Sjómannablaðið Víkingur - 01.08.1965, Blaðsíða 19

\
t
Sextanta hafa eftirtaldir aðil-
ar gefið skólanum:
Angantýr Elíasson skipstjóri,
1 stk.
Einar Guðmundsson skipstjóri
frá Málmey, 1 stk.
Sigurgeir Ólafsson, 1 stk.
Elías Gunnlaugsson frá Gljá-
bakka, 1 stk.
Skipstjóra- og stýrimannafé-
lagið Verðandi gaf áttavita.
Þá gaf Jóhann Pálsson útgerð-
armaður heit um kr. 50.000 til
skólans, þegar hornsteinn að
byggingu Stýrimannaskóla í
Vestmannaeyjum yrði hafinn.
Þessar gjafir tala skýrustu
máli og segja meira en mörg orð
hverja þörf Vestmannaeyingar
hafa álitið að væri að fá mennta-
stofnun í bæinn fyrir sína vösk-
ustu syni.
*
ÞaS var á geSveikrahælinu að einn
sjúklinganna reyndi að sannfæra
gæzlumanninn um að hann væri
Napóleon.
— Hver hefir sagt þér að þú sért
Napóleon? spurði gæzlumaðurinn.
— Það hefir guð sagt mér.
— Það er haugalygi, það hef ég
aldrei sagt, hrópaði annar sjúkling-
ur bálvondur.
HÖPUM VARAHLUTI OG VEITUM
VIÐGERÐARÞJÓNUSTU FYRIR
BRYCE
olíuverkin
Aðalumboðiö
S. Stefánsson & Co. h.f.,
Garðastræti 6 Sími 15579
SJÓMAMASTOFA
opnuð í Neskaupstað
Þann 19. júlí s.l. var hið fegursta sumarveður í Neskaup-
stað. Fjörðurinn speglaðist í lognværðinni, sem rofin var af ysi
og þysi frá söltunarplönunum, sem öll höfðu nóg verkefni þenn-
an dag við að koma silfri hafsins í tunnur fyrir Svíana.
Neskaupstaður, sem bæði er hreinlegur og vinalegur bær,
hefur sína sérstöðu umfram hina Austfirðina, en það er land-
rýmið uppi af mynni fjarðarins, sem í framtíðinni verður þungt
á metaskálunum. Fyrir sjómannastéttina er þetta merkisdagur,
því þennan dag var opnuð í Neskaupstað Sjómannastofa.
Bæjarstjóm Neskaupstaðar ásamt fréttamönnum voru við-
staddir er bæjarstjórinn, Bjarni Þórðarson, tók Sjómannastof-
una í notkun, lýsti starfsreglum hennar og fól hana í forsjá
tveggja forstöðukvenna, þeirra: Kristrúnar Helgadóttur og
Ragnheiðar Sveinsdóttur.
Húsakynni þau, er Sjómannastofan er nú í, voru áður bama-
skóli og síðar bæjarskrifstofur. Eru þetta tvær stórar og vist-
legar stofur. Mun önnur þeirra ætluð aðallega fyrir skriftir og
lestur og þar liggja frammi dagblöð, tímarit og ókeypis bréfs-
efni, en í hinni er knattborð og einnig verða þar töfl, spil o.
s. frv.
Stofurnar eru vel lýstar með neonljósum og veggir prýddir
Ijósmyndum og málverkum. Sjómenn geta látið senda bréf sín
Sjómannastofunni Neskaupstað og mun hún sjá um, að þau
komist rétta boðleið. Símaþjónusta verður veitt, og hefir til
þess verið komið upp sérstökum símaklefa. Kaffi, te og mjólk
verður selt vægu verði, sælgæti og tóbak á búðarverði. Við opn-
unina afhenti Kristrún Helgadóttir gjöf til Sjómannastofunnar,
mjög fallega veggklukku og loftvog, til minningar um föður
sinn, Helga Flóventsson frá Húsavík.
Allur kostnaður við Sjómannastofuna og rekstur hennar
verður greiddur af bæjarsjóði Neskaupstaðar. Fyrst um sinn
verður Sjómannastofan opin frá kl. 13—23.30 á kvöldin, nema
á laugardögum, en þá er reiknað með að hún verði einnig opin
fyrir hádegi. Bæjarstjóm Neskaupstaðar á sérstakar þakkir
skilið fyrir þetta fiamtak, sem verður vel þegið og metið af
sjómönnum. Þetta verður vonandi einnig til þess að önnur
sjávarpláss á Austfjörðum taki sér Neskaupstað til fyrirmyndar
og verði búin að koma upp hjá sér Sjómannastofum fyrir næsta
sumar.
Við hjónin vorum svo heppin að verða fyrstu gestirnir í Sjó-
mannastofunni og þökkum við forstöðukonunum ánægjulegt
rabb og greiða.
G. H. O.
VÍKINGUE
223