Sjómannablaðið Víkingur - 01.06.1979, Qupperneq 43

Hverjir mega stunda
köfun í atvinnuskyni?
Lög um kafarastörf voru
samþykkt á Alþingi 31. mars
1976. Þar er kveðið á um þau
skilyrði sem menn þurfa að
uppfylla til þess að mega hafa
atvinnu af köfun hérlendis.
Þessi lög hafa enn ekki komið
til framkvæmda, eins og fram
kemur í viðtalinu við kristbjörn
Þórarinsson, vegna þess að
reglugerð vantar um námskeið
og próf. Til frekari glöggvunar
fara hér á eftir þrjár greinar
laganna, en þær eru samtals 11:
l.gr.
Enginn má í atvinnuskyni
stunda köfun í ám eða vötnum,
við strendur landsins eða frá
íslenskum skipum hér við
land, nema hann fullnægi þeim
skilyrðum sem sett eru í lögum
þessum.
3-gr.
Hver sá, er stunda vill köfun,
skal fullnægja eftirgreindum
skilyrðum:
a) vera fullra 20 ára,
b) hafa með fullnægjandi ár-
angri gengið undir tilskilda
læknisskoðun,
c) hafa staðist kafarapróf sam-
kvæmt 4. gr.
4. gr.
Við kafarapróf þau, sem get-
ur í c-lið 3. gr., skal sannreynt
hvort sá, sem prófið tekur, hafi
fullnægjandi fræðilega og
verklega þekkingu á kafara-
störfum, meðal annars hvort
hann þekkir allar almennar
ráðstafanir til öryggis kafaran-
um meðan hann vinnur starf
sitt, svo og, að hann hafi ná-
kvæma þekkingu á hlutum
þeim, sem notast við köfun, og
hvernig þeim skuli haldið við.
Ráðherra er heimilt að efna á
hæfilegum fresti til námskeiða
fyrir þá, sem þreyta vilja
kafarapróf og fullnægja til þess
skilyrðum a- og b-liðar 3. gr.
Ákvæði um tilhögun nám-
skeiða, námsgreina, kennslu og
kennslugjöld skulu sett í reglu-
gerð.
Hvar starfa
atvinnukafarar?
íslensk fyrirtæki eða stofn-
anir sem hafa köfun sem fastan
eða óhjákvæmilegan þátt í
starfsemi sinni, eru ekki mörg.
Þessi er helst að telja:
Vita- og hafnarmálaskrif-
stofan hefur haft kafara á sín-
um vegum fleiri eða færri í
hálfa öld. Á síðustu árum hefur
þó köfun dregist mikið saman
hjá þessari stofnun vegna
breyttra aðferða við hafnargerð
(stálþil í stað steinkerja). Nú er
þar aðeins einn fastráðinn kaf-
ari, en á fyrri tíð störfuðu allt að
10 manns við köfun yfir sum-
artímann á vegum Vita- og
hafnarmálaskrifstofunnar.
Landhelgisgæslan þjálfar
stýrimenn á varðskipunum til
kafarastarfa. Hér er eingöngu
um froskköfun að ræða. Reynt
er að hafa ekki færri en tvo
froskkafara á hverju varðskipi.
Kafarastörf Landhelgisgæsl-
unnar eru svo til eingöngu
miðuð við aðstoð við skip,
einkum að skera úr skrúfum.
Nokkrir starfsmenn Land-
helgisgæslunnar hafa lært köf-
un erlendis. Þorvaldur Axels-
son og Pálmi Hlöðversson, sem
sjá um þjálfun kafaraefna,
lærðu t.d. báðir hjá danska sjó-
hernum.
Björgunarfélagið hf. hefur
starfað síðan 1964. Það er eign
tryggingarfélaga, allra sem
standa að skipatryggingum.
Það gerir út björgunarskipið
Goðann. Þar eru minnst tveir
og allt að fjórir kafarar um
borð. Verkefni Goðans er fyrst
og fremst að aðstoða fiskiskip
við drátt og losun úr skrúfu o.fl.
Að meðaltali hefur hann að-
stoðað skip 90—100 sinnum á
ári.
Köfunarstöðina er er getið
um í viðtalinu við Kristbjörn
Þórarinsson.
Kafaraþjónusta Guðmundar
Guðjónssonar hefur starfað
síðan 1954. Tveir kafarar starfa
nú á hennar vegum. Þeir hafa
m.a. unnið við lagningu og
viðgerðir sæstrengja á vegum
RARIK, en einnig hefur Guð-
mundur Guðjónsson unnið við
hafnargerð og viðgerðir á raf-
magnskapli og vatnsleiðslu
milli Vestmannaeyja og lands.
Hafrannsóknastofnunin
mætti að síðustu nefna í þessari
upptalningu. Rannsóknaköfun
hefurnokkuð verið stunduð á
hennar vegum, en ekki hefur
hún fastráðna menn til þeirra
starfa.
VÍKINGUR
43