Sjómannablaðið Víkingur - 01.09.2003, Blaðsíða 38

Hilmar Snorrason skipstjóri
Utan úr
heimi
1 heiminum eru 417 sérsmíðuð bílaflutningaskip og líkjast þau einna
helst risastórum vöruskemmum
Fleiri tölulegar upplýsingar
í dag eru 417 sérsmíðuð bílaflutningaskip í heiminum sem
geta flutt 9 milljón bílaeininga. Skipafélagið NYK á 18% mark-
aðarins, Wallenius Wilhelmsen 16%, Enkor (sem er stjórnað af
Wallenius) 16% og K-Line og MOL eru með 14% hvor. Ekki er
auðveldur inngangur inn í þessa flutninga.
Stærsta yfirtaka í skipaheiminum
Eitt stærsta olíuskipafélag í heimi, Bergesen í Noregi, hefur
nú verið yfirtekið af dönsku fyrirtæki World Nordic að nafni.
Fyrirtækið var stofnað í þeim tilgangi að ná yfirhöndinni í
stjórn Bergesen og með yfirtökutilboðinu tókst Helmut Sohmen
stjórnarformanni World Nordic að slá fyrri heimsmet í yfir-
tökutilboðum í útgerðarheiminum. Hljóðaði það upp á 1,4
billjón dollara og mun Bergesen verða tekið af hlutabréfamark-
aði og gert að einkafyrirtæki. Mun fyrirtækið verða hluti af
World-Wide Shipping Samsteypunni í Hong Kong. Höfuðstöðv-
ar þess verða til að byrja með áfram í Noregi.
VandiíJapan
í Japan eru stjórnvöld farin að leggja drög að reglum um sér-
stakt tryggingargjald sem á að leggjast á öll erlend skip sem
koma þar til hafna. Tildrög þessara trygginga má rekja til röð
atvika þar sem erlend skip hafa verið yfirgefin við strendur Jap-
ans. Ellefu skip voru yfirgefin á stuttum tíma þar í landi en
meðal þeirra voru tvö rússnesk og eitt frá Panama. Sá er vand-
inn að eigendur finnast ekki að þessum skipum. Hafnir og rlki
þar í landi hafa krafið stjórnvöld um aðgerðir þar sem þessir að-
ilar hafa orðið að greiða háar upphæðir við að ná út strönduð-
um erlendum skipum eða að losna við skip sem skilin hafa ver-
ið eftir í höfnum. Hafnaryfirvöld í Hitachi þurfa til að mynda að
greiða rúmar 200 milljónir íslenskra króna við að fjarlægja flak
af flutningaskipi frá Norður-Kóreu sem þar strandaði í desem-
ber s.l. og brotnaði á strandstað. Sams konar vandi hefur reynd-
ar víðar komið upp til að mynda hér á landi. Mörgum er eflaust
minnistæður minnisvarði um rússneska togaraútgerð sem lengi
var til ósóma á Akureyri, bæjarbúum og yfirvöldum til ómældr-
ar gremju.
Hvalir ráða ferðinni
Söguleg breyting var gerð á aðskildum siglingaleiðum í Fundy
flóa i Kanada þann 1. júlí s.l. Pá var i fyrsta sinn í heiminum
gerð breyting á aðskildri siglingaleið vegna sjávardýra en sigl-
ingaleiðin lá um hafsvæði þar sem hvalir hafa haft sumaraðset-
ur. Samgönguráð Kanada lagði fram á fundi hjá Alþjóðasiglinga-
stofnuninni (IMO) í apríl á síðasta ári ósk um að siglingaleiðin
yrði færð til vegna hvalanna og var það samþykkt á fundi í
London í desember. Fjöldi hvala á þessum slóðum höfðu orðið
fyrir því að skip sigldu á þá og nær alltaf biðu hvalirnir í lægri
hlut við perustefni stórra flutningaskipa.
Eigandi dæmdur vegna mengunar
Mengun var lítið þekkt orð fram til þess að olíuflutningaskip-
ið Torrey Caynion strandaði á Seven Stone rifinu undan suð-
vestur Englandi árið 1968. í dag má ekki olíudropi í sjó koma
enda mönnurn löngu orðið ljóst þau áhrif sem mengun hefur á
allt okkar lífríki. Stöðugt harðari viðurlög eru við mengunaró-
höpputn og eru fjársektir það sem útgerðir fá á sig verði skip-
verjum á mistök. Nýlega var útgerð á Kýpur sektuð um 4.8
milljóir króna eftir að tæplega 4 tonn af olíu láku í höfnina í
Halifax. Því til viðbótar þurfti útgerðin að borga 3,6 milljónir í
hreinsunarkostnað. Olíumengunarinnar varð vart eftir að
gámaskipið Cala Palamos hafði látið út höfn. í samvinnu við yf-
irvöld á Kúbu, en Havana á Kúbu var næsta höfn skipsins, tókst
að sanna að um þetta skip var að ræða. Var það gert með því að
taka sýni af olíunni í höfninni og um borð í skipinu og bera
sýnin saman. Kanadísk yfirvöld hafa lýst því yfir að þau munu
herða enn frekar allt eftirlit með mengun og ákæra þá sem
valda henni auk þess að fara fram á háar fjársektir. Ljóst má
telja að sjómenn í framtíðinni eiga mun tneiri hættu á að missa
vinnu sína vegna mengunaróhappa en nokkurs annars svo sem
eins og smygls. Sektir lenda á útgerðum en ekki einstaklingum
og því má gera ráð fyrir að einhverjum þurfi að refsa ef útgerð-
inni tekst að greiða þær háu sektir sem vænta má í framtíðinni.
Stærsta björgunaraðgerðin
Eitt stærsta björgunarverkefni síðari tíma í Evrópu, og að því
að talið er í heiminum, hófst í byrjun júlí þegar byrjað var á að
ná upp bílaflutningaskipinu Tricolor sem sökk í Ermasundi 14.
desember s.l. eftir árekstur við gámaskipið Kariba. Ekki verður
skipið tekið upp í heilu lagi enda er hér ekki um neitt smáskip
að ræða en það var rétt um 50.000 tonn að stærð. Skrokkurinn
verður hlutaður niður í 13 einingar sem hver um sig verður um
3000 tonn að þyngd. Verður hver þeirra hífð upp á yfirborðið
með aðstoð tveggja risastórra flotkrana. Þá verða einingarnar
settar á flutningapramma sem munu verða dregnir til Zeebrugge
í Belgíu þar sem þeir verða skornir niður í brotajárn. Það þarf
enginn að vera að leita á Netinu eftir ódýrum sjólegnum glæsi-
bifreiðum en í skipinu var bílafarmur upp á 2.800 bíla sem að
öllum líkindum verður skilinn eftir á hafsbotninum. Búst var
við að verkinu lyki i september. Þeir hefðu Iíklega verið snöggir
að taka upp fiskiskip við strendur Noregs með þessum búnaði.
Engan skít í sjóinn
Skemmtiskipaútgerðin Norwegian Cruise Line (NCL) hefur
fengið 90 daga frest til að hreinsa upp eftir eitt skipa sinna á
hafsvæði í austur Juan de Fuca flóa, um 6 kílómetra undan
ströndinni. Að öðrum kosti á fyrirtækið yfir höfði sér opinbera
ákæru. Atburðurinn sem hér átti sér stað gerðist vegna mistaka
um borð í skemmtiferðaskipinu Norwegian Sun í byrjun mai
þegar skipverji dældi frá tanki sem áður hafði verið notaður
undir frárennsli frá eldhúsi og sturtum. Taldi skipverjinn að um
tóman tank hafi verið að ræða en í honum reyndust vera 52
tonn af klóakvatni. Skipið var í fyrslu ferð með nýjan og mjög
fullkomin mengunarhreinsibúnað en allt kom fyrir ekki.
Herskipaaðstoðar óskað
Stéttarfélag yfirmanna á breskum kaupskipum, NUMAST, hef-
38 - Sjómannablaðið Víkingur