Sjómannablaðið Víkingur

Árgangur

Sjómannablaðið Víkingur - 01.03.1945, Blaðsíða 16

Sjómannablaðið Víkingur - 01.03.1945, Blaðsíða 16
A • Er kviknað í hjá þér, kunningi? Nei, það býr hérna fólk, sem ég þarf að koma út. Gamlar veðurvísur. Rauða tunglið vottar vind, vætan bleiku hlýðir. Skíni ný með skærri mynd, skírviðri það þýðir. • Þegar í heiði sólin sezt á sjálfa kyndilmessu. snjóa vænta máttu mest, maður, upp frá þessu. • Grimmur skyldi Góudagurinn fyrsti, annar og hinn þriðji. þá mun Góa góð verða. • Ef hún Góa öll er góð, að því gæti mengi, þá mun Harpa, hennar jóð, herða mjóa strengi. • Þegar spóinn vellir graut, þá eru úti vorhörkur og vetrarþraut. • Útsynningurinn er svo mikill glanni, ber hann í sig býsna él, birtir aftur næsta vel; mjög er hann líkur mislyndum manni. Mannsævin. Barndómurinn líður fram í leikaraskapnum, æskan í hégómanum, karlmannsaldurinn í erfiðinu. ElHn hnígur aftur til hins fyrra. I»ula um þorskhaus. Rífðu fyrir mig kinn, fáðu mér aftur innfiskinn, kinnfiskinn, langfiskinn, drangfiskinn, kjálkafiskinn, krummafiskinn, koddafiskinn, búrfiskinn, refinn, augað, roðið, björn, kisu og kerlingarólina, átta lengjur af þönum, en eigðu það, sem eftir er. • Gömul spakmæli: Tíkur tvær um eitt bein og píkur tvær um einn svein verða sjaldan samlyndar í þeirri grein. * Sækjast sér um líkir, saman þinga níðingar. • Vitið er veðrinu betra; valla hafa það allir. • Heyrið þér, þjónn! Eru blómin á borðinu gervi- blóm? „Jú; gallinn við veitingahús fyrir jurtaætur er það, að ef ekta blóm eru á borðinu, éta gestirnir þau. * Dómarinn: Hve gamlar eruð þér? Minnist þess, að þér eruð fyrir rétti og megið búast við að veröa látin staðfesta framburð yðar með eiði. Konan: Tuttugu og tveggja ára og nokkurra mán- aða. Dómarinn: Hve margra mánaða? Konan: Eitt hundrað og sjö. Víkingurinn hefur verið beöinn fyrir eftirfarandi orðsendingu: „Við óskum eftir að komast í bréfasamband við sjómenn og sjómannasyni, 15—17 ára gamla, víðs vegar um landið. Kósa Jóhannsdóttir, Rósa Hallgrímsdóttir Dynjanda, Jökulfjörðum, N.-ís." 56 VÍKINGUR

x

Sjómannablaðið Víkingur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Sjómannablaðið Víkingur
https://timarit.is/publication/335

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.