Tímarit iðnaðarmanna - 01.09.1964, Qupperneq 33
árin 1959-1962 mjög lítið breytt frá árinu 1948. Gildir
það jafnt, hvort sem litið er til atvinnutekna fyrir
skattlagningu eða til ráðstöfunartekna að frádregn-
um beinum sköttum og að viðbættum fjölskyldubót-
um. Hins vegar voru þessar afstöður launþegum
nokkuð óhagstæðari áratuginn i950-’6o en þær voru
bæði við upphaf og í lok tímabilsins. Var afstaða
atvinnuteknanna fyrir skattlagningu þá flest árin
milli 95 og 98 miðað við 100 árið 1948. Afstaða ráð-
stöfunarteknanna var oftast milli 92 og 94. I höfuð-
dráttum hefur hlutskipti launþega fylgt þróun þjóð-
artekna, en sérstaklega hagstæð afstaða tekna þeirra
við upphaf og lok tímabilsins stendur m. a. í sam-
bandi við háar niðurgreiðslur og fjölskyldubætur.
2) Þýðingarmiklar breytingar hafa orðið á innbyrðis af-
stöðu atvinnuteknanna. Við upphaf tímabilsins voru
tekjurnar mjög ójafnar eftir landshlutum, nærri 30%
lægri í kauptúnum en í Reykjavík og um 15% lægri í
kaupstöðum. Atvinnutekjur þessara staða þróuðust
síðan jafnt og þétt til jafnaðar við atvinnutekjur
í Reykjavík. Fullum jöfnuði var náð árið 1957, og
hafa meðalatvinnutekjur t kaupstöðum og kauptún-
um síðan verið hærri en í Reykjavík.
3) Hlutföll atvinnutekna milli starfsstéttanna, verka-
manna, sjómanna og iðnaðarmanna, breyttust lítið
fram til 1958. Tekjur sjómanna voru oftast um 12-
16% hærri og tekjur iðnaðarmanna oftast um 10-
16% hærri en tekjur verkamanna. Þó fór munurinn
fremur minnkandi með árunum. Frá árunum 1958-
'59 hafa bilin aftur á móti aukizt verulega. Tekjur
iðnaðarmanna hafa að vísu aðeins náð því hlutfalli
við tekjur verkamanna, er þær höfðu áður. En tekj-
ur sjómanna hækkuðu mjög mikið og voru 41%
hærri en tekjur verkamanna síðustu tvö árin, þ. e.
1961 og 1962. Á þessu mun þó að nýju hafa orðið
mikil breyting til hlutfallslegrar lækkunar sjómanna-
tekna á árinu 1963.
Af þessum niðurstöðum leiðir, að allmikill hluti
launþegastéttanna hefur haft reynslu af mun óhagstæð-
ari framvindu tekna sinna heldur en þjóðartekna á
mann í heild, en annar hluti hefur haft því hagstæðari
reynslu. Þróunin til jöfnunar tekna eftir landshlutum
mátti teljast óhjákvæmileg, en heyrir nú að mestu
liðnum tíma til. Þróun teknanna eftir atvinnustéttum
er aftur á móti brýnt viðfangsefni dagsins í dag. Á
þeim vettvangi eiga launþegasamtök, atvinnurekendur
og opinberir aðilar því mikilvæga hlutverki að gegna
að stuðla að því að skapa skilyrði til framþróunar á
grundvelli efnalegs og félagslegs jafnvægis.“
AMERÍSK VERKFÆRI
RÖRSNITTI
No. OR - 00R - 111R — 12R - 65R
y4" - 2"
BOLTASNITTI
Vs" - 1"
ÚRSNARAR
Vs" ~ 2"
RÖRHALDARAR
með og án keðju \/2" — 6"
RÖRTENGUR
36", 24", 18", 10" og 8"
og margt fleira fyrirliggjandi.
Ennfremur alls konar varahlutir.
Sendum gegn póstkröfu um allt land.
Á. EINARSSON & FUNK HF
BYGGINGAVÖRUVERZLUN
Höföatúni 2 . Simi 11982 . Reykjavik.
TlMARIT IÐNAÐARMANNA
117