Sjómannablaðið Víkingur - 01.03.1945, Síða 23
tmdir af gúmmí, trjám og lyfjum og hafa stór-
griparækt og akuryrkju í stórum stíl. Þarna er
líka lykillinn að vatnavirkjun til framleiðslu
ódýrs rafmagns á mælikvarða, sem fer fram úr
Öllu, sem áður hefur þekkzt á því sviði, en það
6r grundvollurinn fyrir stórfelldum iðnaði.
Verkfræðingar hersins framkvæmdu mæl-
ingar sínar á fljótaleiðinni frá Ciudad Bolivar í
Venezuela. Hún er 354 km. frá mynni Orinoco-
fljótsins — lengra komast hafskip ekki upp
eftir fljótinu — til borgarinnar Manaus í Bra-
ziliu. Hún er 1574 km. frá mynni Amazonfljóts
og sú hafskipahöfn, sem stendur lengst upp með
fljótinu. Hin náttúrlega skipaleið milli þessara
tveggja borga er upp Orinocofljót, um Casi-
quiarekanalinn, niður Rio Negro til Amazon-
fljótsins. Sú fljótaleið er 2964 km. á lengd. En
öll lengd vatnaleiðarinnar milli ósa hinna sam-
tengdu fljóta er 4891 km. eða 917 km. lengri en
aílt Missisippifljót.
Verkfræðingarnir mældu aðeins það svæði,
sem hindranir frá náttúrunnar hendi voru þró-
un landsins til fyrirstöðu. Hér um bil 500 þús.
ferkm. hins mælda lands milli Ciudad Bolivar
og Manaus eru í Venezuela, Columbiu og Bra-
ziliu. Þetta eru víðáttumiklar hitabeltissléttur
og skógar. Þetta land er sömu tegundar og allur
hinn fimm millj. ferkílómetra stóri Orinoco-
Amazondalur. Þetta er stærsta landssvæði jarð-
arinnar, sem unnt er að líta á sem eina heild, þar
sem sams konar skilyrði ríkja í stórum dráttum.
Meðalhiti loftsins er 23—31° á Celsíus, en
það er alveg sérstakt við Miðjarðarbaug. Á nótt-
unni er venjulega svo svalt, að oft er æskilegt
að breiða ofan á sig teppi. Úrkoman er mikil,
70—105 þumlungar á ári, og loftið er rakt.
Á þessu 500 þús. ferkílómetra svæði, sem
mælt var, búa hér um bil 6000 manns. Af þeim
eru hinir 5000 siðuðu íbúar búsettir á mjórri
landræmu meðfram vatnaleiðinni. Sú landræma
er um 2500 ferkm. að flatarmáli. Á öllu hinu
svæðinu búa aðeins um 900 ósiðaðir, flakkandi
villimenn. Þeir sjást aðeins endrum og eins, þeg-
ai' þeir ráðast á og drepa hópa ógæfusamra
ferðamanna, sem fara um skurðinn.
Ef til vill lifir fólk hvergi annars staðar í
heiminum við annan eins skort, sjúkdóma og
framaleysi og þessir vesalingar, sem hafast við
á bökkum hinnar gleymdu vatnaleiðar. Aðal-
orsakirnar til vesaldóms fólksins er skortur á
fæði og heilbrigðisráðstöfunum. Þó er landið
ákaflega vel til ræktunar fallið og fljótt að gefa
arð, sé nokkur minnsta viðleitni sýnd, og hinar
smávægilegustu heilbrigðisráðstafanir mundu
óðara hafa í för með sér bætt heilsufar svo
undrum sætti, því loftslagið er í raun og veru
heilnæmt, og landlæga sjúkdóma er auðvelt að
Helztu skipaleiSir jrá ósum Orinoco-fljótsins.
ráða við. Malaría, blóðkreppusótt, ormaveiki og
fæðuskortur lamar og veiklar fólkið og rænir
það áhuga og viljaþreki til þess að bæta kjör
sín og hrinda í framkvæmd ráðstöfunum, sem
duga mundu til að losa það við þrældómsok
sjúkdóma og sultar.
Þótt fólkið sé siðlátt og skírlíft, — kynferðis-
sjúkdómar eru sjaldgæfir —, hefur það samt
enga hugmynd um sjálfsagðar heilbrigðisvenjur
og þróun heilbrigðismála um síðustu hundrað árV
Skolpræsi og salerni eru því nær óþekkt. Sagt
er, að aðeins tvær fjölskyldur á öllu landssvæð-
inu búi í húsum, sem varin eru með flugnanet-
um, og aðeins örfáir hvítir menn nota kínín til
þess að lækna malaríu. Herlæknirinn, sem var
með mælingamönnunum, komst að þeirri niður-
stöðu, að engin ástæða væri til verra heilsufars
á þessu landssvæði, ef nauðsynlegra heilbrigðis-
reglna væri gætt, en t. d. í Charleston, Savannah,
Mobile eða New Orleans.
Fólkið, sem þarna hefst við, heldur því fram,
að heilnæmara sé að búa þar, sem vatnið er
svart, en þar sem það er ljósleitt, og þetta er
venjulega satt. Svarta vatnið er súrt, og talið
er, að sýrurnar í því komi í veg fyrir flugnaklak
VÍKINGUR
63