Samvinnan - 01.06.1956, Síða 23

Sportsnið fyrir stúlkur á aldrinum 4—12 ára.
Má fá allt það, sem myndin sýnir úr sama
sniðinu, þ. á. m. hringskorið pils og blússu.
stuttar og hálfviðar ermar, sem eru mjög vin-
scelar hjá þessum aldursflokki.
Sumartízan 1956
Eitthvað fyrir alla í Buttericksniðum
Sumarið er sá annar árstími, sem
hvetur fólk til að skipta um klæðnað.
Ef við erum svo heppin að hafa bæði
sumar og sól, þurfum við léttari föt
og litskrúðugri en við notum yfir vet-
urinn.
Og þó að við í versta tilfelli höf-
um hér aðeins sumar, en enga sól,
eins og stundum á sér stað, þá látum
við það ekkert á okkur fá. Við fáum
okkur samt falleg sumarföt, og
kannske er þess ekki síður þörf þá,
til þess að við förum ekki alveg á mis
við sumarið. En allir vonast eftir
björtu og sólríku sumri í ár og nú er
einmitt tíminn fyrir húsmæður og
ungar stúlkur að sauma sumarfötin.
Við birtum hér nokkrar myndir af
Butterick-sniðum, til þess að minna
á, að með þeirra hjálp er auðvelt að
veita sér ný föt fyrir sumarið, án þess
að kosta miklu til, og þar er að finna
eitthvað fyrir alla.
Vinsældir sniðanna sýna, að konur
um land allt hafa gert sér ljóst, hvað
mikið þær geta unnið sér og heimil-
um sínum með því að hagnýta sér
þau. Eftir því, sem þær kynna sér
betur meðferð sniðanna, verður það
auðveldara og betri árangur næst. Og
þær, sem ekki hafa ennþá gefið sér
tíma til að reyna þau, ættu að nota
tækifærið og sauma sér léttan sumar-
kjól til reynslu. Flestar geta fengið
einhverja hjálp hjá nágrönnum, sem
reynt hafa sniðin. En þeim, sem það
hafa ekki, bendum við á smágrein í
„Samvinnunni“ s.l. janúarmánuð.
Þar eru gefnar í stórum dráttum upp-
lýsingar um það, hvernig taka á mál
og bent meðal annars á hinn ágæta
leiðarvísi, sem fylgir hverju sniði, þar
sem sýnt er, hvernig sauma á eftir
meðfylgjandi sniði. Þó að útskýring-
ar séu á ensku, er hægt að fylgjast
með myndaskýringunum einum. Með
tilliti til þess getur verið gott að benda
á nokkur smáatriði, sem geta orðið
óvönum að liði, þegar styðjast á við
leiðarvísinn, við samsetningu snið-
anna.
Venjulega kemur helmingur af flík-
inni í sniði og er þá ævinlega miðað
við hægri hlið og því mátað hægra
megin.
Skyggða hliðin á myndum í leiðar-
vísinum sýnir réttuna á efninu og sú
óskyggða er þá rangan. T. d. kem-
ur réttan á efninu út í saumum, þeg-
ar búið er að sauma saman og pressa
út saumana. Þá eru punktalínur í
þrem mismunandi stærðum. Sú
minnsta er þar sem sauma á flíkina
saman og sýnir saumför. Punktalín-
ur í miðstærð sýna, hvar á að taka
úr sauma, t. d. brjóstsauma. Stærstu
punktalínurnar sýna, hvernig þráður-
inn í efninu á að liggja í hverju stykki,
(Frh. á bls. 27)
23