Fréttablaðið - 27.08.2009, Blaðsíða 56

40 27. ágúst 2009 FIMMTUDAGUR
sport@frettabladid.is
Katrín Ómarsdóttir fékk fyrsta tækifærið sitt í byrjunarliði
íslenska kvennalandsliðsins á árinu þegar íslenska liðið
spilaði við Frakka á mánudaginn. Katrín hefur hingað
til verið í því hlutverki að koma sterk inn af bekknum
og skemmta stelpunum utan vallar með alls konar
trúðslátum.
Katrín segir stelpurnar hafa þurft smá tíma til að
komast yfir Frakkaleikinn. „Við þurfum að fara í gegnum
þetta eins og öll önnur lið. Auðvitað vildum við vinna
Frakkana en við verðum tilbúnar á móti Noregi.
Liðsheildin er ekkert verri því við erum allar stundir saman og
gerum þetta allt saman. Við ætlum bara að horfa á næsta leik
og við gefumst ekkert upp,“ segir Katrín.
„Ég var mjög ánægð með að hafa fengið tækifærið í byrjun-
arliðinu en það var mjög svekkjandi að þetta skyldi hafa farið
svona. Ég náði ekki að sýna hvað ég gat, ég reyndi að biðja
um boltann en ég held að ég hafi ekki fengið að snerta
boltann mikið,“ segir Katrín og bætir við:
„Það er minn styrkleiki að hafa boltann og reyna
að finna Margréti en hún fékk boltann allt of lítið líka. Ég vona
að ég fái annað tækifæri og að við gerum betur í næsta leik,“
segir Katrín.
Katrín hefur verið tilnefnd að mörgum öðrum leikmönnum
liðsins sem aðal trúðurinn í íslenska liðinu enda er oft von á
öllu þegar hún er í stuði. Katrín sjálf brosti þegar hún var
spurð að því hvernig væri að bera þennan titil.
„Það er bara fínt að verða álitin vera trúðurinn í
liðinu. Ég er brosmild, finnst gaman að hlæja og
gera gys. Það fylgir þessu þó svolítil pressa því
ég þarf alltaf að vera brosandi. Þetta er bara
gaman,“ segir Katrín hlæjandi. Hún segir stelp-
urnar ætli sér að vinna Norðmenn í dag.
„Við þurfum að sýna þjóðinni að við
getum gert betur og ég held að það vilji
allir gera það. Stuðningurinn á vellinum
var geðveikur og maður vill sýna þeim að
við viljum gera vel bæði fyrir okkur og þau,“
sagði Katrín að lokum.
KATRÍN ÓMARSDÓTTIR: TEKUR ÞVÍ BARA VEL AÐ VERA KÖLLUÐ TRÚÐURINN Í KVENNALANDSLIÐINU
Finn fyrir pressu að þurfa alltaf að vera brosandi
> Allar klárar í slaginn
Allir leikmenn íslenska landsliðsins gátu tekið þátt í
æfingu liðsins í Lahti í Finnlandi í gær. Þar mætir Ísland
liði Norðmanna í dag en leikurinn hefst klukkan
17.00. Í fyrradag gat Guðrún Sóley Gunnarsdóttir
ekki æft með liðinu vegna höfuðhöggs sem hún
hlaut í leiknum gegn Frökkum á mánudag-
inn en hún hefur nú náð sér af því.
Æfing liðsins gekk vel í gær og var ekki
að sjá annað en að liðið væri vel í
stakk búið fyrir átök dagsins.
FÓTBOLTI Stelpurnar okkar eru
komnar á fullt flug eftir vonbrigð-
in á mánudaginn á móti Frökkum
og framundan er gríðarlega mik-
ilvægur leikur á móti Norðmönn-
um í Lahti í kvöld. Bæði lið töp-
uðu fyrsta leik sínum á mótinu,
því áður en íslenska liðið tapaði
1-3 fyrir Frökkum töpuðu norsku
stelpurnar 0-4 fyrir Þýskalandi.
Íslenska liðið verður að vinna
Norðmenn ætli liðið að eiga raun-
hæfa möguleika á að komast áfram
í átta liða úrslitin.
Þóra Björg Helgadóttir, mark-
vörður íslenska landsliðsins, leik-
ur með Kolbotn í Noregi og þekkir
því vel til liðsins. „Ég þekki ekki
allar en ég hef spilað við allar
nema tvær. Þær eru með hörkulið
en virðast eiga í vandræðum með
að vinna saman. Það er eitthvað
sem getur alltaf smollið því þetta
slæma gengi þeirra í ár er ekki
vegna þess að þær séu ekki með
mannskap. Það er eitthvað sem
er ekki að virka hjá þeim og við
vonum að það haldi áfram þannig,“
segir Þóra en hún hefur í raun bara
áhyggjur af einum samherja sínum
hjá Kolbotn. „Það eru fjórar í hópn-
um sem eru með mér í Kolbotn en
aðeins ein þeirra er í byrjunarlið-
inu hjá okkur. Það er framherjinn
hjá þeim, Isabell Herlovsen, sem
er mjög góð,“ segir Þóra.
Katrín Jónsdóttir, fyrirliði
íslenska liðsins spilaði í mörg ár
í Noregi og þekkir því einnig vel
til liðsins. „Ég hef spilað með
fimm leikmönnum í liðinu en tvær
þeirra voru að koma inn í Kolbotn-
liðið þegar ég var að fara,“ segir
Katrín og hún telur að norska liðið
sé sterkara en það sem lá fyrir
íslensku stelpunum í ársbyrjun.
„Við spiluðum við þær á Algarve,
áttum þá mjög góðan leik og unnum
3-1. Það er smá breyting á norska
hópnum og þær hafa meðal ann-
ars fengið inn framherja sem er að
spila með Þóru í Kolbotn. Hún er
töluvert betri en sá framherji sem
var að spila á móti okkur og eykur
möguleika þeirra í sóknarleik,“
segir Katrín.
Katrín er samt bjartsýn fyrir
leikinn í kvöld. „Þegar ég horfi á
okkar hóp og þeirra hóp þá finnst
mér við eiga fulla möguleika í
þetta lið. Þeirra styrkleiki er að
sækja hratt og beita löngum bolt-
um. Markmaðurinn er mjög fljót-
ur að koma spilinu í gang og við
verðum alltaf að vera vakandi. Við
þurfum líka að loka betur þessu
svæði á milli miðju og varnar held-
ur en við gerðum á móti Frökkum,“
segir Katrín.
Þóra var ekkert að gefa norsku
landsliðsstelpunum neitt upp þó að
þær hafi rætt saman um Evrópu-
keppnina á meðan þær voru allar
hjá Kolbotn. „Við töluðum vissu-
lega saman um keppnina en við
pössuðum okkur á því að fara ekki
út í smáatriði. Reyndar misstu þær
það út úr sér að þær væru búnar
að skipta yfir í 4-4-2 og ég lak því
náttúrulega beint í Sigga Ragga.
Við sáum það líka í gær en það var
ágætt að geta undirbúið sig undir
það því þær hafa alltaf spilað 4-3-
3. Þær eru því algjörlega búnar að
skipta um stíl núna. Við vitum það
að þær eiga eftir að vera mikið í
löngum boltum en veikleikarn-
ir þeirra eru bakverðirnir og við
munum láta reyna á það,“ segir
Þóra.
Mikilvægi leiksins er augljóst,
draumurinn um átta liða úrslit-
in deyr nánast hjá báðum liðum
með tapi þó að allt geti þó gerst í
fótbolta.
„Þetta er hreinn úrslitaleikur
þar sem við þurfum að taka þrjú
stig. Það er reyndar allt hægt á
móti Þýskalandi en við viljum
klára þessi þrjú stig og þá getum
við farið með mun betri stöðu inn
í Þýskalandsleikinn. Mér finnst að
við eigum ekki að tapa fyrir þeim
eins og norska liðið hefur verið að
spila. Ef að það var svekkelsi að
tapa fyrir Frökkum þá verða það
gríðarleg vonbrigði að tapa fyrir
Norðmönnum,“ segir Þóra.
Hreinn úrslitaleikur fyrir okkur
Íslenska kvennalandsliðið spilar annan leik sinn á EM í kvöld þegar liðið mætir Norðmönnum. Þóra Björg
Helgadóttir og Katrín Jónsdóttir þekkja norska landsliðið betur heldur en aðrir leikmenn íslenska liðsins.
UNGUR AÐDÁANDI Katrín Jónsdóttir og Sigurður Ragnar Eyjólfsson sinna ungum
stuðningsmanni á æfingu liðsins. FRÉTTABLAÐIÐ/OSSI AHOLA
EM Í FINNLANDI
ÓSKAR ÓFEIGUR JÓNSSON
skrifar frá Tampere
ooj@frettabladid.is
FÓTBOLTI Ásta B. Gunnlaugsdóttir
var ein af þeim ellefu knatt-
spyrnukonum sem fyrst spil-
uðu fyrir Íslands hönd fyrir 28
árum. Ásta lék alls 26 landsleiki,
skoraði í þeim 8 mörk og var
lengi markahæsta landsliðskona
Íslands frá upphafi.
Ásta er mætt með góðum hópi
út til Finnlands til að styðja
kvennalandsliðið og allur hópur-
inn ber skemmtilegar skotthúf-
ur sem sjást hér á myndinni til
hliðar.
„Það kom aldrei annað til
greina en að koma út og styðja
liðið. Auðvitað hefði verið rosa-
lega gaman ef Greta hefði verið
hérna en það breytir ekki því að
ég hefði alltaf farið. Mér finnst
ég eiga svo mikinn hlut í þessu,“
segir Ásta en dóttir hennar, Greta
Mjöll Samúelsdóttir, var í lands-
liðinu en datt út þegar hún varð
fyrir því að slíta krossbönd.
Ásta þurfti meðal annars að
sætta sig við það að kvennalands-
liðið væri lagt niður í fimm ár en
hún var einnig í liðinu þegar það
var aftur sett í gang árið 1992.
„Ef þessar stelpur vissu hvernig
þetta var einu sinni,“ segir Ásta
og lýsir því hvernig stelpurnar
þurftu að berjast fyrir ýmsu sem
þykir sjálfsagt í dag.
„Þegar maður horfir á þessar
stelpur og lítur til baka og veit
að maður var einn af þessum
sem byrjuðu. Það var alltaf talað
um að við værum hallærislegar
í laginu og að við værum stráka-
stelpur. Við erum búin að stíga
öll þessi skref og þessar stelpur
tóku síðan við. Þær eru að standa
sig frábærlega og ég er rosalega
ánægð með þær,“ segir Ásta.
„Fyrir mér eru þetta „við stelp-
urnar“. Það eru ellefu sem eru
inni á vellinum og x margar á
bekknum en við hinar eigum
allar hlut í þessu. Ég lagði mitt af
mörkum og þetta eru stelpurnar
mínar,“ segir Ásta.
- óój
Ásta B. Gunnlaugsdóttir var í fyrsta kvennalandsliðinu 1981 og er mætt á EM í Finnlandi:
Stolt að vera ein af þessum sem byrjuðu
ÁSTA Í GÓÐUM HÓPI Hér eru samankomnar þrjár af þeim átta sem bera hinar
skemmtilegu íslensku heimagerðu skotthúfur á EM í Finnlandi. Frá vinstri: Sigríður
Sophusdóttir, Arnar Laufdal (sonur Sigríðar), Ásta B. Gunnlaugsdóttir og Greta
Bjarnadóttir (mamma Ástu). FRÉTTABLAÐIÐ/ÓSKAR.Ó
FÓTBOLTI Sara Björk Gunnarsdótt-
ir á góðar minningar úr síðasta
leik á móti Noregi því hún skoraði
tvö mörk í fyrsta sigri Íslands á
Noregi sem fram fór á Algarve í
mars. Leikurinn fór 3-1.
„Þetta voru tvö skallamörk sem
er ekki slæmt. Þetta var örugg-
lega einn af bestu landsleikjunum
mínum, ég skoraði tvö mörk og
stóð mig bara vel. Vonandi end-
urspeglar það næsta leik líka,“
segir Sara Björk. „Ég var ekki
ánægð með mig sjálfa í Frakka-
leiknum og við vorum allar mjög
óánægðar með ósigurinn. Við
erum hættar að hugsa um þann
leik og ætlum að einbeita okkur
að Noregsleiknum.“ - óój
Sara Björk Gunnarsdóttir:
Setti tvö í síð-
asta Noregsleik
SARA BJÖRK Í leiknum gegn Frökkum á
mánudaginn. NORDIC PHOTOS/AFP
FÓTBOLTI Finnar tryggðu sér í gær
efsta sætið í A-riðli með 2-1 sigri
á Hollendingum á Ólympíuleik-
vangnum í Helsinki. Laura Öster-
berg Kalmari skoraði bæði mörk
Finna í leiknum en sigurmarkið
kom í síðari hálfleik.
Þar með hafa Finnar tryggt sér
efsta sætið í A-riðli en þeir unnu
Dani, 1-0, í fyrsta leik sínum í
riðlinum. Fyrr í gær unnu Danir
sigur á Úkraínu, 2-1, og vegna
sigurs Finna er Úkraína úr leik.
Það ræðst á laugardaginn hvort
það verður Danmörk eða Holland
sem nær öðru sæti riðilsins en
það er ekki útilokað að bæði lið
fylgi Finnum áfram í fjórðungs-
úrslit keppninnar.
Það var Maiken Pape sem
skoraði sigurmark Dana gegn
Úkraínu í gær á 87. mínútu
leiksins eftir að Camilla Sand
Andersen kom þeim yfir snemma
í síðari hálfleik. - esá
Keppni í A-riðli á EM 2009:
Finnar tryggðu
sér efsta sætið
HEIMAMENN Á SIGURBRAUT Finnar
fagna öðru marka sinna í gær.
NORDIC PHOTOS/AFP