Fréttablaðið - 30.10.2009, Blaðsíða 10

10 30. október 2009 FÖSTUDAGUR
Meira í leiðinniWWW.N1.ISSími 440 1000
AF ÖLLUM VINNU-
FATNAÐI Á ÚTSÖLU-
MARKAÐI N1 Í DAG!
Stórverslun N1, Bíldshöfða 9
Kuldagallar, vinnugallar, flísvesti, flíspeysur,
vinnubuxur, smíðavesti, öryggisskór o.fl. o.fl. o.fl.
Ath – afsláttur gildir aðeins í dag, meðan birgðir endast.
Opið 8:00–18:00.
AÐEINS
Í DAG
BÍLDSHÖFÐA 9
SJÁVARÚTVEGSMÁL Adolf Guðmunds-
son, formaður LÍÚ, sagði við upp-
haf aðalfundar sambandsins í
gær að strandveiðar sumarsins
séu dæmi um misnotkun valds.
„Strandveiðarnar eru komnar til
að vera. Þær verða áfram í viðlíka
umfangi og var í sumar,“ segir
hins vegar Jón Bjarnason sjávar-
útvegsráðherra.
„Við höfum í áraraðir barist
gegn óþolandi mismunun, þar
sem ákveðnum hópum er hyglað
á kostnað annarra í formi byggða-
kvóta, línuívilnunar og tilfærslu
aflaheimilda til smábáta, nú síð-
ast með strandveiðum,“ sagði
Adolf í setningarræðu sinni.
Bætti hann við að fjögur þúsund
tonn af þorski hefði verið uppsett
verð í „pólitískum atkvæðaveið-
um“. Á sama tíma hafi aflaheim-
ildir atvinnuútgerða og sjómanna
verið skertar um 62 þúsund tonn
af botnfiski.
Sjávarútvegsráðherra kom í
pontu á eftir Adolfi en minntist
ekki á strandveiðikerfið í sinni
ræðu. Aðspurður vildi hann ekk-
ert tjá sig um gagnrýni formanns-
ins. Hans framtíðarsýn á strand-
veiðikerfið er sú að það sé opnun
inn í fiskveiðistjórnunarkerf-
ið sem sé komið til að vera. Nú
er beðið skýrslu frá strandsetri
Háskóla Íslands á Ísafirði og síðan
muni ráðuneytið gera tillögu um
breytingar á stjórn fiskveiða um
áframhald veiðanna á næsta ári.
Það má segja að Adolf hafi
höggvið til beggja handa í ræðu
sinni. Árna Pál Árnason, félags-
og tryggingamálaráðherra, gagn-
rýndi hann afar hart fyrir ræðu
hans á ársfundi ASÍ nýlega. „Yfir-
lýsingar hans hafa ekki aðeins
afhjúpað þekkingarleysi hans
heldur hafa þær undirstrikað
hroka og fyrirlitningu í garð þess
fólks sem starfar við grundvallar-
atvinnuvegi landsins.“
Að vonum gagnrýndi Adolf hug-
myndir um upptöku aflaheimilda
og sakaði stjórnvöld um að skapa
óróa innan sjávarútvegsins með
því að kasta fram óútfærðum hug-
myndum. Hann sagði óvissuna
samfara þeim þegar hafa valdið
tjóni.
Aðildarumsókn Íslands að
Evrópusambandinu var einnig á
meðal umfjöllunarefnis í ræðu
formannsins. Hann sagðist vera
þess fullviss að þjóðin myndi
aldrei samþykkja aðildarsamning
sem fæli í sér afsal á yfirráðum
yfir fiskveiðiauðlindinni.
svavar@frettabladid.is
Strandveiðar
dæmi um mis-
notkun valds
Formaður LÍÚ hjó til beggja handa í setningarræðu
aðalfundar í gær. Hann segir orð félagsmálaráðherra
um sjávarútveg sýna þekkingarleysi og hroka. Strand-
veiðar eru hreinar atkvæðaveiðar, að hans mati.
MÁLIN RÆDD Jón Bjarnason sjávarútvegsráðherra og Adolf Guðmundsson, formaður
LÍÚ, sjá strandveiðar ekki í sama ljósi. Hjá þeim stendur Friðrik J. Arngrímsson, fram-
kvæmdastjóri LÍÚ. FRÉTTABLAÐIÐ/GVA
DÓMSMÁL Átta manna þjófagengi
hefur verið ákært fyrir fjölmörg
innbrot, þjófnaði, fjársvik og
fíkniefnabrot. Um er að ræða hóp
Pólverja sem létu greipar sópa á
höfuðborgarsvæðinu í sumar og
haust.
Fólkið sóttist einkum eftir skart-
gripum og dýrum tækjabúnaði, svo
sem tölvum, myndavélum og flat-
skjáum. Það er ákært fyrir að hafa
stolið eða haft í fórum sínum muni
fyrir rúmlega tuttugu og sex millj-
ónir, en sumt af því sem það stal
var ekki verðmetið í ákærum á
hendur því.
Þjófagengið stal í verslunum allt
frá svínapurusteik til heils skart-
gripakassa sem einn úr hópnum
hrifsaði úr höndum afgreiðslu-
manns í skartgripaverslun og hljóp
með á brott. Í kassanum voru sex
gullarmbönd og jafnmargar gull-
hálsfestar.
Þá braust fólkið inn á fjölmörg
heimili og stal munum fyrir háar
fjárhæðir. Mest virðist það hafa
haft muni að verðmæti fjórar millj-
ónir króna upp úr krafsinu í einu
innbroti í heimahús. Einnig er það
ákært fyrir allmörg innbrot í bíla
og þjófnaði úr þeim.
Tveir úr hópnum eru ákærðir
fyrir ítrekuð fjársvik, Þeir keyptu
með debetkorti á nafni S.J. Schu-
bert, útgefnu í Ástralíu. - jss
Átta manna gengi ákært fyrir milljónaþjófnaði:
Stálu fyrir á þriðja tug milljóna
ÞÝFIÐ Hluti af þýfinu sem lögregla
fann hjá fólkinu sem nú er ákært fyrir
Héraðsdómi Reykjaness.
REYKJAVÍK Þeim börnum hefur
fjölgað í Reykjavík sem njóta
sérstakrar fjárhagsaðstoðar, en
379 hafa notið hennar á þessu
ári. Aðstoðin stendur tekjulágum
foreldrum til boða og er ætluð til
að greiða fyrir þátttöku þeirra í
félags- og tómstundastarfi.
Rétt til aðstoðarinnar hafa for-
eldrar sem hafa lægri mánaðar-
tekjur en sem nemur 115.567 á
einstakling, eða 184.907 krónur
á hjón eða sambúðarfólk. Við-
miðunarupphæð aðstoðarinn-
ar er 11.635 krónur á mánuði. Í
bókun velferðarráðs eru foreldr-
ar hvattir til að nýta sér aðstoð-
ina. „Öll börn eiga rétt á að njóta
frístunda, leikja við jafnaldra og
hollra skólamáltíða. Það er gleði-
efni að hægt sé að veita slíka
aðstoð og nauðsynlegt að kynna
hana vel.“ - kóp
Sérstök fjárhagsaðstoð:
Fleiri börn
njóta aðstoðar
VIÐURKENNING Grími Sæmund-
sen, lækni og forstjóra Bláa lóns-
ins, var í gær veitt viðurkenning
SPOEX, samtaka psoriasis- og
exemsjúkl inga,
á alheimsdegi
psoriasis. Segja
samtökin fram-
lag Gríms til
psoriasis-með-
ferðar ómet-
anlegt en Bláa
lónið hefur
unnið markvisst
að málefnum
psoriasis-sjúkl inga og er meðferð
þess sögð einstök á heimsvísu.
Tilgangur alheimsdagsins var
að fræða fólk um sjúkdóminn og
vinna með þeim hætti gegn for-
dómum. Psoriasis er ekki smitandi
en 125 milljónir manna þjást af
honum. - bþs
Alheimsdagur psoriasis:
Framlag Gríms
sagt ómetanlegt
GRÍMUR
SÆMUNDSEN
DÓMSMÁL Nítján ára piltur hefur
verið dæmdur í tíu mánaða fang-
elsi, þar af sjö mánuði á skilorði,
fyrir að stela sex gaskútum, sjö
flöskum af Smirnoff vodka og
einni af Gordons gini, auk fleiri
þjófnaðarbrota.
Gaskútunum stal pilturinn frá
fyrirtækjum eða útigrillum í
nágrenni við heimili sitt á Akur-
eyri. Auk þeirra og áfengisins
stal pilturinn einnig afgreiðslu-
kassa verslunar, tveimur leikja-
tölvum, peningum, greiðslukort-
um og fleiru sem hönd á festi.
Hann á langan brotaferil að
baki.
- jss
Nítján ára piltur:
Stal gaskútum,
gini og vodka
STJÓRNSÝSLA Umboðsmaður
Alþingis hefur vakið athygli
Alþingis, forsætisráðherra og
dómsmála- og mannréttindaráð-
herra á því að ekki hefur verið
farið að lögum í útgáfu laga-
safns í prentuðu formi hér á
landi.
Í lögum frá 1929 kveður á um
sérstaka laganefnd sem sjái um
útgáfuna. Þessi nefnd virðist
aldrei hafa verið skipuð heldur
hefur verið stuðst við reglugerð
dómsmálaráðuneytis um fram-
kvæmdina á útgáfu lagasafns-
ins. Það er ekki í samræmi við
lögin að mati umboðsmanns
Alþingis og beinir hann þeim
tilmælum til yfirvalda.
Því er framkvæmd á útgáfu
lagasafnsins ólögleg.
Umboðsmaður Alþingis:
Útgáfa laga-
safns úrskurð-
uð ólögleg
FJÖLDABRÚÐKAUP Þessi hjón voru
ein af mörgum brúðhjónum sem tóku
þátt í fjöldabrúðkaupi á Suður-Ind-
landi. Í tilefni af því þurftu þau að
maka lituðum gulum hrísgrjónum í
hár hvors annars, en það er hluti af
brúðkaupsathöfninni. NORDICPHOTOS/AFP