Skinfaxi - 01.04.1982, Blaðsíða 16

gameistaramót
ianda
ikum 1982
J '82
Dagana 24. og 25. apríl var
Unglingameistaramót Norður-
landa í fimleikum haldið í Laug-
ardalshöllinni. Mótssetningin var
mjög hátíðleg, þar sem keppnis-
liðin gengu undir fána síns lands
og Lúðrasveitin Svanur lék.
Lovísa Einarsdóttir formaður FSI
setti mótið og kynnti keppnisliðin,
þjálfara og dómara. Hannes í>.
Sigurðsson, varaforseti ISI, flutti
ávarp og hvatningarorð til kepp-
enda.
Að setningunni lokinni hófst
keppnin. Keppendur í stúlkna-
flokki voru á aldrinum 11-15 ára,
en piltarnir voru hins vegar á
aldrinum 15 - 18 ára. Fjórar
greinar voru í gangi í einu, tvær í
stúlknaflokki og tvær í piltaflokki.
Þó svo margar greinar væru í
gangi í einu, gekk mótið mjög
hratt og snurðulaust. Nokkuð
auðvelt var að fylgjast með mót-
inu fyrir áhorfendur, því tveimur
sjónvarpsskermum hafði verið
komið fyrir við áhorfendapallana,
en á þeim birtist jafn óðum árang-
ur keppendanna. Upplýsingarnar
sem birtust á skjánum hefðu þó
mátt vera meiri, því erfitt var fyrir
þá sem þekktu ekki mjög vel til að
átta sig á því fyrir hvaða grein var
verið að gefa í hvert skipti.
Greinilegt er að mjög hefur ver-
ið vandað til undirbúnings þessa
móts. Allt var skipulagt í smá-
atriðum. Allir sem að mótinu
störfuðu höfðu ákveðnu hlutverki
að gegna og ræktu það með sóma.
Sérstaklega var kynnirinn, Birgir
Guðjónsson, góður og auðveldaði
áhorfendum mjög að fylgjast með
keppninni. Þetta er fyrsta mót
sinnar tegundar hér á landi.
Fyrri dagunnn var stiga-
keppni. Annars vegar voru talin
heildarstig hjá hverju landi og
hins vegar samanlögð stig hvers
einstaklings út úr öllum greinun-
um. Islendingarnir fóru nokkuð
halloka í þessari stigakeppni og
lentu í 5. og neðsta sæti bæði í
stúlkna og piltaflokki en minna
munaði hjá stúlkunum. Svíarnir
unnu í báðum flokkum í heildar-
stigakeppni landanna. Þeir unnu
tvöfalt í stigakeppni einstaklinga í
piltflokki, en þar varð finni í 3.
sæti. í stúlknaílokki varð finnsk
stúlka stigahæst, norsk í 2. sæti og
sænsk í 3. sæti.
Seinni mótsdaginn var ein-
staklingskeppni, þar sem sex
bestu í hverri grein frá deginum
áður kepptu. Þó máttu ekki nema
tveir frá hverju landi keppa í
hverri grein, en í stigakeppninni
fyrri daginn voru fjórir í hverri
grein. Enginn íslendingur komst í
einstaklingskeppnina, en Kristín
Gísladóttir var næst því að kom-
ast í úrslitin á jafnvægisslá. Sví-
arnir höfðu, eins og fyrri daginn,
nokkra yfirburði sérstaklega í
piltaflokknum. Svíinn JohanJon-
asson hafði mestavyfirburði, sigr-
aði í 5 greinum af 6. I stúlkna-
flokknum veittu fmnsku og
norsku stúlkurnar þeim sænsku
harða keppni.
Mótslitin voru með jafn hátíð-
legum blæ og setningin. Mótstjór-
unum var afhent blóm, einnig
stjórnanda lúðrasveitarinnar, en
sveitin var til staðar báða dagana
og lék þjóðsöngva sigurlandanna
við verðlaunaafhendingar, sem
fram fóru jafn óðum.
Fimleikasamband Islands á
þakkir skyldar fyrir svo glæsilegt
og vel framkvæmt mót, sem er
þeim sem að því stóðu til mikils
sóma.
IS
16
SKINFAXI