Skinfaxi - 01.04.1962, Page 14

Skrúðganga við upphaf mótsins að Laugum.
Til kl. 12 fór fram keppni í einstökum
íþróttagreinum. Kl. 13.30 hófst hátíðasam-
koma mótsins. Samkoman hófst með guðs-
þjónustu. Séra Eiríkur J. Eiríksson, sam-
bandsstjóri U.M.F.l. prédikaði. Öskar Ág-
ústsson, héraðsstjóri H.S.Þ., flutti setning-
arræðu. Hátíðaræður fluttu: Ingólfur
Jónsson, ráðherra, Jóhann Skaftason,
sýslumaður og Karl Kristjánsson, alþingis-
maður. Þá fór fram þjóðdansasýning und-
ir stjórn Ingimundar Jónssonar og Védís-
ar Bjarnadóttur, fimleikasýning undir
stjórn Öskars Ágústssonar og glíma.
Glímustjóri var Þorsteinn Einarsson.
Milli atriða sungu þrír kórar undir
stjórn Þráins Þórissonar, Sigurðar Hall-
marssonar, Jónasar Helgasonar og Páls
Jónssonar.
Hátíðasamkoman fór fram í fögrum
hvammi við íþróttavagninn. Veður var
fremur þungbúið fyrrihluta dagsins, en sól
og sumar vermdi mannfjöldann meðan á
samkomunni stóð. Þessi samkoma mun
flestum viðstöddum ógleymanleg. Ræðu-
menn röktu sögu ungmennafélagshreyf-
ingarinnar, fluttu þakkir og hvöttu til
dáða. Æskan, karlar og konur sýndu
leikni og þrek. Samstilltar raddir söng-
fólksins vöktu hrifni og hlýju. Þúsundir
mótsgesta þökkuðu sýningar, söng og ræð-
ur. Það ríkti helgi og fegurð yfir þessari
hátíðastund 11. landsmóts U.M.F.Í.
Þegar hátíðasamkomunni var lokið, fór
fram íþróttakeppni. Báða dagana var
keppt í starfsíþróttum undir stjórn Stef
áns Ólafs Jónssonar og Steinunnar Ingi-
mundardóttur. Starfsíþróttakeppni var nú
verulegur þáttur í mótinu og vakti sér-
staka athygli.
Á sunnudagskvöldið fóru fram mótsslit
14
S K I N F A X I