Skinfaxi - 01.10.1932, Side 28

152
SKINFAXI
bezta fram, en var fámennari en skyldi. Fyrst flntti síra Þor-
geir Jónsson snjalla ræðu. Þá töluðu þau fyrir minni sam-
bandsins, Gestur Andrésson á Hálsi i Kjós og Rannveig Þor-
steinsdóttir i Reykjavík. Eftir það fóru fram umræður um
bindindismál, og tóku margir til máls. Meðal ræðumanna
var Sigfús Sigurhjartarson stórtemplar, er sambandsstjóri
hafði boðað á samkomuna, Felix Guðmundsson ritstjóri,
Friðgeir H. Berg formaður U. M. F. A., en hann var sendimað-
ur U. M. S. Eyfirðinga á mótinu, og Þórhallur Rjarnarson
prentari. Flutti liann eftirfarandi tillögu, er samþykkt var
einum rómi:
„Ungmennafélagar, saman komnir á 25 ára minningar-
samkomu í Þrastaskógi í dag, heimta af ungiiiennafélögum ís-
lands, að þau haldi fast við bindindisheit sín, og skorar á
þau, hvert í sinni sveit, að vinna af alefli að útrýmingu vín-
bruggunar úr landinu."
Eftir þetta sýndi vikivakaflokkur U. M. S. K. listir sinar
og síðan var kaffisamsæti i Þrastalundi.
Eyjafjarðarsundið 1907.
6. ágúst í suinar voru liðin 25 ár síðan Lárus J. Rist synti
yfir Eyjafjörð, en með því sundi hefst nýtt tímabil í íþrótta-
sögu íslendinga. Afmælis ]>cssa var minnzt með sundsýningu
og samsæti á Akureyri. Lárus steypti sér í sundlaug bæjarins
i samskonar búningi og bann lagðist i til sunds í Eyjafjarðarál
1907, og klæddi sig siðan úr fötunum á sundi. — U. M. F. í.
og í. S. í. sæmdu Lárus gjöfuin á afmæli þessu. Gjöf U. M.
F. í. var vangamynd af Lárusi, úr gipsi. Ilafði Ríkarður Jóns-
son myndliöggvari mótað hana fvrir sambandið. -— Gjöf í.
S. í. var silfurskjöldur með áletrun.
Látinn félagi.
í ágústmánuði í sumar lézt Jón Þórðarson, námsmaður í
Kennaraskólanum, gáfaður áhugamaður, rúmlega tvítugur.
Hann var félagsmaður í U. M. F. Eyrarbakka, ritari þess um
tíma og átti frumkvæði að ýmsum framkvæmdum þess.
Félagsprentsmiðjan.