Skinfaxi - 01.04.1982, Blaðsíða 6

Sveinn Jónsson þingforseti á þingi
UMSE.
m
Jóhannes Geir Sigurgeirsson fráfar-
andi formaður UMSE.
bandsins á sl. ári. Hæst bar fram-
kvæmdin á 17. Landsmóti UMFI
á Akureyri, svo og fjölbreytt
íþróttastarf. Birgir Jónasson frá-
farandi gjaldkeri las reikninga
UMSE og sýndu þeir ofurlítinn
hagnað, þótt fjárhagurinn verði
að teljast fremur bágborinn. Þór-
oddur Jóhannsson formaður
Landsmótsnefndar UMFÍ flutti
skýrslu um Landsmótið og gerði
grein fyrir fjárhagsstöðu þess.
Kom þar fram að einhver hagn-
aður mun verða af mótinu.
Þingið mótaði starfsáætlun fyr-
ir yfirstandandi ár og í henni er
ráðgert að halda uppi líku starfi
og undanfarið. Þingið taldi nauð-
synlegt að ráða starfsmann til
UMSE, en Þórir Snorrason lét af
starfi framkvæmdastjóra á sl. ári.
Jóhannes Geir Sigurgeirsson,
Birgir Jónasson og Sigfríð Valdi-
marsdóttir gáfu ekki kost á sér til
endurkjörs í stjórn UMSE. Var
þeim, svo og Þóri Snorrasyni
þökkuð mikil og góð störf í þágu
UMSE. Gísli Pálsson var kjörinn
formaður UMSE, Guðmundur
Steindórsson gjaldkeri, Víkingur
Guðmundsson ritari, Vilhjálmur
Björnsson varaformaður og
Klængur Stefánsson meðstjórn-
andi. I varastjórn voru kosnir:
Sigurgeir Hreinsson, Oskar
Gunnarsson og Marinó Þor-
steinsson. Þeir Gísli, Guðmundur
og Klængur hafa ekki setið í aðal-
stjórn UMSE áður.
Þ.J.
HSÞ
Þing HSÞ var haldið á Húsavík
4. apríl. Þingið sótti af hálfu
UMFÍ Pálmi Gíslason, og frá ÍSÍ
mættu þeir Hermann Guðmunds-
son og Jón Ármann Héðinsson.
Þingið var mjög fjölmennt og
starfsamt. Þingforseti var kjörinn
Freyr Bjarnason.
Formaður Þormóður Ásvalds-
son flutti skýrslu um störf sam-
bandsins. Mikil gróska er í starfi
þess á flestum sviðum, þó eru
frjálsar íþróttir í nokkurri lægð.
Meðal fjölmargra verkefna
sambandsins á þessu ári er mót-
taka 50 manna hóps frá Dan-
mörku, en HSÞ hefur um nokk-
urra ára skeið haft samskipti við
ungmennafélög á Jótlandi. Ung-
mennabúðir hafa verið á dagskrá í
mörg ár, sömuleiðis Laugahátíð
sem fram hefur farið með miklum
ágætum og auk þess gefið sam-
bandinu nokkrar tekjur. Starf
flestra félaga hefur verið gott. Á
þinginu var kynnt mjög skemmti-
leg leiðarlýsing sem ungmennafé-
lagið Gaman og Alvara hefur gert
Frá þingi HSÞ. Þormóður Ásvaldsson
formaður sambandsins í ræðustól.
í sambandi við göngudag fjöl-
skyldunnar.
Margar ágætar tillögur voru
ræddar og samþykktar og má
segja að bjartsýni hafi ríkt á þing-
inu.
Á þinginu var Iþróttamaður
HSÞ 1981, Vignir Valtýsson,
heiðraður, en hann fékk þann
sæmdartitil fyrir sigur í dráttar-
vélaakstri á Landsmóti UMFÍ.
Hann hefur sigrað í dráttarvéla-
akstri á 6 síðustu Landsmótum.
Eki er vitað til að áður hafl starfs-
íþróttamaður hlotið slíkan titil.
V
Þormóður Ásvaldsson var end-
urkjörinn formaður HSÞ.
P.G.
usú
50. þing USÚ var haldið að
Höfn á Hornafirði laugardaginn
3. apríl.
Fjölnir Torfason formaður
USÚ flutti skýrslu stjórnar og
sagði frá helstu verkefnum síðasta
starfsárs.
Á sl. sumri starfaði Svava Arn-
órsdóttir sem framkvæmdastjóri
USÚ og kom í hennar hlut að
standa fyrir undirbúningi vegna
18. Landsmótsins og mótahaldi
sambandsins, enda má segja að
6
SKINFAXI