Náttúrufræðingurinn - 1999, Síða 91

7. mynd. Útbreiðslusvœði tólf skyldra botndýrategunda af œttkvíslinni Pyrgo: ARD
arktískt djúphaf; ARS arktískt grunnsævi; ATS grunnsævi Atlantshafs; ATD djúphaf
Atlantshafs; RRS grunnsœvi Reykjaness. Rauðir deplar tákna söfnunarstaði.
stöðum. Einnig er skilað eintökum af öllum
þeim dýrategundum sem greinast í sýnun-
um. Allar skráðar upplýsingar gagna-
grunnsins um fundarstaði tegunda eiga
þannig tilvísun í eintök eða lífsýni sem eru
varðveitt í vísindasafni Náttúrufræðistofn-
unar. Lífsýni vísindasafnsins eru til stað-
festingar á helstu fundarstöðum botndýra
og veita jafnframt yfirlit yfir breytileika
tegundanna. Þessi tengsl milli vísindasafns-
ins og gagnagrunnsins auka verulega
vísindalegt gildi upplýsinganna, einkum
vegna þess að í kjölfar ítarlegra rannsókna á
þeim sýnum sem vísindasafnið geymir má
stöðugt auka við og sannreyna fyrri upplýs-
ingar gagnagrunnsins.
Þekktar eru hátt í 2.000 tegundir íslenskra
botndýra en áætlaður fjöldi er nálægt 4.000.
Þótt ekki sé búið að fullvinna nema lítinn
hluta þeirra sýna sem hefur verið safnað
hafa nú þegar fundist 19 dýrategundir sem
áður voru óþekktar í heiminum og trúlega
verða þær fleiri. Einnig hafa fundist hundruð
tegunda sem ekki höfðu áður fundist hér við
land en vitað var að væru útbreiddar á
nálægum hafsvæðum. Til að öðlast yfirsýn
yfir þessar upplýsingar er verið að setja upp
gagnagrunnskerfi á Hafrannsóknastofnun-
inni og Náttúrufræðistofnun. í gagnagrunn-
inum eru samtengdar skrár sem geyma upp-
lýsingar um hvar og í hvers konar umhverfí
sýnin eru tekin, hvaða tegundir eru í
sýnunum, íjölda eintaka af hverri tegund,
fíokkunarkerfi tegundanna og nöfn þeirra.
■ mikilvægi
GAGNAGRUNNS
Þegar búið er að vinna úr nægilega mörgum
sýnum sem hafa tilskilda dreifingu innan
rannsóknasvæðisins, skapast færi á að leita
að almennum tilhneigingum í gögnunum.
Þegar upplýsingar gagnagrunnsins eru
tengdar við tölvutæk sjókort verður til enn
öflugra rannsóknatæki. Gagnagrunnurinn,
233