Fréttablaðið - 30.10.2009, Síða 38

6 •
Sveinbjörn Thoraren-
sen, best þekktur sem
Hermigervill, segist vera
analog-græju-fetish-frík.
Það þýðir í stuttu máli að
áhugi hans á hliðrænum
græjum er nánast af-
brigðilegur.
Þú ert analog-græju-fetish-frík, not-
astu eingöngu við hliðrænan búnað
eða notarðu stafrænt sem líkir eftir
hinu hliðræna?
„Ég er gjörsamlega veikur fyrir ana-
log synthum frá sirka 1975-1985. Þessi
ár voru án efa gullöld hljóðgervlanna.
Ég nota nær eingöngu analog í stúd-
íóinu. Hins vegar er mér illa við að
taka þessar viðkvæmu og sjaldgæfu
græjur á tónleikaferðalög, þannig að
ég er með sértónleika-uppstillingu
sem samanstendur mest af ódýrum
stafrænum synthum sem auðvelt er
að ferðast með og skipta út ef þeir
brotna eða bila. Auk synthanna er
ég með slatta af öðru analog-dóti,
til dæmis teipvélar, rafmagnspíanó,
trommuheila og effekta. Munurinn á
hljóðtöf (e. delay/echo) sem byggist
á tölvukubbi annars vegar og segul-
bandi hins vegar er stjarnfræðilegur.
Auðvitað hefur hvor tæknin sitt
notagildi, og það væri vitleysa að
einskorða sig við annað hvort.
Hvað er sérstakt við analog?
„Analog er eins og Mick Jagger
– alvöru ósvikinn karakter, rokkað,
hrátt, óhlýðið, kynþokkafullt. Þannig
á tónlist líka að vera.“
Ertu með einhverjar sérstakar
vinnuaðferðir þegar þú tekur upp
plötu, gerirðu allt í sérstakri röð eða
flæðir þetta hjá þér á tilviljanakennd-
an hátt?
„Ég veit nákvæmlega hvað það er
sem ég vil alveg frá upphafi. Það
mætti segja að ég heyri plötuna í
heild sinni í hausnum á mér áður en ég
byrja að taka upp. Þá er það bara að
útsetja og taka upp part fyrir part, rás
fyrir rás. Algjör þrælavinna í rauninni.
Þetta er eins og risavaxið púsluspil
sem maður vinnur að jafnt og þétt.
Maður byrjar yfirleitt á köntunum og
vinnur sig inn þangað til maður er
farinn að sjá heildarmyndina.“
Hvað ertu búinn að eyða miklum
peningum í græjur?
„Ég gæti næstum borgað upp Icesa-
ve fyrir andvirðið. Á móti kemur að
ég hef lítið borðað síðustu árin.“
Hvar finnurðu græjur?
„Hér í Belgíu og Hollandi er auðvelt
að finna hluti í gegnum Netið. Ég hef
ferðast til alls konar krummaskuða
til að sækja græjur og hef í leiðinni
kynnst mörgum furðufuglum sem
eru á svipaðri bylgjulengd.“
Ertu svo mikið græjufrík að áhug-
inn er orðinn kynferðislegur?
„Nei, en svokallaðir „objectosexuals“
eru til í alvörunni og þeir eiga við
alvarlegt vandamál að stríða. Til
dæmis er vitað um konu sem varð
ástfangin af parísarhjóli og stundaði
við það kynmök í skjóli nætur. Ef ég
væri þannig hneigður, þá myndi ég
án efa leggjast í rekkju með Rhodes-
rafmagnspíanóinu mínu.“
atlifannar@frettabladid.is
POPPGÚRÚINN: HERMIGERVILL ER ANALOG-GRÆJU-FETISH-FRÍK
DÓTAKASSINN
Roland Jupiter-6, Korg MS-20, SCI Pro-One, Moog Prod-
igy, Fender Rhodes, Roland Juno-60, Korg Polysix, Roland
SH-101, Teisco SX-400, Yamaha CS10, Moog Theremin.
GÆTI BORGAÐ ICESAVE
MEÐ GRÆJUNUM
NÝJA GRÆJAN:
„Ég er í bindindi þessa
dagana. Nýjasta græjan
er því lítil míní-blokk-
flauta sem ég fékk gefins
nýlega. Ég nota hana
aðallega til þess eins að
vera óbærilega pirrandi.“
VERK HERMIGERVILS:
– Þrjár Hermigervilsplöt-
ur: Lausnin, Sleepwork og
Hermigervill leikur vinsæl
íslenzk lög.
– Ógrynni remixa, meðal
annars fyrir GusGus,
Quarashi, Sometime,
Worm is Green, Reykja-
vík! og fleiri. Var að klára
skemmtilegt remix fyrir
FM Belfast í síðustu viku.
VERKEFNIÐ:
„Ég er að leggja loka-
hönd á sólóplötuna hans
Davíðs Berndsen sem
heitir Lover in the Dark.
Platan varð til vegna
ástar okkar beggja á 80‘s
synthapoppi. Þess má til
gamans geta að mæður
okkar heita báðar Eydís
eins og „eighties“. Ég
held að það sé merki.
Það mætti segja að þessi
plata sé Hermigervils-
plata í dulargervi. Svo er
ég með tvær aðrar plötur
á leiðinni en þær eru enn
leyndó.“
FJÖLSKYLDUMYND
Hermigervill ásamt
börnunum sínum.