Fálkinn - 30.08.1961, Blaðsíða 34

Meiri
fjölbreytni!
ÁSTARSÖGUR,
ÆVINTÝRASÖGUR
og fleira skemmtilegt
lesefni
ALLT MJÖG ÓDÝRT!
Nokkur eintök eru enn óseld af hin-
um geysivinsælu sögum Laugardags-
ritsins og Vikuritsins og fást nú fyrir
heiming verðs og minna gegn póst-
lcröfu. Höfum fengið meira af nýj-
um, ódýrum bókum. Sögur þær, sem
nú fást eru:
□ Heitt blóð .... nú aðeins kr. 16
□ Vilji1 örlaganna — — — 20
□ Ógift eiginkona — — — 18
□ Ólgublóð......— — — 16
□ Barátta læknisins— — — 18
□ Babs hin ósigrandi..... kr. 12
□ Morðið í skóginum ..... — 12
□ Leyndard. rauða hússins — 15
□ Ég sleppi þér aldrei .... — 15
□ Dægradvöl (kpl. 14 tbl.) — 30
□ Skemmtisögur (kpl. 9 tbl.) — 25
□ FönÍK-Cocktail (2 bl.) . . — 10
□ Sjóræningjakonan Fu (i
bandi) ................. — 50
Vinsamlegast sendið mér undirrituð-
um í póstkröfu bækur þær, sem ég
lief merkt við hér að ofan.
NAFN
HEIMILISFANG
BÓKAMIÐSTÖÐIN
HOLTSGÖTU 31, REYKJAVÍK.
^œmtmihyur
ÞESSA dagana er ekki talað um annað en
Berlín og Þýzkalandsmálin. Eins og kunnugt
er hefur flóttamannastraumurinn sjaldan ver-
ið meiri en í ár og er hann yfirvöldunum í
báðum löndunum til lítillar gleði. En þeir
austurþýzku embættismenn í Gatow voru
mjög glaðir yfir að geta tilkynnt, að í einn
mánuð hefði enginn maður flúið frá Gatow.
En gleðin dvínaði nokkuð, þegar fulltrúi sá,
sem samið hafði tilkynninguna, flúði yfir
landamærin daginn, eftir að hún var gefin.
★
ER George Washington keypti í júlí og ágúst
1790 ís fyrir 200 dali kom hann hefð nokk-
urri á, sem höfuðborg Bandaríkjanna hefur
haldið síðan. Höfuðborgin getur gortað af
mestri ísneyzlu af öllum borgum og ríkjum
Bandaríkjanna, 29 1 á mann yfir árið á móti
15 1 hjá þeim er næst koma.
En menn hafa líka um 200 tegundir að velja
og stöðugt bætast nýjar tegundir við, t. d.
með kaviar- og kartöflubragði.
Hins vegar hafa ísframleiðendur haldið há-
tíðlega þessa árstíð með því að rannsaka sögu-
legan uppruna hinna ýmsu tegunda. Hér er
eitt dæmi um það: Flestir þekkja hinn fræga
Sundae-ís, en nafnið er komið af því að slung-
inn ísframleiðandi hafði framleitt þennan ís
og kallað hann þetta eins og til huggunar fyrir
íbúana í hverfi nokkru þar í borg, vegna þess
að drykkjukrárnar voru lokaðar á sunnudög-
um, en nafnið er einmitt stytting úr heiti
þess dags.
★
Ung stúlka, sem starfaði hjá Sameinuðu
þjóðunum í New York, ákvað að bregða sér
í sumarleyfi heim til Svíþjóðar. Áður en hún
lagði af stað, gekk hún á fund Dag Ham-
marskjolds og sagði:
— Þér verðið að afsaka, að ég skuli trufla.
En ég hef aldrei séð yður fyrr og mér þykir
sennilegt, að þegar ég kem heim til Svíþjóð-
ar, þá verði ég spurð að því, hvort ég þekki
yður.
— Það gleður mig að sjá yður, svaraði
hinn elskulegi aðalritari. — Ég fer sjálfur
til Svíþjóðar innan skamms, og það er eng-
inn vafi á því, að ég verð spurður, hvort
ég þekki yður!
★
Svo er það sagan um Björninn. Kona nokk-
ur ætlaði með björn í bíó og var kominn
með hann alveg að dyrunum, en þá stanzaði
dyravörðurinn hana og sagði, að það næði
ekki nokkri átt að fara með villidýr í kvik-
myndahús.
„O, gætuð þér ekki gert undanþágu í þetta
sinn, því að björninn minn var svo hrif.inn
af sögunni, sem myndin er byggð á“.
★
ÁSTIN getur jafnvel lifað hjónaskilnað af.
Ekki alls fyrir löngu dó bandaríska leikkonan
Joan Levis. Og hvern haldið þið að hún hafi
arfleitt að 35 milljónum króna? Engan annan
en fyrrverandi eiginmann sinn, Si Wills, en
þau skildu fyrir 13 árum.
Lausn á 31. verðlaunakross-
gátu FÁLKANS
Eins og venjulega bárust margar rétt-
ar lausnir á 31. krossgátu Fálkans. —
Dregið var úr réttum lausnum og hlaut
verðlaunin Jóhanna J óhannsdóttir,
Tunguvegi 48, Reykjavík. Er hún og
aðrir, sem vinna þessi verðlaun beðnir
um að sækja þau í afgreiðsluna. Enn
fremur eru lesendur vinsamlega beðnir
um að skrifa nöfn sín á spássíu kross-
gátulausnar, sem þeir senda. Rétt ráðn-
ing krossgátunnar birtist hér að ofan.
KUNNINGJAR tveir sátu inni á kaffi-
húsi og töluðu saman. Segir þá annar:
„Það er ekki hægt að vera bæði blíð-
máll og hreinskilinn í senn.“
Hinn svaraði:
„Jú, það er hægt. Það get ég.“
„Satt er það, því að þú ert blíðmáll
á brjóst, en hreinskilinn á bak.
★
TVÆR kunningjakonur sátu við næsta
borð og spjölluðu mikið saman eins og
kvenna er háttur.
Segir þá önnur:
„Það er meira slúðrið í þessum bæ,
nýlega var sagt um mig, að ég ætti sex
börn í lausaleik.“
Hin svarar: „Já, það er ekki trúandi
nema helmingnum af því, sem sagt er.“
★
Oft um marga ögurstund
á andann fellur héla.
Hitt er ,,rart“. hve hýrnar lund,
þá heyrist gutla á pela.
Árni Pálsson.