Tímarit iðnaðarmanna - 01.09.1964, Blaðsíða 22

húsasmiða. Ennfremur var kosin 5 manna nefnd, til
þess að undirbúa lög fyrir félagið og efna til stofnfund-
ar. f þessa nefnd voru kosnir þeir Guðmundur Hall-
dórsson, Anton Sigurðsson, Ingólfur Finnbogason,
Indriði Níelsson og Gissur Sigurðsson. Þessi nefnd
boðaði svo til stofnfundar hinn 4. júní 1954. Á þeim
fundi voru mættir 57 húsasmíðameistarar, sem allir
skrifuðu sig inn sem stofnfélagar og nokkrir fleiri höfðu
tilkynnt nefndinni, að þeir óskuðu eftir að gerast stofn-
endur, þó að þeir hefðu ekki aðstöðu til að mæta á
fundinum. Á þessum fundi skilaði undirbúningsnefnd
störfum og lagði fram frumvarp að lögum fyrir félag-
ið. Var frumvarpið rætt og samþykkt án breytinga og
lýst yfir stofnun félagsins. Einnig var gengið frá ýmsum
málum í sambandi við stofnun þess. Þá var og á þess-
um fundi kosin fyrsta stjórn félagsins, en hana skipuðu
þessir menn: Guðmundur Halldórsson formaður, Tóm-
ar Vigfússon, varaformaður, Ingólfur Finnbogason rit-
ari, Anton Sigurðsson gjaldkeri og Gissur Sigurðsson
vararitari.
Fyrstu verkefnin hjá hinu nýstofnaða félagi voru að
sjálfsögðu að leita samninga við Trésmiðafélag
Reykjavíkur, bæði málefnalega og um kaup og kjör til
handa meðlimum þess. En eins og kunnugt er voru
eftir stofnun þessa félags, eftir í Trésmiðafélaginu sá
hluti húsasmiða, sem ekki starfa sem byggingameistar-
ar, heldur sem sveinar í iðninni.
Eðlilega tók það nokkurn tíma að ganga frá samn-
ingum á milli félaganna. En í apríl 1955, 10 mánuðum
eftir stofnun félags okkar, voru gerðir fyrstu samning-
ar á milli félaganna, bæði málefnasamningur, sem
kvað á um ýmis samskipti og verkaskiptingu milli með-
lima Meistarafélags húsasmiða og Trésmiðafélags
Reykjavíkur, svo og kaup- og kjarasamningur. Með
þessum samningum má segja, að hin eðlilega og sjálf-
sagða þróun hafi sigrað, þar sem sveinar og meistarar
í iðninni viðurkenndu hvorn annan sem réttan samn-
ingsaðila. En Meistarafélag húsasmiða hefur ásamt
Vinnuveitendasambandi íslands, en í því sambandi
hefur félagið verið frá stofnun, staðið fyrir og gert alla
kjarasamninga við Trésmiðafélag Reykjavíkur síðan.
En Meistarafél. húsasmiða hefur ekki eingöngu beitt
sér fyrir kaup- og kjarasamningum. Það hefur staðið
að fjölda annarra mála, er hafa miðað að sameiningu
og menningu iðnaðarmanna. Skal hér minnzt á nokkur
dæmi þess.
Strax á fyrsta ári gekk félagið í Landssamband iðn-
aðarmanna, en þau samtök eru, eins og kunnugt er,
útvörður iðnstéttanna í landinu og sá aðili, er iðnaðar-
menn telja sinn opinbera málssvara, bæði hvað snertir
réttindamál iðnaðarmanna, skatta- og tollamál og þá
ekki hvað sízt fræðslu í málum þeirra. Því eins og
iðnaðarmenn þekkja, hafa þessi mál verið efst á baugi
á hverju iðnþingi.
Það var líka strax á fyrsta ári, er þetta félag starfaði,
sem farið var að ræða það á fundum þess, hversu mikil
nauðsyn væri fyrir meistarafélögin í byggingaiðnaðin-
um, að hafa nánara samstarf sín á milli og samræma
betur sín stéttarlegu mál, en þó sérstaklega að því er
snertir afstöðu þeirra til verkkaupa og vinnuþiggjenda.
Stjórn Meistarafélags húsasmiða
í Reykjavík. Fremri röð f. v.:
Gissur Símonarson, varaform.,
Gissur Sigurðsson, formaður og
Daníel Einarsson, gjaldkeri.
Aftari röð f. v.: Kristinn Sigur-
jónsson, ritari og Karl Jakobsson
vararitari.
IOÖ
TlMARIT IÐNAÐARMANNA