Skinfaxi - 01.02.1986, Page 19

Húsnæði UMFI
Ungmennafélag íslands eignaðist
í fyrsta sinn húsnæði undir
starfsemi sína, þegar hæðin að
Mjölnisholti 14 varkeypt 1978, en
þangað var flutt 1. júlí sama ár.
Atta ár þar á undan var skrifstofa
UMFI í leiguhúsnæði að
Klapparstíg 16, sem var að vísu
ágætt, en orðið alltof lítið. Sagan
hefur tilhneigingu til að endurtaka
sig og nú er farið að gæta
verulegra erfiðleika vegna þrengsla
hér í Mjölnisholtinu. Stjóm UMFÍ
og þing hafa því að undanfömu
lagt áherslu á að úr þessum vanda
yrði leyst og rúmbetra húsnæði
fundið. Leitin tók að sjálfsögðu
nokkurn tíma, en þegar menn
skoðuðu Öldugötu 14 vom þeir
sammála um að leitin væri á enda.
Húsið er kjallari, tvær hæðir og ris
(óinnréttað) sem gæti komið að
góðum notum síðar þegar efni og
ástæður leifa.
Gmnnflötur hússins er um 140 m.
svo þetta er mikil stækkun frá
Mjölnisholtinu. Á þessu stigi er
gert ráð fyrir geymslum ofl. í
kjallaranum, skrifstofum á
aðalhæð og gistirými á þeirri
næstu, en það var einmitt eitt af
því sem réði úrslitum um þessi
kaup þ.e. brýnt var orðið að auka
og bæta gistiaðstöðuna.
Húsið þótti nokkuð vel staðsett
þarna við Öldugötuna, aðeins
steinsnar frá gamla miðbænum.
Aðildarsambönd UMFÍ hafa
fagnað þessum áfanga og vom t.d.
samþykkt myndarleg framlög til
húskaupanna á þingum, USVS,
UMSE, UMSK og UMSB.
Áætlað er að flytja í húsið í júní á
þessu ári og við vonum að
ungmennafélagar verið jafn iðnir
við að koma á Öldugötuna og þeir
hafa verið að heimsækja okkur
hingað í Mjölnisholtið.
Mjölnisholt 14 er nú á söluskrá og
mun það hvatt með nokkrum
söknuði, en kaupverð nýja
hússins er 10 milljónir króna svo
við þurfum að tjalda öllu sem til er.
Veríð að undinita kaupsamninginn
Þá er það búið og tekist / hendur. Frá vinstri: GeirZoega, Halldóra Zoega seljandi
hússins og Pálmi Gíslason formaður UMFÍ
Skinfaxi 1. tbl. 1986
19