Skinfaxi - 01.04.1952, Blaðsíða 10

10
SKINFAXI
íslenzk skáld og rithöfundar IV.
KRI§TMANN GVÐMIIADSSOX
Þeir eru fáir íslenzku rithöfundarnir, sem
náð hafa því torsótta takmarki að vera við-
urkenndir stórvirkir rithöfundar í öðrum
löndum. Einn af þcim rithöfundum íslenzk-
um, sem rutt hefur sér braut á erlendum
vettvangi og getið sér svo mikilar frægð-
ar, að bækur hans hafa almenningshylli á
Norðurlöndum og víðar, er Kristmann
Guðmundsson.
Kristmann Guðmundsson er fæddur 23.
október 1902 að Þverfelli í Lundarreykja-
dal. Hann var ekki hjónabandsbarn og ólst
upp hjá afa sínum. Æska Kristmanns var ekki nein sæluvika,
og fékk hann óskiptan hlut af mótlæti því og hlýjuleysi, sem
þau börn mæta, er óboðin eru í þennan heim. Ekki beygði
það Kristmann eða kreppti, heldur fór hann snemma að heim-
an og gengdi hann fjölmörgum störfum í lífsins skóla. Snemma
hneigðist hugur hans til skáldskapar. og sendi hann frá sér
fyrstu bók sína, ljóðabókina RÖKKURSÖNGVA, árið 1922,
tvítugur að aldri. Kristmann fór ungur til Noregs og ruddi
sér þar braut sem rithöfundur. Hann náði óvenju góðum tök-
um á málinu og skrifaði hverja bókina af annarri. Hann varð
mjög vinsæll ástarsagnahöfundur á Norðurlöndum. Fyrsta
skáldsaga Kristmanns kom út á norsku árið 1926, ISLANDS
IÍJÆRLIGHED (íslenzkar ástir). Siðan rak hver bókin aðra.
Kristmann hefur skrifað flestar bækur sínar á norsku, en þær
hafa nær allar verið þýddar á íslenzku. Þær hafa og verið þýdd-
ar á mörg tungumál. Kristmann kom heim til íslands árið
1938. Hann hefur skrifað meira en 20 bækur og eru bækurnar
Morgunn lífsins (Katanesfólkið) 1929, Helgafell 1932 og Gyðj-
an og uxinn, þeirra merkastar.
Kristmann býr nú í skálda- og listamannabænum, Hvera-
gerði.