Náttúrufræðingurinn - 1933, Side 30

188
NATTPR',FIí-
Samtíníngar.
Það er kunnugt, að kol eru ágætis áburður. Eigi hefir mönnum verið'
Ijóst, hvernig á því stæði, en nú er það talið víst, að það sé að þakka sýrum,.
svonefndum „húmus-sýrum“, sem í þeim eru.
Hundar eru mjög ratvísir. Gerðar hafa verið tilraunir með hunda, til
þess að reyna að skilja, hvernig á því stæði. Hundar voru fluttir á okunnan
stað, og rötuðu allir heim, nema þeir, sem geltir voru. Verður því að líta
svo á, að ratvísi hunda standi í einhverju sambandi við efni, sem kynkirtl-
arnir framleiða, og fara úr í blóðið.
Vitrir menn brjóta nú heilann um, hvaðan heimurinn skuli afla sér orku.
til framkvæmda, þegar kol og steinolía eru þrotin. Það þykir víst, að þótt
allir fossar verði beizlaðir, þótt sjávarföllin væru notuð, þótt hægt væri að
temja sólargeislana eða hagnýta vindinn, myndi tæplega fást fullnægjandi
orka, til allra þeirra starfa, sem framkvæma þarf, með þeim tækjum, sem nú
eru fyrir hendi. Telja margir líklegt, að eftir nokkra mannsaldra verði hreinn.
vínandi (99.9%) einkum notaður til eldsneytis.
Meðalhiti við miðjarðarlínu er 26.4° C. í janúar, en 25.6° C. í júlí. Á
norðurpólnum er meðalhitinn talinn -h 38° C, í janúar, en 0° C í júlí, allt
miðað við sjávarflöt.
Aldur hrauna má finna með því að mæla i þeim segulstefnuna. Segul-
stefnan breytist mjög eftir því, sem aldirnar líða, en hraun sýna segulstefn-
una eins og hún var á staðnum, þegar hraunið var bráðið, svo að segja má,
að segulstefnan hafi orðið að steingervingi í hrauninu.
í Mið-Evrópu eru um 3500 tegundir af blómplöntum, en á íslandi 400..
Viðkoma nytjafiskanna er svo mikil, að eigi þarf að komast upp nema 1
þorskhrogn af 2.5 milljónum, 1 sildarhrogn af 15 þús., 1 grásleppuhrogn af'
50 þús., 1 skarkola- eða lýsuhrogn af 150 þús., og 1 ýsuhrogn af 1 milljón,
til þess að halda stofni þessara fiska við.
Álstegund nokkur gýtur 15 milljónum hrogna í senn. Ef þau yrðu öll að
fullþroskuðum álum, sem aftur næðu að auka kyn sitt, og þannig koll af
koili, yrðu öll höf frá yfirborði til botns morandi full af ál eftir eitthvað 10 ár.
Skólpdýr, sem gerðar voru tilraunir með á rannsóknastofu, var svo smátt.
vexti (eins og frumdýr yfirleitt), að það sást ekki nema í smásjá, en það
tímgaðist svo ört, að ef allt afkvæmið hefði lifað og tímgast, myndi stofninn.
hafa vegið 1 kiló eftir 6% dag, en fyllt milljón sinnum meira rúm en sólin
eftir aðeins einn mánuð.
Til er ormur, mjög smár vexti. Hann verpir 30 eggjum i senn, en 65.
sinnum á ári. Ef að hver einstaklingur lifði og yki kyn sitt, myndi fjöl-
skyldan eftir eitt ár fylla stærra rúm en allur sá hluti alheimsins, sem.
þekktur er.