Vikan - 25.08.1960, Page 25

HLJÓMPLÖTUR Á MARKAÐNUM
Elly Vilhjálms hefur um árabil verið ein
fremsta dægurlagasöngkona okkar. En samt
sem áður hefur hún ekki sungið inn á nema
örfáar plötur, og er það miður, því undanfarin
ár hefur heyrst í útvarpi og af hljómplötum margt
dægurlagasöngfólk, sem þangað hefur haft minna
erindi en E'lly Vilhjálms. En nú er nýlega komin
á markaðinn ný plata með þessari ágætu söng-
konu, en þar syngur hún tvö ítölsk lög með is-
lenzkum textum eftir Jón Sigurðsson og Pálmar
Ólason. Lögin heita: Ég vil fara upp í sveit og
Kveðju sendir blærinn. KK-sextettinn annast
undirleik, en íslenzkir Tónar gefa plötuna út.
TEXTINN
Hér er svo textinn eftir Jón Sigurðsson, sem
Ellý Vilhjálms syngur á hljómplötunni.
ÉG YIL FARA UPP í SVEIT.
Ég vil fara upp í sveit,
þar í sumar vil ég vinna,
veit ég margt er þar að finna.
Ég vil reyna eitthvað nýtt,
því ég veit að allir elska kaupakonur.
Og í jeppa, oft vil skreppa,
ýmislegt mun gerast þar um sumarkvöldin.
Þó með einum oft í leynum
ein ég fari það mig skaðað getur ekki neitt.
Og mig dreymir oft um það
sem þar gerist, þegar sólin
rennur síðla bak við fjöllin.
Því að sveitin er engu lík.
Um Ijósa nótt við leiðumst okkar veg
við lækinn bak við ásinn, þú og ég,
og hvað þar verður hvíslað veit ei neinn
nema lækurinn einn
hann hlustar einn.
Ég vil fara upp í sveit
o. s. frv.
Upp til heiða, inn til dala
liggja okkar tveggja spor.
Nú hlýtur hún að fara Ég vona að hún hafi
að koma ... ekki lent í slysi ...
i
KVIKMYNDIR
Trípóli-bíó sýnir:
UMHVERFIS JÖRÐINA Á ÁTTATÍU DÖGUM.
Cantinflas
Flestir munu kann-
ast við hina heims-
frægu sögu Jules
Vernes, Umhverfis
jöröina á áttatíu dög-
um, en hún hefur
komið út í íslenzkri
þýðingu og var einn-
ig flutt í ríkisútvarp-
inu s.l. vetur og þá í
leikritsformi. Tripoli-
bíó mun á næstunni
sýna kvikmyndina,
sem kvikmyndafram-
leiðandinn Michael
Todd gerði eftir þess-
ari þekktu skáldsögu, en sú mynd hefur hlotið
mesta viðurkenningu allra kvikmynda, eða yfir
80 alþjóðleg heiðursverðlaun Newsweek Magazine
kallaði hana „ævintýralegasta atburðinn, sem
gerzt hefur í kvikmyndaiðnaðinum". Svipuð um-
mæli hafa birzt í flestum útbreiddustu blöðum
heims.
Aðalhlutverkin i kvikmyndinni leika David
Niven, Cantinflas, mexikanskur gamanleikari,
Robert Newton og Shirley McLaine, ásamt yfir
40 af þekktustu kvikmyndastjörnum heimsins. Má
þar nefna Charles Boyer, Joe E. Brown, Martine
Carol, Charles Coburn, Ronald Colman, Noel
Coward, Marlene Dietrich, Fernandel, Buster
Keaton, Peter Lorre, George Raft, Frank Sinatra
og Red Skelton.
Umliverfis jöröina á áttatíu dögum er ævintýra-
gamanmynd, sem sýnir hina atburðariku og tví-
sýnu för E’nglendingsins Phileas Fogg umhverfis
jörðina, sem hann ræðst í vegna 20 þúsund punda
veðmáls. Aðrar helztu söguhetjur eru tryggur
þjónn hans, Passepartout, Mr. Fix, þrautseigur en
lítt gáfaður leynilögreglumaður og Aoda, indversk
prinsessa.
Meðal hinna óvenjulega atburða, sem birtast
okkur i kvikmyndinni Urnhverfis jöröina á áttatíu
dögum, sjáum við æðislega flugferð i loftbelg yfir
Alpafjöllin, nautaat, trúarathöfn indverskra
presta, heiftarlegan kosningaslag og blóðþyrsta
indíána. Hlutverkin í myndinni eru aðeins 68.894
talsins!
David Niven sem Phileas Fogg, Robert Newton
sem Fix og Shirley McLaine sem Aoda prinsessa.
Svona er þetta bölvað Sæl, ástin. Bíða? Nei,
kvenfólk alltaf ... ég var að koma ...
Kæra Vika.
Þú ert mitt uppáhaldsblað og mig hefur lengi
langað til að skrifa þér. Ég er 15 ára, 154 sm. á
hæð og á heima í sveit. Og nú ætla ég að biðja
þig að segja mér hvaða litir fara mér bezt og
hvaða varalit ég ætti að nota. Ég er með skol-
leitt hár, frekar dökkt, dökkblá augu og frekar
dökka húð. Viltu svo segja mér hvaða gagnfræða-
skólar eru starfandi á landinu og hvar þeir eru
og hvort sund er kennt i einhverjum þeirra.
Hvernig er skriftin? Með fyrirfram þakklæti.
Sigga.
Ljósrautt, bleikt og drapplitaö ætti aö fara þér
mjög vel, einnig hvitt og flestir bláir litir, eink-
um þeir mildari. Varaliturinn ætti aö vera Ijós-
rauöur meö örlitlum bláum tón í, en alls ekki
meö gulleitum blæ. Utan Reykjavíkur eru gagn-
fræðaskólar á ísafiröi, Akureyri, Neskaupstaö og
í Vestmannaeyjum og er sund kennt viö þá álla.
Skriftin er lœsileg.
Kæra Vika.
Ég er þér mjög þakklát fyrir allt það
skemmtilega efni, sem þú flytur og þó sérstaklega
fyrir getraunirnar. En nú bið ég þig að segja
mér hvort nokkur fjöll séu til i Vestmannaeyjum,
og ef svo er, þá hvað þau heita. Þetta er smá-
þræta milli min og kunningja míns og væntum
við svars sem allra fyrst. Boggý.
Fróöir menn hafa tjáö okkur, aö samkvæmt
hinni álmennu túlkun á liugtakinu fjáll, séu ekki
talin vera til nein fjöll í Vestmannaeyjum.
Kæra Vika.
Mig langar til að biðja þig um dálitla aðstoð.
Undanfarið hefur sungið með hljómsveit Árna
Elvars, ung stúlka, Kolbrún að nafni. Gætir þú
ekki gefið mér upp heimilisfang hennar? Með
fyrirfram þökk. Manni.
Kolbrún Hjartardóttir söng um tíma í Breiö-
firöingabúö meö hljómsveit Árna Isleifssonar og
heimilisfang liennar er: Ásvállagata 71, Reykjavík.
Kæra Vika.
Ég vil byrja á því að þakka þér fyrir allt það
skemmtilega, sem hefur komið í þér. Mér finnst
mest gaman að myndasögunum og skrítlunum. En
nú ætla ég að biðja þig að gefa mér utanáskrift
einhvers blaðs í New York, sem birtir nöfn þeirra,
sem vilja eignast pennavini, því mig langar til
að komast í bréfasamband við krakka úti í
Ameríku. Með fyrirfram þakklæti.
„STJARNA".
Þaö væri þá lielzt skátablaö, sem heitir „BOY‘S
LIFE“ og er gefiö út mánaöarlega í 2.000.000
cintaka. Utanáskriftin er: „BOY‘S LIFE“, New
Brunswick, New Jersey.
Kæra Vika.
Ég kaupi alltaf Vikuna og mér finnst hún ágæt,
því oft hefur hún stytt mér marga stundina. Þó
að það sé stundum haldin fegurðarsamkeppni í
Vikunni, er það alltof sjaldan. Okkur karlmönn-
unura finnst alveg sérstaklega gaman af fallegu
kvenfólki og við vitum að það kitlar einnig hé-
gómagirnd stúlku að vera talin svo falleg, að henni
sé boðið að taka þátt í fegurðarsamkeppni. Því
þá ekki að hafa nógu margar samkeppnir, svo að
flestar fái tækifæri til að taka þátt í þeim? Við
hérna nokkrir strákar höfum tekið eftir því, að
það eru anzi fallegar stelpur sem vinna i kaffi-
stofum hér í bænum, og þá fengum við hugmynd:
Við skorum á þig að birta myndir af sem flestum
stúlkum, sem vinna á kaffihúsum hér i bænum
og láta svo lesendur Vikunnar skera úr hver
stúlknanna verður Kaffihúsadrottning Reykja-
vikur. Ég vona að þú birtir kafla úr bréfinu eða
það allt og svo þakka ég fyrir birtinguna.
Kven-aðdáandi.
Hugmyndin er í athugun.
BRÉFAVÍÐSKIPTI
Guðrún Káradóttir, Norðurgötu 16, Akureyri,
óskar eftir bréfaviðskiptum við pilta og stúlkur
12—13 ára. Olaug Giæver Hansen, Lyngseidet,
Troms, Norge, við pilta og stúlkur 13—14 ára.
Guðmundur Einarsson, Vestmannabraut 42, Vest-
mannaeyjum, við stúlkur 30—40 ára. Marir\ó ílig-
urbjörnsson, Brimhólabraut 27, Vestmannaeyjunr,
við stúlku 20—30 ára. Sigriður Bjarnadóttir, Fr.-
Hvestq, ArnarfirQi, yið piltg 15—19 ára. ÆsHíiegt
að mynd fylgl.
25
VIKAN