Tímarit iðnaðarmanna - 01.09.1964, Blaðsíða 23
Gudmundur Halldórsson, fyrsti form. Meistarafélags húsasmida,
flytur ávarp.
Var stjórn félagsins falið að beita sér fyrir stofnun
Meistarasambands byggingamanna, en það var stofnað
1958. Meistarasamband byggingamanna er samband,
sem samanstendur af öllum meistarafélögum í bygg-
ingariðnaði í Reykjavík, og hefur það reynzt bygginga-
meisturum mjög traustur bakhjarl, sem unnið hefur
með vaxandi þrótti að hagsmuna- og menningarmálum
byggingamanna.
Fræðslu og menntun iðnaðarmanna hefur félagið
alla tíð frá stofnun látið sig miklu varða og hefur
stuðlað að því á ýmsan hátt, að húsasmiðir verði sem
færastir til að leysa þau störf af hendi, er þeir hafa með
höndum fyrir þjóðfélagið. Vil ég nefna sem dæmi, að
félagið studdi mjög að því, að verklegri kennslu yrði
komið á fyrir húsasmiði við Iðnskólann í Reykjavík og
lagði fram nokkurt fé til að búa skólaverkstæðið vél-
um svo það gæti tekið sem fyrst til starfa. Og er það
mjög ánægjulegt, að nú er viðurkennt af þeim, er hafa
með höndum sveinspróf í húsasmíði, að síðan verkleg
kennsla hófst við Iðnskólann, fáum við jafnan betri
smiði.
Eitt af þeim verkefnum, sem Meistarafélag húsa-
smiða hefur haft með höndumísamstarfi við Trésmiða-
félag Reykjavíkur, er samning og endurbætur á verð-
skrá yfir vinnu húsasmiða. Er það verk mjög yfirgrips-
mikið og vandasamt, því fáar iðngreinar eru fjölþætt-
ari og taka örari breytingum en húsagerðin, bæði hvað
snertir vinnuaðferðir og svo koma stöðugt fram ný
efni og tæki, er smiðurinn þarf að vinna með. En í
landi eins og okkar, þar sem ekki eru til neinar kerfis-
bundnar vinnurannsóknir, er samning verðskrár yfir
vinnu mjög mikið vandaverk og verður seint fullunn-
in, þó alltaf þokist nokkuð á leið.
Meistarafélag húsasmiða hefur alltaf stefnt að því,
að um leið og það vinnur að bættum hag sinnar stéttar
og byggingamanna almennt, þá reynir það að tryggja
sínum viðskiptamönnum og þjóðinni sem bezta þjón-
ustu. Vil ég þar til nefna, að fyrir tveimur árum setti fé-
lagið á stofn endurskoðunarskrifstofu,sem endurskoðar
og yfirreiknar allar uppmælingar á verkum húsasmiða,
sem framkvæmdar eru á félagssvæði þeirra. Skapar það
án efa nokkra tryggingu fyrir hinn almenna borgara,
sem ekki þekkir til hinna breytilegu einingarverða.
Hér hefur að sjálfsögðu ekki verið rakið nema að
litlu leyti þau fjölmörgu mál, er félagið hefur haft með
höndum, enda hvorki tími né aðstæður til. En áður en
ég lýk máli mínu, vil ég leyfa rnér að flytja borgar- og
bæjaryfirvöldum ásamt byggingafulltrúum á félags-
svæði okkar, þakkir félagsins fyrir vinsamlega og góða
samvinnu. Ennfremur vil ég þakka skólastjóra Iðn-
skólans og Iðnfræðsluráði vinsamleg samskipti og
skilning á okkar málum. Þá vil ég síðast en ekki sízt
flytja þakkir félagsins til Vinnuveitendasambands Is-
lands og hinna ýmsu samtaka byggingaiðnaðarmanna
fyrir gott og ánægjulegt samstarf.
GLER & LISTAR H-F
Höfum rúðugler í 2-3-4-5-6-7-10 mm
þykktum.
Hamrað gler (margar gerðir).
Sandblásum gler (höfum sýnishorn).
Undirburður og saumur.
Gluggalistar — málaðir og ómálaðir.
Stórt úrval af speglum.
GLER & LISTAR HF
LAUGAVEGI 178 . SÍMI 36645
TÍMARIT IÐNAÐARMANNA
107