Skinfaxi - 01.12.1976, Qupperneq 22

Undirritaður vill lýsa ánægju sinni
yfir þessari starfsemi sem fram fór í
Þrastaskógi s.l. sumar, og sérstaklega
óska A.A.-samtökunum til hamingju
með vel skipulagt og vel heppnað
landsmót.
Ýmsar mjög aðkallandi fram-
kvæmdir eru framundan hjá stjórn
UMFÍ í Þrastaskógi. Má þar nefna
öflun neysluvatns, byggingu full-
komnari hreinlætis- og snyrtiaðstöðu í
Þrastalundi o. m. fl.
Um árabil hafði UMFÍ sérstaka fjár-
veitingu á fjárlögum ríkisins vegna
ræktunarstarfa í Þrastaskógi, en hún
var tekin af fyrir nokkrum árum og
hefur ekki fengist aftur inn á fjár-
lög þrátt fyrir síendurteknar umsóknir
stjórnar UMFÍ. Það horfir því fremur
þunglega um verulegar framkvæmdir
í Þrastaskógi á næstu árum nema úr
rætist. Eina framkvæmdafé UMFÍ til
mannvirkjagerðar og viðhalds í
Þrastaskógi eru leigutekjur af eignum
UMFÍ þar á staðnum, sem jafnframt
hafa orðið að standa undir afborgun-
um af lánum frá fyrri tíð vegna bygg-
ingar á Þrastalundi.
H.Þ.
Blaðaútgáfa
Ungmennafélaganna
Skinfaxa hefur borist blaðið Nýr geisli
en það er félagsblað Umf. Stafholts-
tungna, 22 síður fjölritaðar með kápu og
prýtt mörgum myndum. Blaðið er fjöl-
breytt að efni og snyrtilegt að frágangi.
Þá hefur Skinfaxa einnig borist 1.
Fréttabréf Ungmennasambands Skaga-
fjarðar, sem er fjölritað með teikningum
i léttum dúr. Fréttabréfið er nýjung hjá
UMSS með upplýsingum, fréttum og
hvatningum.
Bæði þessi rit eru vottur um góða og
vakandi félagsstarfsemi innan hreyfing-
arinnar.
Minjapeningar
Slátta minjapenínga virðist sífellt verða vin-
sælli, enda eru þeir gjarnan veglegir og dýr-
mætir minjagripir. A.m.k. tvö héraðssambönd
hafa látið slá slíka gripi: UMSK og HSÞ. í
ráði mun vera að_ láta slá slíkan grip á sjö-
tugsafmæli UMFÍ, og er það vel til fundið.
Hér að neðan má sjá útlit tveggja af fjöl-
mörgum minjapcningum sem slegnir voru í
tilefni Ólympíuleikjanna í sumar.
22
SKINFAXI