Samvinnan - 01.06.1956, Blaðsíða 5

í sérstakan ferðagjaldeyrissjóð, sem
hin ýmsu Evrópuríki máttu síðan
draga á. Nú hófust ferðamanna-
skipti í svo ríkum mæli, að slíks
hafði aldrei áður verið dæmi til.
Eins og hvarvetna hefur orðið
raunin fylgdi ör þróun á öðrum
sviðum efnahags- og atvinnulífsins í
fótspor ferðamannanna.
A árinu 1948 var svo stofnuð
OEEC, Efnahagssamvinnustofnun
Evrópu, og út úr henni sem sérdeild
European Travel Commission, sem
vinnur að sameiginlegri kynningu
meðlimalandanna á ferðamarkaðin-
um. ísland er að vísu þátttakandi í
þessari samvinnu, en því miður að-
eins að nafninu til, eins og er raunin
á á flestum sviðum ferðamálanna.
Skilgetið afkvæmi Efnahags-
samvinnustofnunar Evrópu er svo
E.P.U. Greiðslubandalag Evrópu
(stofnað 1950), sem hefur það mark-
mið að auka sem mest viðskipti með-
limaríkjanna og koma á fullu við-
skiptafrelsi, svo gjaldmiðill hvers
eins þeirra verði viðurkenndur af
öllum hinum.
Nú um það bil tíu árum eftir að
endurbygging ferðamálanna hófst í
Vestur-Evrópu er nú svo komið, að
flest lönd á þessu svæði taka á móti
tvö- og þrefalt fleiri ferðamönnum en
fyrir styrjöldina. Sum þessara landa
töldu ferðamannamóttökur meðal
þýðingarmestu atvinnuvega sinna
fyrir stríð, svo sem Italir, Svisslend-
ingar, Frakkar og Norðmenn. Eftir
stríðið hafa bætzt í þennan hóp mörg
ríki, svo sem Hollendingar, Þjóðverj-
ar, Danir, Spánverjar o. fl.
Það er því sýnt, að endurbygging
hinna gömlu ferðamannalanda hefur
beinlínis orsakað að lönd, sem ekki
töldust hlutgeng á þessu sviði fyrir
stríð, em nú komin í frmestu línu. Og
enn heldur þessi þróun áfram hröðum
skrefum. Austur-Evrópuríkin Tékkó-
slóvakía, Júgóslavía, Búlgaría, Rúm-
enía og Rússland gera nú stórfelldar
ráðstafanir til að fylgjast með á þessu
sviði. I þeim löndum er varið stórfúlg-
um til endurbygginga og þau auglýsa
mjög stíft eftir heimsóknum erlendra
ferðamanna.
Á öllu meginlandi Ameríku, norðan
frá Alaska suður til Ushuaia, þjóta
upp nýir og áður óþekktir ferða-
mannastaðir.
Einn jricgasti og fjcilsóttasti ferðamannaslaður i Evrópu, Nice (Nizza) á Mið-
jarðarhafsströnd Frakklands. Vinstra megin vegarins er baðströndin, en á
htcgri liönd óslitin röð veitingahúsa.
Litill fiskimannabœr á Miðjarðarhafsströnd Italiu, scm nú er orðinn frregur bað-
staður. ítalarnir nota sjálft bergið til að sóla sig á. Hörð samkeppni er nú háð
milli bœjanna á Miðjarðarhafsströnd Fraklclands og ítaliu.

rn ■ : tsÆi í. .ÍH ... Í3wi#||
Við Rinarfljót. Meðfram Rin eru margir sérkennilegir miðaldabæir, mjög eftirsóttir af ferðamönn-
um, bceði til að njóta náttúrufegurðar og bragða góð vin. Islenzkir ferðamenn sækja til Rinarlanda.
5