Sjómannablaðið Víkingur - 01.06.1991, Qupperneq 50

1
Aldnar seglskútur hvíla
lúin bein í Nýhöfninni,
þar sem margur landinn
hefur tæmt eins og eina
ölkrús.
50 VÍKINGUR
Hafnaryfirvöld eru til húsa í
fornri byggingu skammt fyrir
norðan konungshöllina Ama-
líuborg. Húsið stingur ekki í stúf
því meðfram höfninni standa í
rööum tignarlegar byggingar
frá 18. og 19. öld. Fyrir framan
hús Kabenhavns havnevæsen
standa tveir lágir og gildir stólp-
ar með gylltu skrauti og milli
þeirra tröppur sem danska
kóngafólkið gengur niður
þegar það stígur um borð í
snekkjuna rennilegu, Danne-
brog.
Til þess að staðsetja þetta
betur fyrir Islendinga þá er
þetta skammt norðan og utan
við hafnarbakkann sem Gull-
foss sálugi lagðist alltaf við
þegar hann kom til Hafnar. Þar
lögðu íslandsförin áður að og
þeir sem lesið hafa Nonna-
bækurnar ættu að kannast við
sig á þessum slóðum. Þegar
gengið er upp í borgina framhjá
Amalíuborg er komið á Breið-
götu en þar stendur Marmara-
kirkjan sem Nonna þótti svo til-
komumikil. Við suðurenda
Breiðgötu er beygt aftur niður í
Nýhöfnina til vinstri en á hægri
hönd er Kóngsins Nýja torg.
HÖFN í
ÞJÓÐBRAUT
Það er auðvelt fyrir íslending
að týna sér í sögulegum eða
persónulegum endurminning-
um frá Kaupmannahöfn, svo
mikilvæg hefur hún verið í lífi
þjóðarinnar allt frá því einokun-
in gerði hana að helstu við-
skiptahöfn okkar í byrjun sautj-
ándu aldar. Síðan hefur það
verið eins og eðlilegur upp-
hafspunktur á því að kynnast
heiminum að tylla niður tá í
Kaupmannahöfn.
En þótt Gullfoss sé ekki leng-
ur í förum hafa skipakomur í
Kaupmannahöfn ekki alveg
lagst af. Þvert á móti hefur um-
ferð skipa um höfnina aukist
jafnt og þétt. Og margt bendirtil
þess að hlutverk hennar í nýrri
og breyttri Evrópu verði enn
meira en áður.
Mikilvægi hafnarinnar skilst
vel þegar litið er á landakort.
Hún er í þjóðbraut fyrir þá sem
ætla frá Skandinavíu til suðurs.
Og hafi Pétur mikli kallað borg-
ina, sem fyrst var nefnd eftir
honum en síðan Leníngrad,
„vesturglugga Rússlands" þá
er Kaupmannahöfn núna vel í
sveit sett til þess að verða vest-
urgluggi hinnar nýfrjálsu Aust-
ur-Evrópu. Frá Kaupmanna-
höfn er stutt til allra helstu iðn-
aðarhéraða Norður-Evrópu og
greiðar samgöngur í allar áttir.
Kaupmannahöfn tilheyrir þess
utan hinni iðnvæddu Noröur-
Evrópu þar sem tekjur á mann
eru hvað hæstar í veröldinni.
Við þetta bætist aö hafnar-
skilyrði eru mjög góð í Kauþ-
mannahöfn. Höfnin stendur á
Amager og Sjálandi, hún er
mjög rúmgóð og tengsl hennar
við Eystrasalt eru góð. Hún
sleppur oftast við lagnaðarís-
inn sem oft þekur stóran hluta
Eyrstrasalts en nýtur góðs af
litlum mun flóðs og fjöru sem
einkennir Eystrasaltið. Fyrir
vikið er ekki þörf á að skylda
skip til að taka lóðs þegar þau
koma til hafnar.
Yfirvöld hafnarinnar hafa
fullan hug á að hagnýta sér
þessi hagstæðu skilyrði. Eric
Schafer hafnarstjóri bendir á
að á næstu árum muni Austur-
Evrópa verða eftirsóttur mark-