Skinfaxi - 01.02.1986, Page 17

Ungur Þingfulltrúi
Texti og mynd: Guðmundur Gíslason
Á þingum héraðssambanda eru þingfulltrúar flestir á
aldrinum frá 16 ára og upp iír. Því vakti það athygli
mína á þingi USAH að sjá þingfulltrúa er var greinilega
yngri en allir hinir fulltrúamir. Ég ákvað því að spjalla
stuttlega við piltinn.
Hvað heitir þú?
Einar Kolbeinsson.
Og hvað ertu gamall?
Ég er 12 ára.
Fyrir hvaða félag ert þú hér
á þinginu?
IJMFB, sem er Ungmennafélag
Bólstaðahrepps.
Hefurðu setið áður á svona
þingi?
Nei, þetta er í fyrsta sinn.
Og hvemig líkar þér svo aö
vera á svona samkomu?
Bara ágætlega.
Ekkert þreyttur á öllu þessu
tali?
Nei, ekkert sérstaklega.
Hvað kom til að þú varðst
fulltrúi þíns félags hér á
þinginu ?
Það var bara hringt í mig og ég
beðinn að fara fyrir félagið
hingað.
En segðu mér, stundar þú
einhverjar íþróttir?
Ég stunda aðallega skák.
Eru margir í sveitinni hjá
þér sem þú getur æft þig
við í skák?
Nei, við erum bara tveir á mínum
aldri sem teflum eitthvað. Svo á
ég litla heimilistölvu sem ég get
teflt við.
Ætlaðru að sækja fleiri
svona þing?
Ég veit það ekki, það getur vel
verið.
íþróttastyrkur SÍS
Árið 1980 ákvað Samband
íslenskra Samvinnufélaga að
hætta að styrkja marga aðila með
smáum upphæðum, heldur safna
þessu saman í eina verulega góða
upphæð og setja í sjóð, og úthluta
svo einu sinni á ári úr sjóðnum
myndarlegri upphæð.
Fyrst til að hljóta styrk þennan var
Körfuknattleiksamband íslands
árið 1980, síðan hafa HSÍ, FRÍ
°g SKÍ hlotið styrkinn.
Nú hlaut íþróttasamband Fatlaðra
styrkinn fyrir árið 1986, og var
styrkupphæðin 650.000 kr. Var
styrkurinn afhentur 13. nóv. s.l.
auk þess sem Í.F. og S.Í.S.
gerðu með sér samkomulag um
samstarf á ýmsum sviðum árið
1986.
Styrkur þessi mun örugglega
breyta mörgu í starfi Í.F. á þessu
ári, því nú mun fara minni tími í
að snapa peninga og hægt er að
sinna félagsstarfinu meira en
áður. Því eins og flestir vita er
eitthvað koma nálægt rekstri
íþróttafélaga og sambanda, þá fer
mestur tími í að útvega peninga til
starfseminnar.
Skinfaxi vill óska íþróttasambandi
Fatlaðra til hamingju með að hafa
hlotið styrk þennan sem er mikil
viðurkenning á starfi þess.
Satt og logið
af Jökuldal
Þegar klukkur fóru að koma á
markaðinn vildu vinnumenn hafa
þær til hliðsjónar við gegningar
og jafnvel láta þær vekja sig á
morgnana. Þetta fannst Jóhannesi
Grímssyni óráð mikið og sagði er
talað var um þetta: "Ég hef passað
öll sort fjár en aldrei látið út eftir
klukkufjölda".
Eitt sinn stóð Jóhannes Grímsson
yfir fé uppi á heiði. Kom þá til
hans ókunnugur maður og spurði
til vegar á eitthvert heiðabýlið.
Benti Jóhannes á mel þar nokkuð
frá og segir: "Þarna sérðu mell,
þegar þú kemur upp á hann sérðu
annan mell, þegar þú kemur upp á
þann mell sérðu enn mell og ef þú
getur ekki ratið þaðan þá ertu
hevítis asni".
Skinfaxi 1. tbl. 1986
17