Skinfaxi - 01.04.2003, Side 26

Unglingalandsmót UMFÍ 2003 á ísafirði
I árslok 2000 setti Mjólkursamlag
fsfirðinga á markað próteindrykk-
inn Primus eftir tæplega tveggja
ára þróunarvinnu. Primus er eini
próteindrykkurinn sem er fram-
leiddur hér á landi en slíkir drykkir
eru aðallega fluttir inn í duftformi.
Sérstaða Primus felst í því að hann
er kælivara, tilbúinn til drykkjar
og hann þarf ekki að blanda út með
undanrennu eða vatni. Til að for-
vitnast frekar um þennan heilsu-
drykk var rætt við Halldór G.
Guðlaugsson, framleiðslustjóra,
en Mjólkursamlagið er eitt þeirra
fyrirtækja sem styrkja Unglinga-
landsmót 2003 á ísafirði.
77
'pmiÁ vi\m úam
ojj
Jj
Hvað varð til þess að þið fóruð að framleiða
Primus? „Hugmyndin að drykknum kvikn-
aði þegar menn voru að velta fyrir sér hvemig
hægt væri að auka tekjurnar með því að nýta
þá umframmjólk sem fellur til á svæðinu.
Við skoðuðum heilsuvörumarkaðinn og sáum
að fólk er að nota mikið af alls konar duftum.
Þá kviknaði hugmyndin að þróa drykk sem
kæmi í staðinn fyrir duftið, drykk sem væri
tilbúinn og að mestu framleiddur úr mjólk
eða undanrennu. Samsetningin væri sú sama
en hefði jafnframt ýmsa kosti fram yíir duftið,
t.d. þarf neytandinn ekki að ganga með
hristara í vasanum."
Hvernig gekk að hrinda þessari hugmynd
í framkvæmd? „Við höfðum samband við
Atvinnuþróunarfélag Vestfjarða og viðruðum
hugmyndina þar. í framhaldi af því var
skipulagður fundur þar sem aðilar tengdir
líkamsrækt og íþróttum voru fengnir til að
leggja mat á hugmyndina og var þeirra álit
UNGLINGA
LANDSMOT
UMFÍ
mjög jákvætt. Næsta skref var að sækja um
aðild að vöruþróunarverkefni Impru og var
þetta verkefni samþykkt þar inn. Settur var á
fót verkefnishópur þar sem m.a. var verk-
efnisstjóri frá Impru, matvælaverkfræðingur
frá Matra, rekstrarfræðingur frá Atvinnu-
þróunarfélaginu og næringarfræðingur sem
veitti ráðgjöf varðandi næringarlega þáttinn.“
Hvernig var þróun vörunnar háttað?
„Mjólkursamlagið sá sjálft um að þróa
drykkinn með aðstoð matvælaverkfræðings.
Gerðar voru prufur sem síðan voru sendar á
ákveðinn hóp fólks í líkamsrækt og íþróttum,
og álit þeirra fengið á sérstöku eyðublaði. Ut
frá þessum svörum var hægt að aðlaga drykkinn
að óskum fólks, bæði bragð og samsetningu.
Eftir hverja bragðprófun voru framleiddar
nýjarprufur og ferlið endurtekið þar til menn
voru orðnir ánægðir með útkomuna.“
Hvað er Primus þá nákvæmlega? „Primus
erpróteindrykkur sem inniheldurundanrennu,
hátt hlutfall próteina en í hverjum skammti
eru 26 g af próteinum sem að stórum hluta
eru mysuprótein. Einnig inniheldur Primus
hátt hlutfall af vítamínum og steinefnum og
er auk þess mjög trefja- og kalkríkur. Drykk-
urinn er kjörinn fyrir íþróttafólk og aðra sem
þjálfa líkamann markvisst og er þróaður með
það að leiðarljósi að vera góð viðbót við
daglegan kost íþróttamannsins. Primus hentar
einnig kyrrsetufólki og þeim sem ekki stunda
reglubundnar æfingar því hann inniheldur
stóran hluta nauðsynlegs dagskammts af pró-
teinum, vítamínum, steinefnum og trefjum.
Primus hentar einnig fólki sem er í aðhaldi,
þar sem hann getur komið í staðinn fyrir
stakar máltíðir."
Hvernig hefur markaðssetningin gengið?
„Salan á Primus hefur verið viðunandi en við
erum að selja uppundir helming þess sem
áætlað er. Umframmjólkin nýtist að hluta í
þetta en stefnan er auðvitað að selja meira.
Próteindrykkurinn hefur fengið sérstaklega
góðar viðtökur á norðanverðum Vestfjörðum
en salan hefur gengið hægar annars staðar
enda erfitt fyrir lítið fyrirtæki eins og Mjólk-
ursamlagið að fara út í kostnaðarsama mark-
aðssetningu. I byrjun einbeittum við okkur
að kynningum í verslunum og sérstaklega í
líkamsræktarstöðvum, en gerðum minna af
því að auglýsa í fjölmiðlum. Núna stendur
yfir markaðsátak fyrir Primus með auglýsing-
um á sjónvarpsstöðvum og kynningum í
verslunum, og eftir þeim viðbrögðum sem
við höfum fengið gerum við okkur góðar
vonir með áframhald framleiðslunnar."
Þið ætlið að kynna Primus á Unglinga-
landsmóti 2003 á ísaflrði? „Já, við teljum
að þarna verði kjörið tækifæri til að korna
Primus á framfæri enda álítum við gesti lands-
mótsins góðan markhóp fyrir Primus. Annars
verður einstaklega gaman að fylgjast með
bænum fyllast af fólki og ég efast ekki um
að þetta verða skemmtilegir dagar á ísafirði.