Samvinnan - 01.06.1950, Qupperneq 28
EINN HEIMUR
(Framhald af bls. 26)
skapartilLinningnar rekast á, hvar
stendur þá föðurlandið?"
Belgía
Lœknir:
„Við erum að nálgast alheimsstjórn,
þar sem heiminum er skipt upp á
milli þriggja stórvelda. Við þörfnumst
meiri samdráttar á veröldinni en
þetta; við þurfum eitt tungumál, einn
gjaldmiðil og eina stjórn."
Bretland
Byggingameistari i Glasgow:
„Þetta er allt ofur einfait. Það þarf
aðeins að stöðva hina þjóðernislegu
sögukennslu. Ósamkomulagið í ver-
öldinni er ávöxtur rangs uppeldis."
Venjulegur Breti:
„Hugmyndin er góð, en ófram-
kvæmanleg nú, eða jafnvel ævinlega.
Við erum ekki komnir nógu langt
frá öpunum á þróunarbrautinni. Við
segjum enn: „Ég á þetta land. Hafðu
þig á brott!“
Embœttismaður:
„Sérhver túristi, sem kemur til Bret-
lands, getur fengið ókeypis læknis-
hjálp, alveg eins og heimamenn. Ein-
hvern tíma kemur að því, að allir geta
fengið ókeypis læknishjálp alls staðar
í veröldinni.“
Slökkviliðsmaður:
„Ég trúi á eitt konungsríki og einn
konung, Jesús Krist, og ég liugsa að
einn heimur sé hluti þessa alls og lík-
lega er það þetta, sem biblían á við.“
Frakkland
Dýralœknir:
„Fyrst reyndi Napóleon það, síðan
Hitler. En hvorugum tókst að þurrka
burt landamæri, tolla og vegabréf —
með valdi. Það væri gott ef einhver
reyndi þetta og notaði til þess ofur-
litla skynsemi. Ef við getum sameinað
Evrópu, getum við sameinað allan
heiminn.”
Italia
Götusali:
„Alheimsstjórn er fallegur draum-
ur, en ég hefi engan tíma til dag-
drauma. Ég sel sjálfblekunga. Ég
verð fyrst að hugsa um sjálfan mig og
reyna að hafa í mig. Þú segir að menn
tali um Evrópuráð. Ég segi að ég selji
sjálfblekunga.“
SVIPIR SAMTÍÐARMANNA
(Framliald af bls. 27)
óbrotna fæði, ásamt þaulsætni við skyldu-
störfin, hafa komið meinlætaorðinu á Sir
Stafford og vakið þá illgirnislegu getgátu,
að honum þyki fróun að því að gera líf ann-
arra eins súrt og sitt eigið.
EN lífið hefur vissulega ekki verið honum
súrt. Hann er fæddur 24. aprfl 1889, og
er fjórði sonur lávarðarins af Parmoor, sem
var frægasti sérfræðingur Breta í kirkjurétti
á sinni tíð, um skeið íhaldsmaður, en síðar
jafnaðarmaður. Cripps gekk á Winchester-
skóla og las síðan lög. Hann vakti snemma
athygli fyrir frábærir námsgáfur og þótti
ágætt vísindamánnsefni. Hann er meðlimur
konunglega brezka vísindafélagsins, eini ráð-
herrann, sem þeirrar sæmdar er aðnjótandi.
Parmoor fjölskyldan er vellauðug, og árið
1911 giftist Cripps inn í milljónerafjölskyldu.
Lögfræðileg störf hans á fyrirstríðsárunum
færðu honum og geysilegar upphæðir. Fjár-
afli hefur því jafnan staðið traustum fótum.
En þau hjónin hafa aldrei borizt á. Sir Staf-
ford hefur ekki gaman af veizluhöldum og
samkvæmum eða viðhafnarbúnaði heima fyr-
ir. Hugur hans hefur alla tíð beinzt að þjóð-
félagslegum og alþjóðlegum úrlausnarefnum
og að trúmálum. Hann er mjög trúaður mað-
ur og lætur sig trú- og kirkjumál miklu
skipta. Það er algengt, að hann flytji prédik-
anir í kirkjum sem leikmaður, og fyrir
skemmstu kom út safn slíkra prédikana hans
og heitir bókin: Drottinn í heimi vorum.
Fyrir nokkrum árum birti The Times í
London palladóm um hinn þá upprennandi
stjórnmálaskörung. Þar var honum lýst svo,
„að útlit hans benti til þess, að hann myndi
af frjálsum vilja ganga á bálköstinn fyrir
hugsjónir sínar, og senda aðra á hann fyrir
þeirra hugsjónir." Sagt er, að Stalin hafi
kvartað undan Sir Stafford, er hinn síðar-
nefndi var sendiherra í Moskvu. Stalin kvað
hafa talið hann heldur geðþekkan náunga,
en honum fylgdi sá leiði galli, „að hann vill
ævinlega rökræða við mig um kommúnism-
ann‘‘. — Vinir Cripps segja, að bezta lýsingin
á honum hafi komið fram í umgetningu há-
skólans í Liverpool hér um árið, er hann var
gerður að lieiðursdoktor í lögvísindum:
„Þetta er maður, sem skoðar stjórnmál hvorki
sem baráttu né leik, heldur þjónustu. Vér
játum kosti hans, enda þótt vér kvörtum und-
an þeim“.
Verzlunarsýning í U.S.A.
Bandaríkin hafa ákveðið að halda verzl-
unarsýningu í Chicago dagana 7.-9. ágúst.
Ei í ráði að þctta verði alheimssýning, og
munu Evrópu-, Ameríku- og jalnvel Asíuríki
taka þátt í henni.
Vestur-Evrópuþjóðirnar hafa þegar sótt
unt 250.000 ferfeta sýningarsvæði undir vöru-
sýningar sínar. A meðal þessara þjóða er t. d.
Finnland, sem mun leggja áherzlu á að sýna
trjáviðarframleiðslu sína og iðnaðarvörur úr
trjáviði.
Mörg firmu í ýmsum ríkjum Suður-Amer-
íku hafa líka sótt um stór sýningarsvæði. Ekki
er kunnugt um, hvort ísland verði þátttak-
andi, en þarna virðist tilvalið tækifæri til
þess að sýna íslenzka fiskiðnaðarframleiðslu,
frosin fiskflök og saltfisk.
Kaffiverðið.
Kaffi er dýrara á heimsmarkaðinum nú
en áður. Þetta á ekki bara við um ísland og
stafar ekki eingöngu af gengislækkun. Á-
stæðan er engu síður sú, að heildsöluverð
kaffis hefur hækkað úr 26 upp í 46 cent
pundið í Bandaríkjunum. Þessi verðhækkun
á kaffi í Bandaríkjunum stalar af því, að
Brazilíumenn framleiða minna, en Ameríku-
menn drekka meira kaffi nú en fyrir stríð
(65 af hundraði af Braziliukaffiframleiðsl-
unni fer til U.S.A.).
Brazilíumenn eru mjög ánægðir yfir kaffi-
markaðinum. Nú vita þeir, að þeir þurfa
ekki að brenna kaffi í stórum stíl, eins og
þeir urðu að gera hér áður fyrr. Þeir lrarn-
leiða bara minna.
Hagfræðilega séð ætti aukin eftirspurn
á kaffi í Bandaríkjunum og minna framboð
á því frá Brazilíu að verða til þess að ýmis
hitabeltislönd fari að framleiða meira kaffi
en hingað til. En raunveruleikinn er ekki
alltaf samferða liagfræðikenningunum.
Filippseyjar sækjast eftir
erlendu fjármagni.
Filippseyjastjórn hefur nýlega fellt úr gildi
ákvæði þau, sem áður hindruðu erlendar fjár-
festingar í landinu. Nú er gjaldeyrir landsins
að mestu settur frjáls, svo að erlendir ein-
staklingar og erlend firmu geta fest fé í land-
inu og flutt arðinn af fjármagninu út aftur.
Kopar og zínk hækka í verði.
Það er mjög mikil eftirspurn eftir alls kon-
ar málmum í Bandaríkjunum um þessar
mundir. „Hefur þetta orðið til þess,“ segir
brezka blaðið Economist nýlega, „að verð á
ýmsum málmum liefur hækkað verulega í
verði. Kopar hefur t. d. hækkað úr £148
tonnið í £156.... Sama máli gegnir með
zink. Það hefur líka hækkað allmikið af
sömu ástæðum. í Bandaríkjunum hækkaði
zinkpundið um hálft cent nýlega og í Bret-
landi hækkaði zinktonnið um £4, þ. e. upp
í £95, l/2 tonn.
28