Fréttablaðið - 27.08.2009, Blaðsíða 33

FIMMTUDAGUR 27. ÁGÚST 2009
Í kvöld kynnast gestir Jazz-
hátíðar í Reykjavík trompet-
leikaranum Maciej Fortuna
og bassaleikaranum Stefan
Weeke. Fortuna er einn besti
djasstrompetleikari Pólverja
en Weeke er þekktur bæði
fyrir hæfileika sína í djassin-
um og í heimstónlist. Dúóið
spilar á Café Rosenberg
klukkan níu.
Dúóið hefur túrað í nokkurn tíma.
Blaðamaður spurði Maciej For-
tuna hvaða staður stæði upp úr af
ferðalaginu. „Okkur finnst hver
staður hafa sína eigin strauma
eða skap. Hvert sem við komum
eru áhorfendur yndislegir, þeirra
vegna er ekki hægt að velja.“
Þeir félagar eru spenntir fyrir
komunni til Íslands. „Hvor um sig
hefur verið ástfanginn af Íslandi
í áraraðir. Ég get ekki útskýrt af
hverju. Ísland í mínum huga er
staður fullur af dulúð og fegurð.
Svolítið eins og heimur útaf fyrir
sig, innan heimsins.“ Hann segir
þá félaga lengi hafa dreymt um að
spila á Jazzhátíð. „Margir frábærir
tónlistarmenn hafa spilað á há-
tíðinni, auk þess er Reykjavík ein-
stakur staður, og við vonumst til að
tónlistin verði einnig einstök.“
Að lokinni hátíðinni og dvölinni á
Íslandi halda þeir Weeke til heima-
bæja sinna að kynna nýja plötu. „Við
tókum hana upp utan hljóðversins,
á stöðum sem eru okkur kærir. Það
er mikið hjarta í henni.“
Fyrir tónlist sína hefur Fortuna
verið margverðlaunaður í ýmsum
flokkum og er hann vægast sagt
eftirsóttur. Hann er þéttbókaður
með hinum og þessum listamönn-
um fram í maí 2010.
Stefan Weeke hefur túrað um
Evrópu, Asíu, Suður-Ameríku og
Afríku í nafni Goethe-stofnunar-
innar. Þá hefur hann unnið sem
tónlistarstjóri þýsku stjörnunnar
Gitte Haenning, en hann spilaði
og samdi djass-prógramm henn-
ar. Þá spilar hann með stórstjörn-
um eins og Herb Ellis, Bucky Pizz-
arelli, David Liebman, Carla Bley,
Charlie Mariano, Joe Lovano, Till
Brönner og Phillip Catherine. - kbs
Reykjavík er einstök
Finna strauma og skap hvers staðar. Stefan Weeke og Maciej Fortuna spila á Rósenberg í kvöld. MYND/ÚREINKASAFNI
„Þetta í rauninni í fyrsta sinn sem
ég spila einleikstónleika þó að stutt-
ir séu,“ segir Sunna Gunnlaugsdótt-
ir píanisti en hún kemur fram á tón-
leikum sem bera yfirskriftina Píanó
einsamalt! í Norræna húsinu ásamt
Agnari Má Magnússyni, Davíð Þór
Jónssyni og Eyþóri Gunnarssyni á
sunnudaginn klukkan fjögur. Á tón-
leikunum munu píanistarnir leika
djasseinleik.
„Ég hugsa að ég velji tvö lög
eftir mig og eitt íslenskt. Ég held
að það séu áætlaðar tíu mínútur á
mann,“ segir Sunna og Agnar Már
tekur við: „Ég er eiginlega ekki
búinn að ákveða hvað ég ætla að
flytja. Þetta verða hugleiðingar í
kringum lög sem ég hef spilað,“
upplýsir Agnar sem verður 35 ára
sama dag. „Þá ætla ég að drífa mig
heim í kaffiboð þegar ég er búinn.“
- mmf
Píanóið einsamalt í Vatnsmýri
Agnar Már mun líklega spila hug-
leiðingar í kringum áður spiluð lög.
Sunna segir að tónleikarnir séu í raun
þeir fyrstu sem hún leikur einleik á.
Dimma - þar sem jazzinn er heitastur!
w w w . d i m m a . i s
Agnar Már Magnússon
- Láð
Fimm stjörnu
þjóðlegur píanójazz!
Árni Heiðar Karlsson
- Mæri
Útgáfutónleikar
28. ágúst kl. 20