Stúdentablaðið - 01.12.1959, Qupperneq 61

STÚDENTABLAÐ
61
nokkrum löndum Vestur-Evrópu. Ennfremur reyndi
þjónustan að koma á ferðum stúdenta innanlands, en
við lélega áheyrn. Formaður ferðaþjónustunnar á s.l.
vetri var Grétar Br. Kristjánsson, en Olafur Egilsson
veitti henni forstöðu í sumar leið.
Hvítar bœkur
hafa verið sendar um 80 erlendum stúdentasamtök-
um um landhelgismálið. Ymislegt hefur auk þess veiið
gjört til að kynna málstað íslendinga í deilu þeirra við
Breta.
Stúdentaskipti og utanfarir
á vegum Stúdentaráðs. Stúdentaskipti voru engin á
árinu, en unnið að athugunum. Háir féleysi þeirri starf-
semi. Nefnd var skipuð, til að fjalla um samskipti
stúdenta við erlend stúdentasamtök og önnur alþjóða-
mál stúdenta. Skilaði hún fágætu og ágætu starfi,
enda skipuð: Bjarna Beinteinssyni, Magnúsi Þórðar-
syni, Arna Björnssyni, Jósef H. Þorgeirssyni og Kristjáni
Baldvinssyni.
Ólafur Egilsson, stud. jur. og Bolli Gústavsson, stud.
theol. sátu Alþjóðaþing stúdenta í Perú 15,-—25. febrúar.
Benedikt Blöndal, stud. jur. og Jón E. Jakobsson, stud.
jur. sátu Formannaráðstefnu í Uppsölum og Stokk-
hólmi s.l. haust. Arni Gunnarsson, sem var v.ið nám
í Svíþjóð, tók þátt í Vorhátíð í Uppsölum á vegum
þarlendra stúdenta. Bragi Kristjónsson, stud. jur. sótti
námskeið Um æðri menntun í Sovétríkjunum, haldið
í Moskvu 10.—16. september s.l.
Þórir Ólafsson, stud philol. og Hjörtur Jónasson,
stud. theol. tóku þátt í uppbyggingu skólahúss í Túnis
júlí—sept. og Valdimar Örnólfsson keppti á skíðamóti
stúdenta í Tékkóslóvakíu síðastliðinn vetur.
Athafnir
og framkvæmdir háskólans hafa verið umsvifamiklar.
Náttúrugripasafnið flutti í ný húsakynni að Lauga-
vegi 105. Endurbótum og viðbyggingu íþróttahússins
er senn lokið. Unnið að innréttingu nýs húsnæðis fyrir
efna- og eðlisfræðikennslu. Kvikmyndahús háskólans
er komið vel á veg. Betri skilyrði hafa skapazt fyrir
kennslu í tannlæknadeild.
30. júlí
s.l. voru 50 ár liðin frá staðfestingu laga um stofnun
Háskóla íslands. Minntist rector magnificus þess vel
í ræðu sinni á Háskólahátíð.
Hœkkun
var gjörð á framlagi háskólaráðs til félagsstarfsemi
stúdenta og nam fimm þúsundum. Kunna stúdentar
vel að meta greiða þann.
Gamli GarSur
átti aldarfjórðungsafmæli á þessu ári. Var þess veg-
lega minnzt með hátíðahaldi á Gamla Garði. Þangað
þustu ungir og aldnir garðbúar og varð in bezta
gleði. Lúðvíg Guðmundsson, skólastjóri, færði 10 þús.
króna gjöf, til að framkvæmdar yrðu nokkrar endur-
bætur á Görðunum. Var skipuð „nefnd“ í málið.
Merkur kennari
við háskólann, Hannes Guðmundsson, læknir, sem
kenndi húðsjúkdómafræði, lézt á árinu. Rektor lét svo
um mælt í setningarræðu sinni: „Hannes Guðmunds-
son gegndi kennarastarfi í sérgrein sinni í 14 ár af
mikilli pr-ýði og er hans hér minnzt með virðingu og
þakklæti."
Breytingar
hafa þessar orðið á kennaraliði: Prófessor Sigur
björn Einarsson var kjörinn biskup Islands og vígður
til þess s.l. sumar. Sr. Jóhann Hannesson hefur verið
skipaður í stað hans. Próf. Trausti Ólafsson, kennari
í efnafræði hefur fengið lausn frá kennslu þetta
kennsluár. í hans stað hefur Steingrímur Baldursson,
doktor frá Chicago háskóla verið ráðinn til efnafræði-
kennslu. Dr. Halldór Halldórsson, prófessor, hefur
fengið leyfi frá kennslu í heimspekideild þetta háskóla-
ár og kennir í hans stað Baldur Jónsson mag. art.
Sr. Harald Sigmar lét af störfum í guðfræðideild eftir