Skinfaxi - 01.12.1992, Blaðsíða 29

NSU á Islandi
Samstarf sem hef ur
mikla þýðingu
-segir Sæmundur Runólfsson framkvæmdastjóri UMFÍ
„Þátttaka í starfi samtaka sem
þessara gefur okkur kost á að
fræðast um það sem verið er að
gera á hinum Norðurlöndunum
og hagnýta okkur ýmislegt afþví
i eigin starfi. Samskiptin í tengsl-
um við landbúnaðarráðstefnurn-
ar, ungmennavikurnar, leiðtoga-
námskeiðin og ársþingin víkka
sjóndeildarhringinn og eru
þroskandi og skemmtileg. Þetta
samstarf hefur mikla og góða
þýðingu, "sagði Sæmundur Run-
ólfsson framkvæmdastjóri UMFÍ
um tilgang aðildarað norrænu
æskulýðssamtökunum Nordisk
Samorganisation for Ungdoms-
arbejde (NSU).
í haust var haldið hér á landi ársþing
samtakanna. Ungmennafélag íslands er
aðili að þeim, eins og áður sagði. I tengsl-
um við þingið var efnt til ráðstefnu, sem
bar yfirskriftina „Gildi æskulýðsstarfs
fyrir unga fólkið og byggðirnar." Fyrir-
lestra héldu Þóroddur Bjarnason félags-
fræðingur, Kristín Einarsdóttir alþingis-
kona, Karl Kristjánsson frá mennta-
málaráðuneytinu og Sveinn Jónsson
oddviti. Olafur G. Einarsson mennta-
málaráðherra flutti einnig ávarp. Þátt-
takendur voru 42 talsins, þar af 35 frá
hinum Norðurlöndunum. Ráðstefnu-
stjórar voru Pálmi Gíslason varafor-
maður NSU og Uwe Prúhs stjórnarmað-
ur í NSU.
Á þinginu var m.a. kosinn nýr for-
maður samtakanna, sem er Solveig
Skogs frá Noregi. Hún tók við for-
mennsku af Svend Aage Hansen.
Norrænt samstarf
Að sögn Sæmundar er lögð áhersla á
að byggja upp norrænt samstarf. Árlega
er efnt til norrænnar ungmennaviku, sem
í sumar var haldin í Noregi 26. júlí - 1.
ágúst. Hana sóttu þrír fulltrúar frá ís-
landi. Þarna hittast ungmenni á aldrin-
um 15-25 ára og fást við fjölbreytt
verkefni.
„Þau ungmenni sem hafa farið frá
okkur á undanförnum árum, hafa lofað
þessar vikur mjög og komið tvíefld í
starfið að þeim loknum. Það má einnig
líta svo á að samtökin hér séu að styðja
við þá sem hafa lagt sig fram og unnið
mikið við hreyfmguna hér á landi, með
því að gefa þeim kost á að sækja ung-
mennavikurnar."
Á næsta ári verður norræna ung-
mennavikan haldin í Finnlandi, árið
1994 í Danmörku, 1995 hér á landi og
1996 í Svíþjóð.
Ungbændaráðstefnur
Ungbændaráðstefnur eru einnig
haldnar á vegum NSU. Þær sækja eink-
um fulltrúar sem vinna ýmis störf fyrir
landbúnaðinn. Á síðasta ári var slík ráð-
stefna haldin í Danmörku. Hana sóttu
tveir fulltrúar frá UMFÍ, þær Sigríður
J. Sigurfinnsdóttir og Margrét Sverris-
dóttir frá Hrosshaga í Biskupstungum.
Létu þær mjög vel af dvöl sinni ytra.
Meginviðfangsefni ráðstefnunnar var,
að þessu sinni, staða landbúnaðarins
innan Evrópubandalagsins. Þá gerðu
fulltrúar hvers lands grein fyrir siðferði
í umhverfismálum og landbúnaðarpóli-
tík í Evrópu framtíðarinnar, eins og hún
kom þeim fyrir sjónir.
Skin/axi
29