Skinfaxi - 01.02.1986, Blaðsíða 16

Hugleiðingum sund
Hörður S. Óskarsson
Þegar litið eryfir sundárið 1985 kemur margt skemmtilegt í
ljós. I fyrstu sá fjöldi iðkenda sem nú tekur þátt í
keppnissundi og áberandi er, að mest öll sú aukning kemur
frá landsbyggðinni. Þar eiga ungmennafélögin stærstan
þátt.
Þá sjáum við líka augljós merki
þess að áfram verður haldið á
sömu braut, því oft kemur það
fyrir á sundmótum að takmarka
verður þátttökufjöldann við
lágmarksárangur í greinunum.
Einnig það að lítt plægður akur
fyrir sundíþróttina er í nokkrum
laugum landsins sem alla
möguleika hafa á því að byggja
upp öflugt sundlíf. Þama á ég við
staði eins og Seltjarnarnes,
Sandgerði og að Varmá í
Mosfellssveit. Á þessum stöðum
væri sannarlega skemmtilegt
verkefni fyrir áhugasamann
sundþjálfara að koma upp öflugu
starfi.
Öflugt starf víða.
í Borgarfirði, á Vestfjörðum,
Húnavatnssýslum, Skagafirði og
í Mývatnssveit er þegar komið vel
á veg með stöðuga og virka
sundþjálfun og er stutt í það að
frá þessum stöðum komi efnilegir
krakkar sem auka hróður sinna
heimabyggða. Á Austfjörðum var
gerð góð tilraun á s.l. ári með að
ráða sérstakan sundþjálfara og
sást þegar árangur af hans starfi á
AMI. En eitt sumar er stuttur tími
og vonandi tekst heimamönnum
að halda vel í horfinu og bæta
frekar við.
Mér segir svo hugur um að þeir
hafi fullan hug á því. Suðurland
er með fastan kjama á Selfossi og
í Þorlákshöfn, og alltaf koma af
og til góðir einstaklingar frá
Hveragerði og uppsveitum
Árnessýslu. Núna er svo komin
sundlaug á Hellu og önnur í
smíðum á Hvolsvelli. Má kannski
búast við krökkum úr
Rangárvallasýslu? Það vonum við
allavega.
Ef svo yrði væri þar brotið blað,
því þaðan hafa aldrei, svo ég viti,
komið sundmenn á
landsmælikvarða, enda fátt um
laugar.
í Vestmannaeyjum virðist hálf
erfitt að koma upp
sundstemmningu, þrátt fyrir það
að þar er ein sú albesta aðstaða í
landinu að þessu leiti. Vissulega
hafa þeir átt góða sundmenn, en
það er eins og vanti herslumuninn
að halda utan um það sem náðst
hefur.
í Keflavík/Njarðvík er aftur á
móti öflugt líf og er þar gott dæmi
um dugandi félags- og
þjálfunarstarf, þó að í
Keflavíkinni sjálfri mættu þeir
muna fífil sinn fegri.
Bætt afrek - Glæsilegur
árangur Edda
Árangur sundfólksins á liðnu ári
var með ágætum og sjaldan hefur
breiddin verið jafn mikil.
Hæst ber að sjálfsögðu afrek
Eðvarðs Þórs Eðvarðssonar úr
UMFN. Allt frá unga aldri hefur
hann æft mjög dyggilega og strax
á 11. og 12. ári sýndi hann hvað í
honum bjó. Undir góðri leiðsögn
og þjálfun hefur hann nú náð inná
heims- og Evrópulistann í sundi
og segir það allt sem þarf að
segja. Hann var valinn í 2. sætið
sem íþróttamaður ársins, en við
sem höllumst að sundíþróttinni
hefðum að sjálfsögðu viljað hafa
hann í fyrsta. Ef hann hefði
fengið fleiri tækifæri til að sækja
mót erlendis og jafnvel dvelja þar
við keppni og æfingar, þá hefði
það eitt komið á stað meiri
umfjöllun í fjölmiðlum og vakið
meiri athygli á hans ágætu
afrekum. Þetta réði eflaust miklu
um að svo fór sem fór. Einar
Vilhjálmsson erþó sannarlega vel
að sigrinum kominn og verðugur
fulltrúi okkar frábæru
afreksmanna í íþróttum.
Undirbúningur fyrir
Landsmótið - Afrekaskrá
UMFÍ
Á þessu ári^ byrja samböndin
innan UMFÍ fyrir alvöru að
undirbúa sitt fólk undir Landsmót
UMFÍ sem verður á Húsavík
1987. Hvað sundmenn varðar, er
ekki síður lagt kapp á að vera vel
undirbúin. Ungmennafélag
íslands sendir nú í fyrsta sinn frá
sér afrekaskrá unglingaflokka í
sundi og er þetta hugsað í
tvíþættum tilgangi.
í fyrsta lagi að halda saman
árangri allra þeirra fjölmörgu
ungmenna sem iðka sund sem
keppnisíþrótt og vita raunverulega
lítið hvar þau standa samanborið
við jafnaldra sína á öðrum
stöðum. Að hinu leitinu til að
auka áhuga þeirra og keppnisvilja
til að bæta árangur sinn. Nú hafa
þeir viðmiðun og markmið til að
keppa, það er, að komast ofar á
afreksmannalistann í sundi á árinu
1986.
Þeir sem hafa áhuga á að fá
afrekaskrá UMFÍ í sundi senda
heim til sín, hafið samband við
skrifstofu UMFÍ eða ritstjóra
Skinfaxa.
16
Skinfaxa 1. tbl. 1986