Skinfaxi - 01.04.2003, Side 46

Unglingalandsmót UMFÍ 2003 á ísafirði
„Endastöð sem kemur á óvart“ segja
Bolvíkingar gjarnan þegar þeir kynna
bæjarfélagið sitt og eru það orð að
sönnu því ekki verður ekið lengra eftir
að til Bolungarvíkur er komið nema þá
helst yfir í Skálavík eða upp á Bolafjall
þar sem útsýnið er ægifagurt. Einnig
þaðan liggja leiðir aðeins í eina átt -
sömu leið til baka. í þessari nyrstu
byggð á Vestfjörðum búa tæplega eitt
þúsund íbúar sem byggja afkomu sína
aðallega á sjávarútvegi, og hafa alla
tíð gert, enda liggur staðurinn vel við
gjöfulum fiskimiðum út af ísafjarðar-
djúpi. í Ráðhúsi Bolungarvíkur er
stjórnsýsla bæjarins staðsett og þar
hitti blaðið Einar Pétursson, bæjar-
stjóra, að máli.
jj
Bolvíkingar hafa á undanförnum árum
verið að geta sér orð sem miklir áhuga-
menn um heilsurækt, ekki satt? „Jú, það
eru eflaust margir sem hafa heyrt talað um
„Heilsubæinn Bolungarvík" en þama er um
að ræða forvamarverkefni sem hefur verið í
gangi um nokkurt skeið. Markmiðið er að
stuðla að virkni einstaklinganna og koma á
samvinnu ólíkra afla í bæjarfélaginu til þess
að skapa ný viðhorf til heilsu og heilbrigðis-
þjónustu þannig að hver og einn finni til
ábyrgðar gagnvart eigin heilsu. Einnig og ekki
síst er lögð áhersla á heilsueflingu á vinnu-
stöðum, sem beinist ekki aðeins að því að
koma í veg fyrir heilsutjón, heldur ekki síður
að því að bæta heilsu og líðan starfsfólksins.
í verkefninu taka þátt stofnanir, skólar, félaga-
samtök, fyrirtæki og bæjarfélagið."
Bolvíkingar geta státað sig af góðri íþrótta-
aðstöðu, ekki satt? „Jú, það er rétt. Við erum
hér með fjölnota íþróttaaðstöðu í Árbæ þar
sem er m.a. rúmgóður íþróttasalur, líkams-
ræktaraðstaða, saunabaðstofa og mjög góð 16
m sundlaug innandyra og heitir pottar utan-
dyra. Við erum líka með góðan golfvöll,
Syðridalsvöll, sem er 18 holu golfvöllur og
enn sem komið er eini 18 holu völlurinn á
Vestfjörðum. Völlurinn er í stöðugri upp-
byggingu og laðar stöðugt að fleiri golfáhuga-
menn vegna fjölbreytts landslags vallarins.
Ekki má heldur gleyma skíðasvæðinu okkar í
Traðarhymu en þar er lyfta sem þjónar vel þeim
skíðagörpum sem heimsækja brekkuna."
Markverðir staðir í Bolungarvík? „Lang-
flestir þeirra ferðamanna sem koma til
Bolungarvíkur fara og skoða Ósvör sem er
gamalt endurbyggt útræði. Þar er minjasafn
um árabátatímabilið er stóð rétt fram yfir
aldamótin og samanstendur safnið af þremur
húsum byggðum á gömlum tóftarbrotum,
verbúð, salthúsi, fiskreit og hjalli. Þarna er
einnig sexæringur, gangspil og opinn hjallur.
Þá er líka vinsælt að keyra yfir í Skálavík sem
er falleg vík suðvestan við Bolungarvík. Áður
fyrr var búið þar á nokkrum bæjum og má
finna fjölmargar verbúðatóftir þar á fjöru-
kambinum en vinsælt er að ganga fjöruna og
njóta fagurs útsýnis við ysta haf. Loks vil ég
nefna kirkjuna okkar, Hólskirkju, sem stendur
á fallegum stað þar sem sést til hennar alls
staðar úr bænum. Kirkjan er teiknuð af
Rögnvaldi Ólafssyni og var vígð árið 1908.
Hún er í gamla stílnum, afar falleg að innan
og þykir sérstök að því leyti að predikunar-
stóll er yfir altari.“
Er mikið um ísbirni í þessari nyrstu byggð
Vestfjarða? „Nei, ekki get ég sagt það. Þó
heldur einn slíkur hér til að staðaldri og er
hægt að skoða hann í Náttúrugripasafni
Bolungarvíkur. Þetta er víðfrægur ísbjörn sem
sjómenn bönuðu á sundi úti fyrir Vestfjörðum
og var það mál talsvert í fréttum á sínum tíma.
í Náttúrugripasafninu gefur einnig á að líta
mikið safn af uppstoppuðum fuglum, minka,
tófur, fiska, seli og fleiri kvikindi, auk merki-
legs steinasafns. Það er mjög skemmtilegt að
koma þarna og ég hvet alla til að heimsækja
safnið.“
Að lokum, eru einhverjar skemmtilegar
uppákomur fyrirhugaðar í Bolungarvík í
sumar? „Já, það verður ýmislegt á döfinni
hjá okkur í sumar. Eg vil t.d. nefna tónlistar-
hátíðina „Við Djúpið" sem haldin verður í
Bolungarvík og á ísafirði dagana 19.-23. júní.
Þar koma fram Jónas Ingimundarson píanó-
leikari, sem verður heiðursgestur hátíðarinnar,
Ólafur Kjartan Sigurðarson baritonsöngvari,
Pétur Jónasson gítarleikari og Guðrún Birgis-
dóttir flautuleikari. Þessir listamenn munu
halda tónleika öll kvöld hátíðarinnar en á
daginn rnunu þeir kenna á námskeiðum. Þessa
daga verða einnig haldnir minni tónleikar, þ.á
m. nemendatónleikar, og aðrar fjölbreyttar
uppákomur skipulagðar, s.s. skoðunarferðir
með bát, gönguferðir og margt fleira. Eg vil
líka nefna markaðshelgina sem haldin verður
í Bolungarvík dagana 4.-6. júlí þar sem
verður rífandi stemmning með markaðsívafi,
tónleikum, sölubásum og ýmsum uppá-
komum fyrir börn og fullorðna. Liður í þessari
helgi er heimsókn Þorvaldar Halldórssonar
söngvara og eiginkonu hans, Margrétar
Scheving, en þau verða með tónlistarhelgi-
stund í Hólskirkju 5. júlí. Það verður sem sagt
nóg um að vera og við eigum von á að fjöl-
margir mæti til þessarar hátíðar. Ýmislegt
fleira verður á döfinni í Bolungarvík í sumar
og því er um að gera að kíkja sem oftast í
heimsókn til okkar í Víkinni."