Fréttablaðið - 02.12.2009, Qupperneq 35

H A U S
MARKAÐURINN 7MIÐVIKUDAGUR 2. DESEMBER 2009
Ú T T E K T
„Efnahagslífið ætti að vera almennt komið í mjög
þokkalegt ástand. Auðvitað eru óvissuþættir, sem
maður ræður ekki við. En við ættum að verða búin
með mesta skaflinn í ríkisfjármálum þótt ríkið
verði enn nokkuð skuldsett,“ segir Gylfi Magn-
ússon, efnahags- og viðskiptaráðherra, spurður
um útlitið hér eftir fimm ár.
Hann er bjartsýnn um horfurnar. „Við ættum að
vera löngu komin úr efnahagsáætlun AGS, gjald-
eyrishöftin að baki og jafnvel inn í Evrópusam-
bandið. Það er einn af óvissuþáttunum. Ég sé ekk-
ert því til fyrirstöðu að hér verði orðið nokkuð
eðlilegt, jafnvel blómlegt ástand,“ segir Gylfi og
bendir á að atvinnuleysi kunni að verða í kring-
um tvö til þrjú prósent, sem sé eðlilegt á íslenskan
mælikvarða. Þá megi ekki útiloka að landsfram-
leiðsla verði komin á svipaðar slóðir og á árabilinu
2006 til 2007 eftir samdrátt fram á næsta ár.
„Þetta ætti að ganga upp að því gefnu að frekari
stóráföll ríði ekki yfir,“ segir Gylfi Magnússon.
Efnahagslífið á eðlilegu róli
AF RÍKISSTJÓRNARFUNDI Efnahagslífið ætti að vera komið í þokkalegt ástand eftir fimm ár, að mati efnahags- og viðskiptaráð-
herra. MARKAÐURINN/ANTON
„Ég var mjög svartsýnn á horfur hér á árabilinu
2007 til 2008. En nú er ég bjartsýnn á okkar ágæta
land,“ segir Vilhjálmur Þorsteinsson,
stjórnarformaður CCP og Verne Hold-
ing.
Vilhjálmur segist hafa dregið þessa
ályktun eftir að hann kynnti sér stöðu
efnahagsmála í heiminum um þessar
mundir. „Við Íslendingar erum að fara
í gegnum mikla hreinsun og munum
standa uppi með hagkerfi sem skuld-
ar tiltölulega lítið erlendis þegar upp
verður staðið,“ segir hann og bendir
á að skuldaklafinn hér sé ekki meiri
en önnur lönd beri á herðum sér. Líf-
eyrisskuldbindingar séu nánast full-
fjármagnaðar og þjóðin sé ung og vel
menntuð.
„Skuldirnar eru minni en menn hafa
haldið. Mér sýnist að nettóskuldir þjóð-
arbúsins í lok þessa árs kunni að verða
35 prósent af landsframleiðslu. Það er
ekki mikið í alþjóðlegum samanburði,“
segir Vilhjálmur, sem telur mikilvægt
að leysa úr gjaldeyriskreppunni eins fljótt og auðið
er nú þegar hilli undir að bankakreppunni sé að
ljúka. Lykillinn að því sé að hefja samstarf við
evrópska seðlabankann um gjaldmiðlastuðning
við íslenska seðlabankann. Hann telur
ekki útilokað að eftir fimm ár hafi hér
verið tekið upp myntsamstarf við Evr-
ópusambandið með tengingu krónu við
gengi evru, ef ekki landið komið lang-
leiðina í Evrópusambandið.
Vilhjálmur bendir á að hér séu gríð-
arlegar náttúrulegar auðlindir sem
muni verða afar verðmætar á kom-
andi árum. Hann nefnir sérstaklega
að eftir rúm þrjú ár verði tekið upp
nýtt kerfi innan Evrópusambands-
ins til að versla með kolefnislosunar-
heimildir. „Ég tel að margir muni leita
eftir því að koma hingað með ýmis not
fyrir græna orku. Við eigum möguleika
á því að verðleggja okkar orku hærra
eftir því sem á líður,“ segir Vilhjálm-
ur. „Þá er margt spennandi að gerast í
sprota- og nýsköpunarfyrirtækjum, og
sem betur fer eigum við ennþá frum-
kvöðla sem eru fullir af eldmóði. Ég
tel að eftir fimm ár verðum við búin að ná vopn-
um okkar aftur.“
Bjartsýnn á horfurnar
Mikilvægasta verkefnið að leysa úr gjaldeyrisvandanum,
að mati Vilhjálms Þorsteinssonar.
VILHJÁLMUR
Stjórnarformaður CCP
telur líklegt að Íslendingar
verði búnir að ná vopnum
sínum aftur eftir fimm ár.
MARKAÐURINN/ARNÞÓR