Samvinnan - 01.12.1958, Page 21

Það kemur fyrir að kollurinn tæmist og hugmyndaflugið verður allt
í einu að engu, þegar til þess kemur að velja jólagjafir. Ef þessi fáu
atriði, sem hér eru talin, gætu eitthvað bætt úr því, er tilganginum
náð. Þarna er til dæmis mjög einfalt en notadrjúgt skrifborð. Það
er aðeins plata, ca. 70 cm breið og undir henni einn fótur, sem hægt
er að brjóta saman undir plötuna. Plötuna má láta hvíla á örmum stóls eins
og myndin sýnir og þá er fengið ágætt lestrar- eða skrifborð. Lítill og þægi-
legur leslampi er alltaf góð gjöf, svo ekki sé talað um kertastjaka. Þeir eru
hér úr innbrenndu járni, sem nú er mikið notað, og fer vel með nútíma hús-
gögnum. Þarna er líka skóhorn svo listilega gert, að lítið þarf að beygja sig
niður og það getur stundum komið sér vel. Þá eru hér þrír hlutir, blaðagrind,
spaði til að hafa á heitt ílát og statíf fyrir pípusett ásamt öskubakka. Allt
er þetta úr innbrenndu jámi og vafið með basti, og fæst í kaupfélagsbúðum
og öðrum verzlunum um allt land.
JÓLABORÐIÐ
Nú er komið að því að
skreyta jólaborðið. Ekki er
aðalatriðið að hlaða allskon-
ar dýrmætu skrauti á það,
heldur getur einfaldleikinn
og smekkvísin ráðið þar
miklu. Fallegast er að skreyta
með kertum og blómum, auk
þess sem það eykur á hátíð-
leik jólanna. Hér birtum við
nokkrar fyrirmyndir, sem
gaman væri að spreyta sig á.
Við tökum fram fallega
skál, sem fer vel við matar-
stellið, fyllum hana mosa og
stingum þar í eilífðarblóm-
um eða blómalaukum. Gæta
verður þess að vökva mos-
ann aðeins svo, að hann
harðni ekki. Há og mjó kerti
fara vel við.
Skreyta má með kornaxi,
einnig má nota puntstrá.
Klippa má toppinn af nokkr-
um þeirra og setja litlar
jólakúlur í staðinn. Gild, hvít
kerti prýða borðið.
Neðsta myndin. Takið eftir
diskadúknum, sem Iiggur
undir hverjum diski og kem-
ur í staðinn fyrir dúk.