Skinfaxi - 01.04.2003, Qupperneq 20

Reikna má með að um sex til sjö
þúsund manns leggi leið sína vestur
á firði um verslunarmannahelgina
þegar Unglingalandsmót UMFÍ
2003 verður haldið í ísafjarðarbæ.
Halldór Halldórsson, bæjarstjóri,
segir markmiðið að gera þetta að
stærstu fjölskylduhátíð landsins og
afar mikilvægt sé að vel takist til
enda sé þarna einstakt tækifæri til
að kynna Isafjarðarbæ og Vestfirði
alla. Segir hann heimamenn hafa
unnið ötullega að því á undanföm-
um mánuðum að skipuleggja ýmsa
viðburði og afþreyingu fyrir móts-
gesti þannig að aflir komi til með
að finna eitthvað við sitt hæfi og
kjósi jafnvel að staldra lengur við.
en einungis yfir mótshelgina.

I ÍBfcg
——«1 ■«=< = ' iiliii iH

„MUNUM LEGGJA OKKUR FRAM UM AÐ ÞJÓNUSTA
GESTI OKKAR EIIUS VEL 0G MÖGULEGT ER"
Hver er aðdragandi þess að ákveðið var að
halda Ungiingalandsmót UMFÍ 2003 í
ísafjarðarbæ? „í stuttu máli er hann sá að
Héraðssamband Vestfirðinga sótti um að halda
mótið. Bæjarstjórn ísafjarðarbæjar studdi þá
málaleitan HSV dyggilega. Niðurstaðan varð
svo sú, sem betur fer, að stjóm UMFÍ ákvað að
halda mótið hér, sem kemur sér vel fyrir íþrótta-
líf og uppbyggingu hér á svæðinu.“
Hefur bæjarfélagið þurft að leggja út í ein-
hverjar framkvæmdir vegna unglingalands-
mótsins og hver er áætlaður kostnaður
bæjarins vegna mótsins? „Hluti þeirra fram-
kvæmda sem em í vinnslu á Torfnesi væru það
þó ekki væri landsmót framundan, t.d. gerð
gervigrasvallar sem Boltafélagið lagði áherslu
á að væri byggður í stað tveggja grasvalla sem
l'yrri hugmyndir gerðu ráð fyrir. Kostnaður við
gervigrasvöll er áætlaður 7 milljónum meiri en
tveggja grasvalla eða um 47 milljónir kr. Vegna
unglingalandsmótsins er unnið að bættu áhorf-
endasvæði í brekkunni, fjögurra brauta 100
metra hlaupabraut, langstökks- og þrístökks-
braut með gryfju og kast- og hástökksvelli
15x25 metra. Sá völlur verður lagðurTartan efni
og mun nýtast undir ýmislegt fleira s.s. körfu-
bolta. Þá gemm við ráð fyrir hjólabrettaaðstöðu
á þessu svæði líka. Nú svo verður svæðið snyrt
og gert bílastæði milli grasvallar og Skutuls-
fjarðarbrautar. Þess má vænta að þessar fram-
kvæmdir kosti um 30 milljónir en þá verður
Torfnessvæðið líka orðið mjög glæsilegt og
aðgengilegt fyrir mun fleiri en stunda þar íþróttir
í dag. Svo má reikna með einhverjum kostnaði
vegna aðstöðusköpunar. Til samanburðar við
þetta má geta þess að áætlaðurkostnaðurísafjarð-
arbæjar við að halda Landsmót UMFÍ 2004 var
282 milljónir kr„ en eins og kunnugt er hætti
bæjarstjóm við það vegna of mikils kostnaðar.“
Reiknað er með allt að sjö þúsund gestum á
mótið. Hvernig er bærinn í stakk búinn til
að taka á móti öllum þessum fjölda? „Allt
gistirými er auðvitað upppantað en þess má
vænta að einhverjir gisti í heimahúsum að auki.
Flestir munu væntanlega gista í tjöldum og það
verður séð til þess að nægjanlegt pláss sé fyrir
tjöld. Þar sem þau verða að mestu inni í fjarð-
arbotninum gerir skipulagið ráð fyrir tíðum
ferðum Strætó á milli. Það verður sett upp
sérstök upplýsingamiðstöð fyrir gesti og þátt-
takendur svo ekkert fari á milli mála hvaða
þjónusta er í boði o.s.frv. Við erum ýmsu vön
hér og teljum bæinn vel í stakk búinn til að taka
á móti þeim fjölda sem vill sækja okkur heim.
Það hefur okkur alltaf verið ánægja að fá góða
gesti og við munum svo sannarlega leggja okkur
fram um að þjónusta gesti okkar eins vel og
mögulegt er á landsmótinu."
Nú verður að venju boðið upp á fjölbreytta
dagskrá fyrir alla fjölskylduna á mótinu en
hvaða möguleikar aðrir eru í boði fyrir þá
sem heimsækja svæðið? „Ég reikna með því
að ferðaþjónustan á svæðinu noti tækifærið og
bjóði upp á allt það besta sem við höfum að
bjóða. Það yrði of langt mál að telja allt upp en
siglingar í Jökulflrði og til Hornstranda eru
gífurlega vinsælar. Eyjan Vigur er perla ísa-
fjarðardjúps og enginn er samur eftir að hafa
komið þangað og teygað að sér andrúmsloft
eyjarinnar og notið gestrisni íbúanna. Athyglis-
vert er að skoða sjóminjasafnið í Neðstakaup-
stað á Isafirði, fara til Bolungarvíkur í Ósvör
og skoða Nátturgripasafnið í Bolungarvík, fara
upp á Bolafjall og skoða óviðjafnanlegt útsýni.
Fara í gegnum göngin og skoða fleiri hliðar fsa-
fjarðarbæjar en Þingeyri, Flateyri og Suðureyri
eru hluti fsafjarðarbæjar. Fegurðin er óvið-
jafnanleg í Dýrarfirði, Önundarfirði og Súg-
andafirði og þar eru sögufrægar minjar, sögu-
slóðir og áhugaverð náttúra sem endalaust er
hægt að skoða. Hægt er að leigja sér kajak, jafnvel
fá leiðsögn með vönum mönnum um áhugaverðar
kajakslóðir, fara í gönguferðir vítt og breitt því
víða eru merktar gönguleiðir. Svo er bærinn á
ísafirði þannig að þar er yfirleitt mikið mið-
bæjarlíf og mikil stemmning. Ég mæli með rölti
milli verslana, koma við á kaffihúsi og njóta
þess að vera til.“
Sem kunnugt er, þá eru unglingalandsmótin
vímuefnalaus fjölskylduhátíð en Vestfirðing-
ar hafa einmitt vakið athygli á landsvísu fyrir
það hversu ötullega þeir hafa unnið að vímu-
varnarmálum, ekki satt? „Starfsemi VáVest
hér á norðanverðum Vestfjörðum hefur vakið
gríðarlega athygli. Þarna er um að ræða gras-
rótarsamtök sem hafa unnið mikið frumkvöðla-
starf og m.a. tekið að sér að sjá um forvarna-
mál fyrir sveitarfélögin þrjú á norðanverðum
Vestfjörðum. Þetta starf er ótrúlega vel kynnt
vítt um land, sérstaklega innan forvarnargeirans
og er mjög horft til þess hversu faglega er unnið