Samvinnan - 01.06.1980, Qupperneq 48

legar eru til að styrkja fé-
lagsstarfið.
• Forvitni stjórnar
Stjórnarmenn þurfa að
vera hæfilega forvitnir um
daglega starfsemi og hag
félagsins. Áriðandi er að
tengsl stjórnarmanna við
kaupfélagsstjóra séu góð og
skoðanaskipti um málefni
félagsins eigi sér stað oftar
en á formlegum stjórnar-
fundum.
Þess er ekki eða vart að
vænta að stjórnarmenn geti
rækt sómasamlega sína fé-
lagslegu skyldu nema þeir
séu allnokkuð hnýsnir um
allt er kaupfélagið varðar.
Það bólar stundum á þeirri
tilhneigingu, að jafnvel fé-
lagsmönnum finnist að
enginn eigi kaupfélagið —
og ekki þurfi að óttast að
nokkur verði til forsvars
þótt eitthvað kunni að vera
á hlut þess gert. Á móti
þessari tilhneigingu þarf að
vinna. Stjórnir, deildar-
stjórar, starfsmenn og aðrir
trúnaðarmenn félagsins
hafa hér verk að vinna. Það
sjónarmið sem ég heyrði
fyrir nokkrum dögum koma
fram hjá bóndakonu norð-
an úr landi er í þessu efni
til fyrirmyndar. Hún vitn-
aði til þess hvað „félagið
okkar“ gerði og enn heyrist
sagt: það fæst i félaginu.
Þessi dæmi sýna að tilfinn-
ingin fyrir því, í hvers þágu
félögin vinna, hver i raun
á þau, er enn til staðar.
Þetta viðhorf þarf að rækta
og viðhalda.
• Tengslin við starfsfólkið
Það er nauðsynlegt að
starfsfólkið skynji og skilji
hinn félagslega þátt og
uppbyggingu kaupfélag-
anna. Tengslin milli þess og
stjórna eru þvi eðlileg og
æskileg. Segja má að vand-
inn á þessu sviði sé mestur
í hinum stærstu félögum
þar sem félagar eru margir
og persónulegur kunnug-
leiki af starfsfólki ekki fyrir
hendi í sama mæli og hjá
hinum minni félögum. Leita
þarf tiltækra ráða til að
finna leið sem hentar eink-
anlega í þéttbýlinu til að
treysta þennan þátt í starfi
stjórna og skiptum þeirra
við starfsfólk og félags-
menn.
• Stjórnimar og Sam-
bandið
Það er ástæða til að und-
irstrika og gleyma ekki, að
stjórnir kaupfélaganna sem
heild eða fulltrúi stjórna
eiga aðgang að forstjóra
Sambandsins og stjórn þess.
Þær geta leitað til Sam-
bandsins hvenær sem er.
Áhyggjur sínar eða áhuga-
mál geta stjórnir tekið upp
og rætt við forstjóra eða
formann Sambandsstjórnar.
Sambandið reynir að veita
félögunum aðstoð á marg-
víslegum sviðum. Óþarfi er
að telja þau sérstaklega
upp hér.
• Nýir félagsmenn
Ein meginhætta kaupfé-
laganna er sú, að litið verði
á þau sem stofnanir og að
tilfinningin fyrir því, að
persónuleg og lifandi tengsl
milli félaga og félags sé til
staðar. Félögin eru ekki
stofnanir sem stjórna sér
sjálf — þau eru ekki verk-
færi sem kaupfélagsstjóri
má stjórna að eigin geð-
þótta. Félagsmennirnir eru
undirstaðan og áhugi þeirra
fyrir málefnum félagsins
dýrmætasti vara- og stofn-
sjóður þess.
Áhuganum þarf að við-
halda og hann þarf að efla.
Það er og á að vera hlut-
verk stjórnanna að vera hér
á varðbergi.
Stöðnun er stærsta hætt-
an. Endurnýjun félaga
er dagskrármál sem fylgir
jafnt hinu minnsta sem
hinu stærsta félagi. Ef ekki
tekst vel til á þvi sviði
vöknum við upp einn góðan
dag við það að innviðir fé-
laganna eru veikir. Félags-
mennirnir verða þá mest
aldrað fólk en nýliðana —
æskufólkið — vantar.
Þegar hugsað er um og
rætt um hlutverk og ábyrgð
stjórna kaupfélaganna er á
vissan hátt ástæða til að
byrja og enda á þessu atriði.
Daglegar áhyggjur og
vandamál mega ekki gera
það að verkum að við
gleymum þvi. 4
Bréfaskólinn
Suóurlandsbraut 32. 105 Reykjavik Simi 812 55
Ég óska aó gerast nemandi í eftirt. námsgr.
Nafn
□ Vinsaml. sendiö gegn postkröfu
□ Greiðsla hjálögð kr.........
Heimilisfang
48