Tímarit iðnaðarmanna - 01.12.1966, Qupperneq 55

Sýnir þetta yfirlit, að árið 1965 er
hlutur dagvinnunnar minni en 1964
og hlutur næturvinnunnar tilsvar-
andi meiri. Aukning næturvinnunnar
kemur þó nær eingöngu fram hjá tré-
smiðum og rafvirkjum, eins og taflan
ber með sér.
Samningarnir 1965 um styttingu
vinnuvikunnar hafa minni áhrif á
vinnutíma iðnaðarmanna en verka-
manna, þar sem samningar iðnaðar-
manna voru gerðir síðar á árinu, og
auk þess varð vinnutímastyttingin
minni hjá iðnaðarmönnum en verka-
mönnum, þar sem iðnaðarmenn voru
áður búnir að ná samningum um 4?-
46 stunda vinnuviku.
Ákvæðisvinna
Að þessu sinni hafa nefndinni bor-
izt upplýsingar um kaup 21 múrara,
sem eingöngu hafa unnið ákvæðis-
vinnu á árinu 1965. f þessar upplýs-
ingar vantar alla vitneskju um
vinnutímann nema vinnuvikurnar.
Kaupgreiðslum á ákvæðisvinnu er
þannig háttað, að vikulega er greidd
ákveðin upphæð upp í verkið en það
síðan endanlega gert upp, þegar því
er að fullu lokið og mismunurinn þá
greiddur. Þegar athuguð eru árs-
laun ákvæðismanna, er því nauðsyn-
legt að fá vitneskju um, hvort þeir
áttu óuppgert verk í ársbyrjun, þann-
ig að laun, sem þeir fengu gerð upp
snemma á árinu voru raunverulega
fyrir vinnu, sem unnin var á fyrra
ári. Sama gildir um ákvæðisverk við
árslok. Nauðsynlegt er að fá vitn-
eskju um, hvort og hvað mikið af
launum fyrir þau flytzt yfir á næsta
ár og verða greidd þá. Engin vitn-
eskja um þetta liggur fyrir í sam-
bandi við þær upplýsingar, sem hér
er fjallað um. Ber því að líta á þær
í þessu ljósi.
Upplýsingar, sem fengust eru þess-
ar:
Fjöldi vinnu- Laun alls
manna vikur orlof
Alls 21
A mann
vikukaup
1016 5.444.900,00
48,3 259.000,00
5.359,00
Orðsendíng til hárskerameistara
Hér með skal vakin athygli á því
að á yfirstandandi ári hefur verið
unnið markvisst að því að koma á
stofn fagskóla fyrir nemendur í hár-
greiðsluiðn.
Vegna góðs skilnings á þessu
nauðsynjamáli, hefur skólastjóri Iðn-
skólans og skólastjórn látið Meist-
arafélagi hárskera í té húsnæði í
Iðnskólanum fyrir fagskóla, tvær
mjög glæsilegar skólastofur um 60
ferm. með sér inngangi hægra megin
við aðaldyr skólans, og verður ekki
á betra kosið. Þá hefur yfirkennari
Iðnskólans verið okkar hægri hönd
af mikilli alúð með ýmsar lagfæring-
ar og teikningar vegna undirbúnings
fagskólans. I þessum tveimur stofum
verður starfsemi þannig hagað að
önnur verður aðallega notuð fyrir
kennslu en hin stofan hólfuð niður
til annarra afnota í þessu skyni, svo
sem kennaraherbergi, snyrting, fata-
hengi og biðstofa fyrir viðskiptavini,
sem að líkindum fá þjónustu ókeypis
og fl. Allur aðbúnaður þar verður
hinn ákjósanlegasti. Við nefndar-
menn berum fram beztu þakkir til
ofangreindra aðila fyrir frábæra fyr-
irgreiðslu. Þá hefur allra tækja ver-
ið aflað af beztu gerð og komin á
viðkomandi stað og í því sambandi
ýmsar nýjungar. Fagskólinn mun
taka til starfa upp úr áramótunum
og mun standa yfir í tvo mánuði.
Við höfum kynnt okkur starfsemi
í slíkum skólum á Norðurlöndum.
Og á síðastliðnu ári kom hingað til
lands á vegum mennnigarnefndar
Meistarafélags hárskera kennari frá
fagskóla hárskera í Danmörku, en
hann hafði hér fagsýningar með af-
burða undirtektum og kynnti starf-
semi fagskóla í heimalandi sínu, sem
hefur um 2000 nemendur.
Af þessu var mikill fróðleikur og
uppörvun. Við hárskerameistarar
höfum löngum fylgzt með eðlilegri
þróun í iðngreininni, sem og aðrar
iðngreinar, og alltaf virt réttindi
okkar sem hreinan helgidóm, enda
ekki notað við veitta þjónustu gervi-
mannahópa, eins og megin þorrinn
af iðngreinum landsins. Þess vegna
viljum við hárskerameistarar efla
iðngrein vora að hún standi að jöfnu
við aðrar þjóðir, sem hún hefur gert.
Þá er það okkar mesta áhugaefni á
miklum tízkutímum, að nemendur
búi við hin beztu kennsluskilyrði sem
fagskólinn mun uppfylla. Ég vil að
endingu biðja þá meistara, sem hafa
hug á að koma nemendum í um-
ræddan fagskóla, að tilkynna það
sem fyrst. Ennfremur vil ég beina
orðum mínum sérstaklega til meist-
ara, sem úti á landsbyggðinni starfa,
að þeir eiga aðild að fagskólanum,
og geta því að sjálfsögðu sent nem-
endur sína ef þeir óska.
Allar upplýsingar eru veittar í
síma 51168 hjá undirrituðum.
Það er von okkar, sem höfum séð
um undirbúning þessa máls, að
koma á stofn fagskóla fyrir hárskera-
iðnina, að afrakstur af þeirri vinnu
marki þau spor, sem verði stétt vorri
til heilla. , , .
Gnðm. Guðgeirsson.
Hér er að sjálfsögðu um fram-
taldar og skattskyldar tekjur að
ræða, og séu veruleg brögð að því,
að tekjur færist milli ára, kemur
það í ljós, þegar tekjurnar eru at-
hugaðar nokkur ár í röð. I framan-
töldum tekjum eru meðtaldir verk-
færapeningar og einnig svonefnt
„uppmælingagjald", sem sveinar
verða að greiða mælingamanni af
kaupi sínu. Mun láta nærri, að það
sé um það bil 1% af sveinakaupinu.
Yfirvinna í ákvæðisvinnu iðnaðar-
manna mun vera hlutfallslega minni
en annarsstaðar á vinnumarkaðin-
um.
TÍMARIT ÍÐNAÐARMANNA