Fálkinn - 07.06.1961, Blaðsíða 24

^cllffÚH —
áh kamktiœta
MÖNNUM finnst, að ekkert sumar hafi verið, ef þeim hefur
ekki tekizt að verða sólbrúnir. Og rétt er það, að við lítum
hraustlegri út, ef við erum sólbrún, þ. e. a. s. ef það er í hófi.
Auk þess er sólarskinið hollt, myndar hið mikilvæga D-vita-
mín í húð okkar, en það eykur svo aftur mótstöðuafl okkar.
En dvöl í sólinni getur haft sínar skuggahliðar, ef við hög-
um okkur óskynsamlega. Það er ekkert vit í því að liggja
t. d. heilan dag í glampandi sól fyrsta dag sumarfrísins, í
von um að afla sér hins langþráða brúna lits á mettíma. Við
verðum smátt og smátt að verja hörundið við geisla sólar-
innar, aðeins þá verður árangurinn góður.
Sólbruni er óþægilegur og getur í versta tilfelli verið lífs-
hættulegur. Sé legið hreyfingarlaus tímum saman í sterku
sólskini, getum við fengið sólsting eða hitaslag, einkum sé
þess ekki gætt að hlífa höfðinu.
Sé sólbruninn aðeins á einstaka stað, skeður ekkert annað
en mann svíður dálítið, sem veldur að vísu dálitlum óþæg-
indum; en nái sólbruninn yfir allan líkamann, getur hann
talizt til fyrstu eða annars gráðu af brunasárum.
Skíni sólin lengi á höfuðið getum við fengið sólsting, sem
lýsir sér með svima, höfuðverk, sjóngöllum, manni getur orð-
ið erfitt um andardrátt og svo fylgir þessu oft hiti.
HIÐ RÉTTA SÓLBAÐ.
1. dagur: Það borgar sig að fara gætilega í sakirnar fyrsta
daginn, fara t. d. tvisvar í sólbað 10 mínútur í senn.
2. dagur: Tvisvar sinnum 20 mínútur, muna eftir að snúa
sér nógu oft.
3. —4. dagur: Tvisvar sinnum 30 mínútur.
5. dagur: 40 mínútur og nú getum við farið að leyfa okkur
að liggja tímum saman, að vísu ekki allan tímann léttklædd.
Eins er vert að minnast, að við þolum lengri tíma, ef við
erum á hreyfingu, einnig liggi maður við baðströnd og getur
kælt sig við og við í vatninu.
Þeir, sem eru Ijóshærðir eða rauðhærðir, hafa oft mjög
viðkvæma húð og brenna því oft illa. Þeim sem þannig er
farið skal bent á að fá áburð hjá lækni til að bera á sig, einn-
ig er vert að vita, að vel má verða sólbrúnn, þótt ekki sé
setið í sterku sólskini. Dragið ykkur heldur í skuggann en
eiga á hættu að brenna.
Það getur verið freistandi að blunda dálítið. En varizt það.
Þegar sofið er vinnur líkaminn aðeins að hálfu, og þolir því
alls ekki þá aukaáreynslu, sem sólargeislarnir og hitinn leggja
á hann. En eins og fyrr segir, þá þolum við sólina betur ef
við erum á hreyfingu.
Verja verður augun fyrir hinu sterka sólskini, en því mið-
ur koma hvítir baugar, þar sem sólgleraugun skyggja á. Við
verðum því að taka gleraugun ofan við og við. Gott er að
liggja með augun aftur og hlífir það þá augunum mikið að
leggja græn lauf á augnalokin.
r}
■

.