Fréttablaðið - 30.10.2009, Qupperneq 72

44 30. október 2009 FÖSTUDAGUR
sport@frettabladid.is
> Viktor Unnar áfram hjá Val
Framherjinn Viktor Unnar Illugason verður að öllum
líkindum áfram í herbúðum Vals. Viktor skrifaði í fyrra
undir tveggja ára samning við Val sem stendur enn.
Viktor sagði við Fréttablaðið í gær að hann hefði rætt við
Gunnlaug Jónsson, þjálfara Vals, sem hefur lýst yfir áhuga
á að halda Viktori. Hann hefur verið
orðaður við sitt uppeldisfélag, Breiða-
blik, og Viktor sagði að sér þætti það
nú ekkert leiðinlegt að spila aftur fyrir
félagið.
FÓTBOLTI Skagamaðurinn Teitur
Þórðarson stýrði kanadíska liðinu
Vancouver Whitecaps til úrslita-
einvígis norður-amerísku USL-
1 deildarinnar annað árið í röð á
dögunum. Whitecaps vann meist-
aratitilinn á fyrsta ári Teits með
liðið en varð nú að sætta sig við tap
gegn Montreal Impact í tveggja
leikja úrslitarimmu sem var spil-
uð heima og að heiman, 2-3 og 3-1,
og því samanlagt 6-3. Fréttablað-
ið ræddi við Teit um nýafstaðið
tímabil og spennandi tíma sem eru
fram undan hjá Whitecaps.
„Menn eru svona smátt og smátt
að jafna sig á því að hafa tapað
þessum úrslitaleikjum en það situr
óneitanlega í mönnum að við feng-
um rautt spjald í báðum leikjun-
um fyrir litlar sakir og spiluðum
því manni færri í samanlagt níu-
tíu mínútur í leikjunum tveimur.
Ef dómarnir hefðu verið réttlátir
hefði ekkert verið hægt að segja
við því en þetta var eins óréttlátt
og hugsast getur,“ segir Teitur,
sem er að öðru leyti mjög ánægður
með tímabilið. Whitecaps átti erf-
itt uppdráttar framan af tímabili
og endaði í sjöunda sæti í deildar-
keppninni en átta efstu lið deild-
arinnar komast í úrslitakeppni ár
hvert. Á leið sinni í úrslitaleikina
þurfti Whitecaps því að komast í
gegnum tveggja leikja rimmur
við tvö efstu liðin í deildarkeppn-
inni, Portland Timbers og Caro-
lina RailHawks, sem það og gerði
án þess að tapa leik.
„Við lentum í smá vandræðum
vegna meiðsla framan af tímabili
auk þess sem miklar breytingar
voru gerðar á leikmannahópnum
fyrir tímabilið þar sem við vorum
að yngja upp. Hlutirnir fóru að
smella saman hjá okkur þegar
úrslitakeppnin færðist nær og hún
er auðvitað það sem skiptir mestu
máli. Það tekur á að spila leiki í
úrslitakeppni en þetta er líka mjög
skemmtilegt og það var yfirleitt
vel mætt á þessa leiki. Við vorum
að spila fyrir framan fimmtán
þúsund manns í leikjunum á móti
Timbers og Impact þannig að þetta
var mjög góð reynsla fyrir okkar
unga lið,“ segir Teitur.
„Það hefur verið hugsunin að
byggja upp lið sem er tilbúið að
taka stökkið árið 2011 upp í MLS-
deildina, sem Whitecaps hefur
fengið inngöngu í, og ég hef fengið
að móta þann leikmannahóp dálítið
eftir mínu höfði. Við eigum ennþá
eitt tímabil eftir í USL-1 deildinni
og við þurfum að nota það vel til
þess að gera allt klárt innan vallar
sem utan hjá félaginu. Þá er til að
mynda gert ráð fyrir því að nýr
leikvangur sem tekur 65 þúsund
manns í sæti verði að fullu klár
sem heimavöllur Whitecaps,“ segir
Teitur.
Tveggja ára samningur Teits við
Whitecaps sem var undirritaður í
desember árið 2007 er að renna
út á næstunni en áhugi er fyrir
hendi hjá báðum aðilum að halda
samstarfinu áfram og því raunar
aðeins formsatriði að gengið verði
frá málum á næstu dögum.
„Forráðamenn Whitecaps hafa
boðið mér að vera áfram með liðið
og þó svo að við eigum eftir að
hittast og ræða betur saman tel ég
mjög líklegt að ég taki þessu boði.
Samningurinn yrði út næsta tíma-
bil því MLS-deildin er allt annað
dæmi; deildin sjálf á samninga
leikmanna og þjálfara félaga deild-
arinnar og það yrði því bara skoð-
að þegar þar að kemur. Ég er alla
vega ánægður í Vancouver og eins
og ég segi mun ég að öllu óbreyttu
vera þar áfram,“ segir Teitur að
lokum. omar@frettabladid.is
Nýr samningur á borðinu
Teiti Þórðarsyni stendur til boða að skrifa undir nýjan samning við Vancouver
Whitecaps eftir tvö farsæl ár við stjórnvölinn. Teitur er ánægður í Vancouver.
TEITUR Hefur náð frábærum árangri með Vancouver Whitecaps og skilað liðinu í
úrslitarimmu USL-1 deildarinnar bæði tímabilin sem hann hefur stýrt liðinu. White-
caps varð meistari í fyrra en varð að sætta sig við silfrið í ár. MYND/VANCOUVER WHITECAPS
Holtagörðum • Opið virka daga frá kl. 10-18:30
Laugardaga frá kl. 10-17 og sunnudaga frá kl. 13-17
Sími 512 6800 • www.dorma.is
komnar aftur!
SÆNGURNAR
Dúnsæng 140x200
Aðeins kr. 14.900,-
Tvíbreið kr. 17.900,-
Dú
nk
od
di
50
x7
0
Að
ein
s k
r. 3
.90
0,-
Fyrsta sending
kláraðist
á nokkrum
dögum!
Auðun Helgason kom mörgum knattspyrnuáhugamönnum í
opna skjöldu í gær er hann skrifaði undir tveggja ára samning
við Grindavík. Hann hefur undanfarin tvö ár verið á mála hjá
Fram og hafði lýst því yfir að hann hefði áhuga á að vera
áfram hjá félaginu. Auðun viðurkenndi að Fram hefði verið
sinn fyrsti kostur en að viðræður um nýjan samning hefðu
siglt í strand.
„Við ræddum saman síðast í morgun og við skiljum sáttir,“
sagði Auðun við Fréttablaðið. „En úr því að við náðum ekki
saman fannst mér það spennandi að skoða hvað Grindvíking-
ar hefðu upp á að bjóða. Ég ræddi lengi við Luka [Kostic,
þjálfara Grindavíkur] og hann lagði gríðarlega mikla
áherslu á að fá mig, sem og stjórn félagsins. Þá
þurfti ekki mikið til að freista mín.“
Hann sagði að viðræður hefðu gengið fljótt
og vel. „Við höfum rætt saman í nokkra daga
en þetta fór allt á fullt í gær. Ég tel að ég hafi
ekki verið með ósanngjarnar kröfur og við
náðum vel saman.“
Auðun segir að það hafi einnig komið mörgum á óvart þegar
hann gekk í raðir Fram á sínum tíma og margt sé svipað með
Frömurum þá og liði Grindavíkur nú.
„Hér er mikið af ungum strákum en það hefur verið þörf
fyrir að bæta varnarleikinn. Ég vona innilega að það takist
jafn vel til nú og það hefur gert í Safamýrinni undanfarin
tvö ár.“
Grindavík varð í níunda sæti Pepsi-deildar karla í haust og
segir Auðun ljóst að stefnan sé tekin mun hærra á næsta ári.
„Stefnan er að komast í Evrópukeppnina. Hér ætla menn að
klífa upp stöðutöfluna ansi hratt á næstu árum, það er
greinilegt á því sem bæði þjálfari og stjórnin hafa
sagt mér.“
Hann á von á því að Grindavík muni styrkja
sig enn frekar á næstu dögum. „Ég tel að með
1-2 leikmönnum til viðbótar verði Grindavík
komin með mjög samkeppnishæft lið. Það
er stefnan og vona ég að það takist á allra
næstu dögum.“
AUÐUN HELGASON: SAMDI VIÐ GRINDAVÍK TIL NÆSTU TVEGGJA ÁRA
Tilbúinn í nýtt ævintýri með nýju félagi