Skinfaxi - 01.04.1963, Page 11

laug að Reykjum á næsta vori. Um vorið
var laug-in endurbætt sem áætlað hafði
verið. Fór sundkennsla síðan fram við
laugina flest vor. En laugin var ófullkomin,
og dró það nokkuð úr aðsókn.
Á sambandsþingi 1917 var því hreyft,
að steypa sundlaugina og gera svo full-
komna, er bezt þekktist á þeim tíma. Næsta
ár var Jóh. Kristjánsson byggingameistari
fenginn til að skoða laugina og var honum
falið að gera teikningar af nýrri sundlaug.
Þessum undirbúningi var ekki lokið fyrr
en seint á árinu 1920, en þá var verðhrunið
skollið yfir. Biðu því framkvæmdir til árs-
ins 1924. Þá var byggð sundlaug úr stein-
steypu (veggir og botn) 20x10 metrar.
Heitt og kalt vatn var leitt til laugarinnar
í járnpípum. Kostaði laugin þannig gerð
h. u. b. átta þúsund krónur. Má gera sér
Ijóst, hve stór þessi upphæð var, ef miðað
er við kaupgjald, sem þá var 45 til 50 aur-
ar á klukkustund.
Upphaflega var ákveðið að byggja yfir
hálfa laugina, svo að kenna mætti sund á
vetrum. Vegna fjárhagserfiðleika varð að
fresta þeim framkvæmdum og varð aldrei
gert. Svo fór einnig með skýli fyrir nem-
endur, að þau voru ekki byggð sem verða
átti, aðeins lélegur skúr, enda notuð tjöld í
stað skýlanna. Sundlaugin þjónar ennþá
sínu hlutverki. En ráðgert er, að byggja
nýja sundlaug, þá er sá gamli draumur
rætist, að skólahús rísi að Reykjum.
Páll Kristjánsson bóndi á Reykjum er
sá, sem lengst hefur kennt þar sund eða
um tuttugu ára skeið. Byrjaði hann
kennslu 1918. Páll nam fyrst sund heima
að Reykjum, en fór síðan til Reykjavíkur
til framhaldsnáms. Gekk hann þar og á
Mullersskólann og lærði Mullerskerfið.
Kenndi hann það sundnemendum eftir því,
sem til vannst, og þótti vel gefast.
Fræðslumálin
voru jafnan í fyrstu röð dagskrármála
S.U.A.H. Á stofnfundi er þegar bent á
nauðsyn þess, að samtökin hlutist til um,
að ungu fólki sé leiðbeint um val bóka, fé-
lögin hvött til að efla lestrafélög í sveitum,
og bægja frá því bókarusli, sem þá var að
koma á markaðinn. Rætt var um, að sam-
bandið gæfi út blað, m. a. til að leiðbeina
um bókaval. Úr því varð ekki, en ýmis fé-
lög innan sambandsins gáfu út félagsblað.
Þess er áður getið, að S.U.A.H. réði Guð-
mund Hjaltason til að ferðast milli sam-
bandsdeildanna og flytja erindi. Ilann ferð-
aðist og síðar í sömu erindum um félags-
svæðið.
Ýmsa aðra áhugamenn fékk sambandið
til að flytja fræðandi erindi á fundum og
samkomum, er félögin efndu til. En
stærsta hugsjónamálið í þessari grein var
að reisa héraðsskóla — lýðskóla á Reykj-
um. Málinu var hreyft af St. D. á þingi
S.U.A.H. árið 1926. Málið var síðan tekið
til umræðu og ályktanir um það gerðar á
þingunum árin 1928 til 1930. Var í fyrstu
leitað samstarfs um skólann við Vestur-
Húnvetninga, en samvinna tókst ekki af
þeim sökum, að þeir höfðu þegar tryggt
sér ríkisframlag til að reisa lýðskóla á
Reykjatanga í samvinnu við Strandamenn.
Var þá leitað samvinnu við Skagfirðinga
um héraðsskóla, er reistur yrði annaðhvort
á Reykjum eða í Varmahlíð. Var því vel
tekið af Skagfirðingum. En af einhverjum
ástæðum dró byr úr áhuga þeirra og hafa
engar framkvæmdir orðið. Án samtaka
tveggja eða fleiri héraða var málið von-
1 1
3KINPAXI