Samvinnan - 01.04.1944, Qupperneq 12

SAMVINNAN
4. HEFTI
var útflutningsverð saltaðra gæra kr. 3,14 kg. Er það
verð hér látið gilda. Verður gæruverðið þá alls kr.
4.252.536.
4. Vll. Árið 1941, er sauðfé landsins talið 637.067.
Sé ullin áætluð 1 kg. af hverfi kind og miðað við út-
flutningsverð það ár, sem var um kr. 6,21 fyrir hvíta
vorull, verður verðupphæð ullarinnar alls kr. 3.956.186.
5. Slátur. Ég reikna slátrin jafnmörg og ær með
lömbum og verð hvers þeirra að jafnaði eins og
iy2 kg. af kjöti. Verður þá sú yerðupphæð kr. 2.166.896.
Afurðir af sauðfé alls kr. 37.563.408.
II. Afurðir af geitum.
1. mjólk. í búnaðarskýrslunum 1941 eru geitur tald-
ar 1568. Þar af áætla ég mylkar 1300 og meðal nyt-
hæð 10 kg., hvert kg. 75 a. = kr. 156.000.
2. Aðrar afurðir áætla ég lauslega kr. 9.000.
Afurðir af geitum cdls kr. 165.000.
III. Nautgripir.
1. Mjólk. Árið 1941, eru kýr og kelfdar kvígur taldar
28.772. Sé meðal ársnyt talin 2400 kg. verður hún alls
69.052.800 kg. Hvert kg. reikna ég 64 aura og verð-
upphæð mjólkurinnar alls kr. 44.193.792.
2. Nautakjöt. Sé árlega slátrað V14 af áðurnefnd-
um kúafjölda verða það 2055 gripir. Rétt mun að gera
ráð fyrir nokkrum vanhöldum. Ég dreg því frá 5%,
verða þá eftir 1953 gripir. Kjöt af hverjum áætla ég
150 kg., alls 292.950 kg. Verðið miða ég við súpukjöt
af nautgripum, eins og það var í Reykjavík haustið
1941 -= 20%. Verður það kr. 3,61 hvert kg. Kjötverðið
alls kr. 1.057.549.
Aldir kálfar voru, árið 1941, taldir 6144, Sennilegt
virðist, að af þeim þurfi um 2400 til viðhalds kynstofn-
inum; eru þá eftir 3744 kálfar. Sé afkoman svipuð,
frá ári til árs, ætti árlega að vera slátrað geldneytum
nálægt þessari tölu, líklega því nær eingöngu á aldr-
inum 1—5 ára — örfáum eldri —. Kjötþunga þessara
gripa geri ég að meðaltali 90 kg. Það verða 336.960 kg.,
hvert reiknað' 4 kr. = 1.347.840 kr.
Loks eru kálfar, sem slátrað er nýlega bornum. Tölu
þeirra áætla ég eins og tölu kúnna -h þá sem aldir
eru = 22.628. Áætla ég hvern þeirra 25 kr., alls kr.
565.200. Nautgripakjötið alls að meðtöldu verði ung-
kálfanna kr. 2.970.589.
3. Húðir, slátur og mör. Verðmæti þessara afurða
er mikið, en þó erfitt að ákveða það, enda er sölu-
verðið mjög í lausu lofti. Ég áætla það lauslega 65 kr.
fyrir hvern grip (slátraðir ungkálfar ekki taldir).
Alls kr. 370.305.
Arður af nautgripum alls kr. 47.164.381.
IV. Hross.
Með stríðinu tók fyrir útflutning hrossa. Hins veg-
ar hefir talsvert af hrossum verið selt innanlands til
slátrunar. Glöggur maður, sem kunnugur er hrossa-
eign og hrossasölu landsmanna hefir nýlega, í blaða-
grein, talið að árlega mundu um 3000 hross, seld til
slátrunar. En auk þess munu bændur slátra eigi svo
fáum hrossum, fyrir heimili sín. Tel ég líklegt að þar
megi bæta við fjórða þúsundinu. Ég geri ekki til-
raun til að sundurliða sláturafurðirnar, en áætla hvert
sláturhross — miðað við verðlag sams konar vara
1941 — kr. 300.00 = 4000 sláturhrcss kr. 1.200.000.
V. Loðdýr.
Síðustu árin hefur verið mikil loðskinnasala innan-
lands. Hvaða fjárhæð sú sala hefur numið árið 1941,
er mér ekki kunnugt. Tek því aðeins útflutningsverð
það, er verzlunarskýrslurnar tilgreina, sem er kr.
600.000.
VI. Alifuglar.
1. Hœnsni. Árið 1941 eru framtalin hænsni 67586.
Þar af áætla ég varphænur 60800 og að eftir hverja
hænu fáist, að meðaltali 6 kg. af eggjum. Alls 364.800
kg., hvert metið 9 kr. 3.283.200.
2. Andir töldust 1000. Þar áætla ég 850 varpandir.
Arðinn af hverri varpönd eins og af varphænu. Verða
það alls kr. 45.900.
3. Gœsir töldust 772. Hver karlfugl sinnir sjaldan
nema örfáum kvenfuglum, mun því nægilegt að telja
500 varpgæsir. Gæsaeldi er ódýrt, þar sem nóg er
land fyrir þær, en þær gefa mikið kjöt og dálítið fiður.
Miðað við verðlag 1941, áætla ég arðinn 90 kr. fyrir
hverja varpgæs. Alls kr. 45.000.
Arður af alifuglum alls kr. 3.374.100.
VII. Garðrœkt.
1. Kartöflur og rófur voru árið 1941, samkvæmt
búnaðarskýrslunum 150.047 tunnur. Hverja tunnu
reikna ég 60 kr. Verða alls kr. 9.002.820.
2. Grœnmeti. Því miður eru engar skýrslur til um
ræktun grænmetis, en það er kunnugt, að ræktun þess
hefur mikið aukizt á síðustu árum. Rabarbari er al-
mennt ræktaður til heimilisnotkunar og auk þess
seldur að miklum mun, og ýmsar fleiri grænmetisteg-
undir eru víða ræktaðar. Ég tel eigi um of að meta
þessa ræktun til jafns við rófurnar, einkum þegar
þess er gætt, að rófnakálið mun mjög víða notað,
bæði fyrir menn og skepnur. En verðmæti þess, til
manneldis, er talið að slaga upp í rófurnar sjálfar.
Ég áætla því verðmæti þessarar framleiðslu kr.
1.500.000. — Arður af garðyrkju alls kr. 10.502.820.
112