar til búið var að
hafa uppi á réttum manni og bregð-
ast við ástandi hans. „Ég talaði við
hann í morgun [gær] og hann er bú-
inn að fá viðhlítandi meðferð og
verður útskrifaður í dag [gær].
Sömuleiðis hef ég rætt við Elliða,
landlækni, yfirlækni hjartadeildar
og heilsugæslulækni og gera þeim
grein fyrir því sem gerðist. Við erum
nú að fara yfir verkferlana og svo
mun gæðadeild Landspítalans gera
sína úttekt. Það er hins vegar ekki
hægt að segja að ekki verði gerð
mistök í framtíðinni en það verður
að gera allt til að þau verði jafn-
sjaldgæf og hægt er og helst engin.“
Mistök sem gerð eru á álagstíma
 Landspítalinn fer yfir verklagsferla á rannsóknarstofu og kannar hvað megi betur fara
 Til skoðunar að strikamerkja öll glös strax við blóðtöku  Sum aðsend sýni ekki strikamerkt
Í HNOTSKURN
»Hundruð sýna berastinn á rannsóknarstofur
Landspítalans á degi hverj-
um.
»Stærstur hluti sýnannasem þangað berast er
strikamerktur alveg frá
upphafi, en hluti þeirra að-
sendu sýna sem þangað
berast kemur inn merktur
nafni og kennitölu.
»Mistökin verða þegar aðnýr límmiði með strika-
merki, nafni og kennitölu
er settur á glasið og nafn
og kennitölur á límmiðum
eru eru ekki lesin rétt
saman.
Morgunblaðið/ÞÖK
Mistök á álagstíma Ástæða þess að víxlun varð á blóðprufum sjúklinga.
Eftir Sigtrygg Sigtryggsson
sisi@mbl.is
BRÁTT lætur úr höfn á Akureyri
rannsóknarskipið Neptune EA-41
og verður stefnan tekin á Eystra-
saltið, þar sem skipið verður í þjón-
ustu rússneskra gas- og olíufélaga
næstu misserin. Skipið er eign fyr-
irtækisins Neptune ehf. á Akureyri
og er fátítt eða jafnvel einsdæmi að
íslenskt rannsóknarskip af þessari
stærðargráðu sé í einkaeigu. Nept-
une ehf. hyggst ekki láta staðar
numið, því fyrirtækið hefur keypt
enn stærra skip, togarann Harðbak,
og hyggst breyta honum í rannsókn-
arskip.
Að sögn Ágústs H. Guðmunds-
sonar, framkvæmdastjóra Neptune
ehf., hófust breytingarnar á skipinu í
mars síðastliðnum hjá Slippnum á
Akureyri, og eru þær á lokastigi.
Skipið hét áður Helga Björg og
var togari, sem gerður var út frá
Skagaströnd. Það er 490 brúttólest-
ir. Gerðar hafa verið geysimiklar
breytingar á skipinu, til að það geti
sinnt hinu nýja hlutverki sem rann-
sóknarskip. Vistarverum hefur verið
fjölgað og skipið búið fjölbreyttum
tækjakosti. Ágúst segir að ekki liggi
fyrir á þessari stundu hver heild-
arkostnaður verður við breyting-
arnar, en hann skipti hundruðum
milljóna króna.
Neptune mun á næstunni vinna að
lagningu gasleiðslu á botni Eystra-
salts. Rússnesk fyrirtæki hafi leigt
skipið til þessa verkefnis. Um borð
verða 12 erlendir vísindamenn, 2-3
eftirlitsmenn með verkinu og níu
manna íslensk áhöfn. Skipstjóri
verður Jóhannes Páll Sigurðsson.
Sem fyrr segir hefur verið komið
fyrir miklum tækjabúnaði um borð í
skipinu. Meðal annars verða um
borð þrír róbótar, sem tengjast mis-
munandi hlutverkum við lagningu
gasleiðslunnar.
Ágúst segir að skipið sé í íslenskri
eigu og Rússarnir muni bara leigja
það, en hafi ekki keypt í því hlut.
Hins vegar liggi fyrir að þau fyr-
irtæki, sem tekið hafa skipið á leigu,
séu mjög fjársterk. Að hans sögn er
Magnús Þorsteinsson aðaleigandi
Neptune ehf. en stefnt er að því að
fleiri aðilar komi að félaginu.
Þá hefur félagið einnig keypt
Harðbak af Brimi. Þessi þekkti Ak-
ureyrartogari er stærra skip, 941
brúttólest, smíðaður 1974. Ágúst
segir að ekki sé ákveðið hvenær
byrjað verður að breyta Harðbaki í
rannsóknarskip en vonir standi til að
það verk verði einnig unnið í Slippn-
um á Akureyri. Næg verkefni verði
fyrir Harðbak þegar búið verði að
breyta honum. „Það er gott fyrir
land og þjóð að við skulum fá svona
verkefni,“ segir Ágúst.
Morgunblaðið/Skapti Hallgrímsson
Við Slippinn Harðbakur í forgrunni og fjær má sjá við bryggju Neptune EA sem brátt lætur úr höfn til rannsóknarstarfa í Eystrasalti.
Rannsóknir í þágu Rússa
 Fyrirtækið Neptune ehf. á Akureyri lét breyta togara í rannsóknarskip
 Hefur keypt togarann Harðbak sem einnig verður breytt til rannsókna
TVEIR Íslendingar munu á morgun
halda til Bandaríkjanna til að taka
þátt í kosningaeftirliti á vegum Ör-
yggis- og samvinnustofnunar Evr-
ópu (ÖSE). Bandaríkjamenn munu
kjósa sér nýjan forseta 4. nóvember
og má búast við að íslensku kosn-
ingaeftirlitsmennirnir snúi heim
nokkrum dögum síðar. Þetta er í
þriðja sinn sem ÖSE sendir eftirlits-
menn til Bandaríkjanna en í fyrsta
skipti sem Íslendingar eru hluti
hópsins. Alls verða 48 kosningaeft-
irlitsmenn frá ÖSE á víð og dreif
um Bandaríkin og munu þeir ís-
lensku sinna eftirliti annars vegar í
Utah og Nevada og hins vegar í
Michigan.
Að sögn Urðar Gunnarsdóttur,
fjölmiðlafulltrúa utanríkisráðu-
neytisins, eru aðildarríki ÖSE
reglulega beðin að leggja fram eft-
irlitsmenn. Ríkin ákveða hve marga
þau bjóða fram og í þessu tilfelli
bauð Ísland fram tvo. Auk forseta-
kosninganna verður einnig haft eft-
irlit með þingkosningum sem fara
fram á sama tíma.
ylfa@mbl.is
Íslendingar
í kosninga-
eftirlit vestra
SKAFTÁRHLAUPIÐ er að mestu
búið eftir að hafa náð hámarki við
útfallið undan jökli snemma á
sunnudag. Við Sveinstind mældist
hámarksrennslið um 1.350 m3/s en
talið er að vatnsmagnið hafi þó ver-
ið meira, því vatn var þá tekið að
renna út úr farveginum ofan við
mælinn og út í hraunin suðaustan
Fögrufjalla. Í gærkvöldi var rennsl-
ið komið niður í 228 m3/s sam-
kvæmt sjálfvirkum rennslismæli á
vef Orkustofnunar. orsi@mbl.is
Skaftárhlaup-
ið senn á enda
BREYTINGIN á Neptune er stærsta
verkefnið sem unnið hefur verið í
stöðinni síðastliðinn 15 ár, segir
Anton Benjamínsson, fram-
kvæmdastjóri Slippsins á Ak-
ureyri. Slippurinn er þriggja ára
gamalt fyrirtæki, sem reis úr rúst-
um Slippstöðvarinnar gömlu. Ant-
on segir að þetta hafi verið gríð-
arlega stórt verkefni og að mörgu
leyti óvenjulegt fyrir starfsmenn
Slippsins.
Anton segir að viðræður hafi átt
sér stað við Neptune ehf. um að
Slippurinn taki að sér breyting-
arnar á Harðbaki. Ekkert sé ákveð-
ið í þeim efnum enda eigi eftir að
skilgreina hvaða breytingar þurfi
að gera á skipinu. „Vonandi verður
samningum landað,“ segir Anton.
Að hans sögn hefur verið gíf-
urlega mikið að gera hjá Slippnum
síðustu mánuði og verkefnastaðan
er góð. Vegna stöðu krónunnar
hafa erlendar útgerðir sýnt því
áhuga að koma með skip sín til Ak-
ureyrar. Starfsmenn Slippsins eru
100 talsins og er tilfinnanlegur
skortur á járniðnaðarmönnum, vél-
virkjum og vélstjórum.
Stærsta verkefni Slippsins í 15 ár
ÓLAFUR Ragn-
ar Grímsson, for-
seti Íslands, hef-
ur í samráði við
ríkisstjórnina
ákveðið að fresta
opinberri heim-
sókn sinni til
Þýskalands en
hún var fyr-
irhuguð síðar í
þessum mánuði.
Forsetinn sendi Horst Köhler for-
seta Þýskalands bréf þessa efnis á
mánudag.
Hættir við
heimsóknina
Ólafur Ragnar
Grímsson