Samvinnan - 01.08.1984, Blaðsíða 8

Samvinnan - 01.08.1984, Blaðsíða 8
Ég lít á aðsteðjandi vandamál ekki einungis sem erfiðleika sem glíma þarf við, heldur jafnframt tækifæri sem gerir okkur kleift að færa starfsemina til betri vegar. Samvinnuhreyfíngin vill stuðla að efíingu og nýsköpun í atvinnuiífínu Axel Gíslason, aðstoðarforstjóri Sambandsins, svarar spurningum Samvinnunnar # Leikur, starf og skóli Pú vildir kannski í upphafi segja frá ætt þinn og uppruna, bernsku, skóla- göngu og starfsferli. Ég er fæddur í Washington D.C. í Bandaríkjunum 1. júlí 1945 ogfluttist þaðan með foreldrum mínum til Ak- ureyrar. Þar var ég því að mestu alinn upp og átti heima á Akureyri fram að háskólanámi. Foreldrar mínir eru Sól- veig Axelsdóttir, Kristjánssonar, kaupmanns frá Sauðárkróki, og Gísli Konráðsson, Vilhjálmssonar, bónda og fræðimanns frá Hafralæk í Aðaldal. Það má segja, að ég sé Akureyringur kominn af þingeyskum bændum og skagfirskum kaupmönnum. Ég ólst upp á Akureyri ásamt stór- um systrahópi. Við erum sjö systkinin, og eins og gefur að skilja var oft líflegt á heimilinu þessi árin og ekki alltaf friðsamlegt, en þetta voru góð ár þar sem skiptist á leikur, starf og skóli. Þegar ég var níu ára gamall, var ég sendur til sumardvalar í sveit í Hafra- fellstungu í Axarfirði og dvaldist þar næstu fjögur sumrin hjá Önnu, Sigurði og Sigvalda Kristjánsbörnum er þar bjuggu. Ég er afar þakklátur fyrir þessi sumur, sem ég dvaldi í Hafrafells- tungu, því að þar kynntist ég mörgu góðu fólki, starfsháttum til sveita og lífsbaráttu bænda. Þarna var auk sauð- fjárbúskapar ennþá búið með geitur, fært frá á miðju sumri og mjólkað í kvíum kvölds og morgna. Veran í sveitinni var mér mjög gagnleg, og ég hef stundum sagt síðar, að þessi ár hafi verið einn besti skóli sem ég gekk í. Eftir að sveitavistinni lauk, vann ég við ýmis störf á sumrin samhliða skólagöngu. Ég vann meðal annars við skógræktarstörf, í frystihúsi og í byggingarvinnu. Einnig starfaði ég nokkur sumur á Akureyrarflugvelli hjá Flugfélagi íslands við ýmiss konar afgreiðslustörf. Á þessum árum kynntist ég því ýmsum greinum at- vinnulífsins samhliða skólanámi. Eftir venjulegt nám í barnaskóla og gagnfræðaskóla, lá leiðin í Mennta- skólann á Akureyri. Að afloknu stú- dentsprófi þar 1965 hóf ég nám við verkfræðideild Háskóla íslands, lauk þaðan fyrrihlutaprófi 1968 og loka- prófi í byggingarfræði frá Verkfræðihá- skólanum í Kaupmannahöfn 1971. Á síðari hluta verkfræðinámsins gafst kostur á að skipuleggja námið nokkuð miðað við áhugasvið nemenda og varð því úr, að auk hefðbundinna bygginga- verkfræðigreina lagði ég stund á flutn- inga- og samgöngutækni svo og ýmsar rekstrar- og hagfræðigreinar, enda hafði ég þá þegar gert upp við mig að leita ekki framtíðarstarfa eingöngu á sviði byggingaverkfræði. Ég starfaði á sumrin samhliða há- skólanáminu meðal annars að land- mælingum og síðustu tvö árin starfaði ég hjá ráðgefandi verkfræðifyrirtæki, Chr. Ostenfeld og W. Jönsson í Kaup- mannahöfn. Hjá þessu fyrirtæki starf- aði ég síðan í eitt ár að afloknu lokaprófi - eða þar til konan mín kom eitt sinn heim með úrklippu úr dag- blaði að heiman, þar sem Sambandið auglýsti starf aðstoðarframkvæmda- stjóra hjá Iðnaðardeild með aðsetri á Akureyri. Ég sótti um starfið og var ráðinn til Iðnaðardeildar, en þá var framkvæmdastjóri hennar Harry heit- inn Frederiksen. Við hjónin fluttum til Akureyrar vorið 1972 - og síðan hef ég unnið hjá Sambandinu. 8

x

Samvinnan

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Samvinnan
https://timarit.is/publication/340

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.