Fréttablaðið - 05.12.2009, Side 132

100 5. desember 2009 LAUGARDAGUR
sport@frettabladid.is
Þórunn Helga Jónsdóttir og félagar í Santos tryggðu sér bikarmeist-
aratitilinn í Brasilíu í vikunni og þetta er annað árið í röð sem Þórunn
vinnur bikarinn í Brasiliu. Santos vann þrjá af fjórum titlum í boði
á árinu. Santos tryggði sér bikarinn með 3-0 sigri á Botucatu í
úrslitaleik. „Þetta var rosalegur stressleikur en mjög vel spilaður
leikur hjá báðum liðum. Ég held að þetta séu klárlega tvö bestu
kvennalið Brasilíu í dag,” segir Þórunn, sem þurfti að sætta sig
við að byrja á bekknum í leiknum. „Auðvitað vilja allir
fá að spila úrslitaleik í svo stórri keppni. Mér gekk vel
í undanúrslitaleiknum og gat alveg eins átt von á að
byrja þess vegna, en samkeppnin í liðinu er gríðarleg
og ég er að keppa við landsliðsmiðju Brasilíu og
það var landsliðsmaðurinn Ester sem kom inn í
byrjunarliðið fyrir mig. Ég spilaði allan undanúr-
slitaleikinn og kom inn á í úrslitaleiknum, svo
ég er bara sátt við minn hlut,” segir Þórunn.
Það var líka mikið fjör í lokin þegar þriðji
titill ársins var í höfn. „Fagnaðarlætin voru
gríðarleg. Þetta er eina keppnin í Brasilíu
í kvennaboltanum þar sem bestu liðin frá öllum fylkjum landsins taka
þátt svo að á eftir Copa Libertadores er þetta sú keppni sem hefur
fengið mesta fjölmiðlaumfjöllun,” segir Þórunn.
„Það er búið að vera frábært að spila með svona góðum ein-
staklingum í svona góðu liði með besta þjálfara sem ég hef
kynnst. Ég held að ég hafi bætt mig í öllum smáatriðum. Það
eru gerðar mjög miklar kröfur hérna,” segir Þórunn Helga.
Þórunn segist ekki vera að breytast í Brasilíumann þrátt
fyrir langa dvöl í landinu. „Ég fæ að minnsta kosti engan lit
sama hversu oft ég fer á ströndina og ég er ekki ennþá búin
að venjast því að æfa í fjörutíu stiga hita eða sofa í óloftræstu
húsi. Annars kann ég mjög vel við Brasilíu og Brasilíu-
menn og hefði ekkert á móti því að breytast svolítið í
Brasilíumann,” segir Þórunn sem segist hafa fengið
mikla æfingu í portúgölskunni þökk sé því að búa
með svona mörgum stelpum. „Ég bý ennþá með
stærstum hluta liðsins, um þrjátíu stelpum, svo að
það er aldrei þögn á heimilinu, svo að tungumálið
lærðist nokkuð fljótt,” segir Þórunn í léttum tón.
ÞÓRUNN HELGA JÓNSDÓTTIR: ÞREFALDUR MEISTARI MEÐ BRASILÍSKA LIÐINU SANTOS
Ekki búin að venjast því að æfa í 40 stiga hita
M
YN
D/
PE
DR
O
E
RN
ES
TO

GU
ER
RA
A
ZE
VE
DO
KÖRFUBOLTI Signý Hermanns-
dóttir, miðherji KR, hefur fund-
ið sig vel með KR það sem af er
í Iceland Express-deild kvenna.
Signý kom í Vesturbæinn í sumar
og KR hefur unnið fyrstu þrett-
án leikina í öllum keppnum með
hana innanborðs.
Áhrif Signýj-
ar leyna sér
ekki í hinni
nýju plús og
mínus tölfræði
en KR hefur
unnið leik-
ina með 24
stig-
um að meðaltali þann tíma sem
hún hefur verið inni á vellinum.
KR er þannig í mínus (-3) þegar
Signý hefur setið á bekknum í
deildinni í vetur.
Signý lætur reyndar til sína
taka í öðrum tölfræðiþáttum því
hún er efst í deildinni í fráköst-
um (11,1 í leik) og vörðum skot-
um (4,8 í leik) auk þess að skora
12,2 stig og gefa 2,5 stoðsending-
ar að meðaltali í leik.
Signý átti mjög góðan leik með
KR-liðinu á móti Grindavík á mið-
vikudaginn þar sem hún var með
17 stig, 23 fráköst, 9 varin skot
og 5 stoðsendingar. KR vann
líka leikinn með 22 stigum
þær 33 mínútur sem hún
var inn á vellinum.
Signý (+240) er að sjálf-
sögðu efst í plús og mínus í
Iceland Express-deildinni til
þessa í vetur en næstar eru liðs-
félagar hennar úr KR; Margrét
Kara Sturludóttir (+212), Hildur
Sigurðardóttir (+189) og Guðrún
Gróa Þorsteinsdóttir (+160).
KR tekur næst á móti Hamar
átta liða úrslitum Subwaybikars-
ins klukkan 19.16 á sunnudag-
kvöldið. - óój
Signý Hermannsdóttir hjá KR í kvennakörfunni:
Hefur mikil áhrif
+240
KR-liðið
er mikið í plús
með Signýju
inni á vellinum.
FRÉTTABLAÐIÐ/
STEFÁN
HANDBOLTI Ljótt atvik átti sér
stað í leik Gróttu og Fram í N1-
deild karla á fimmtudagskvöld-
ið. Framarinn ungi og efnilegi
Arnar Birkir Hálfdánarson beitti
þá hinu alræmda „Júggabragði“
á Jón Karl Björnsson, leikmann
Gróttu.
Bragðið gengur út á að taka í
fót andstæðingsins er hann stekk-
ur inn af línunni og koma honum
þannig úr jafnvægi. Bragðið er
stórhættulegt enda hafa menn
dottið illa sem lenda í slíku. Hús-
víski ljósmyndarinn Einar Ólason
var ljósmyndari hjá Þjóðviljan-
um þegar hann náði fyrstur allra
mynd af slíku atviki árið 1987.
Það var í landsleik Íslands og
Júgóslavíu en einn Júgginn tók þá
í fót Guðmundar Guðmundssonar,
núverandi landsliðsþjálfara. Júgó-
slavar beittu þessu bragði á þeim
tíma og er það því nefnt í höfuð-
ið á þeim.
Fréttablaðið hafði samband
við hinn sextán ára gamla Arnar
Birki og spurði hann einfaldlega
að því hvað hann hefði verið að
spá.
„Þetta gerðist í hita leiksins.
Þetta voru ósjálfráð viðbrögð og
ekkert planað. Ég viðurkenni vel
að þetta var gróft en þetta var
samt ekki ákveðið fyrir fram,“
segir Arnar Birkir en hann segist
aldrei hafa gert þetta áður. Hann
virtist samt ekki sjá mikið eftir
atvikinu enda virðist honum ekki
líka vel við Jón Karl.
„Ég held að hann eigi þetta
alveg skilið. Hann var að þjálfa
4. flokk Hauka þegar ég var í 4.
flokki. Þá lagði hann alltaf upp
með að láta strákana æsa mig
nógu mikið til að ég fengi rautt.
Ég hef aldrei þolað þennan mann
og alltaf reynt að gera eitthvað
við hann og þarna kom að því,“
sagði Arnar Birkir, sem gerir ráð
fyrir að fá nokkurra leikja bann
fyrir viðvikið. - hbg
Arnar Birkir Hálfdánarson beitti „Júggabragðinu“ í leik Gróttu og Fram:
Aldrei þolað Jón sem átti þetta skilið
ÓÞVERRABRAGÐ Arnar Birkir sést hér krækja í fótinn á Jón Karli.
MYND/EYJÓLFUR GARÐARSSON
> Hafnarfjarðarslagur í bikarnum
Það er bikarhelgi í boltanum hér heima. Á sunnudag
byrja átta liða úrslitin í Eimskipsbikar karla. Þá mætast
Hafnarfjarðarliðin FH og Haukar í Kaplakrika í stórleik
umferðarinnar. Selfoss tekur á sama tíma á móti HK. Á
mánudag klárast átta liða úrslitin með leikjum Víkings
og Grótta annars vegar og leik Vals og Fram
hins vegar. Á laugardaginn er síðan
spilað í Subway-bikarnum í körfubolta
hjá báðum kynjum. Flestir leikir eru lítt
spennandi fyrir fram og helst vekur
athygli viðureign Keflavíkur og
Grindavíkur í kvennaflokki.
Vönduð tvöföld jólakort með þinni mynd • Aðeins 99 kr. • Tilbúin á 24 tímum
FÓTBOLTI Gríðarleg spenna var í
Höfðaborg í gær þegar dregið var
í riðla fyrir heimsmeistarakeppn-
ina sem fram fer næsta sumar.
Menn voru misjafnlega kátir
eftir dráttinn enda sluppu sumar
þjóðir vel á meðan aðrar þjóðir
horfa fram á erfitt verkefni við
að komast upp úr riðlakeppninni.
Dauðariðillinn að þessu sinni er
G-riðillinn. Þar eru Brasilía,
Portúgal, Fílabeinsströndin og
Norður-Kórea. Tvö lið fara upp úr
hverjum riðli og því verður eitt-
hvert sterkt lið að sitja eftir í þess-
um riðli.
Veðbankar telja líkurnar á því
að England geri eitthvað af viti á
HM enn meiri eftir dráttinn í gær.
England mætir Bandaríkjunum,
Alsír og Slóveníu. Vel sloppið fyrir
Englendinga.
Diego Maradona, landsliðsþjálf-
ari Argentínu, mun endurupplifa
Heimsmeistarakeppnina frá 1994
að einhverju leyti því Argentína
er í riðli með Nígeríu, Grikk-
landi og Suður-Kóreu. Maradona
féll á lyfjaprófi á HM 1994 en þá
var Argentína einmitt í riðli með
Nígeríu og Grikklandi.
Heimamenn í Suður-Afríku
eru nokkuð sáttir með sitt en þeir
munu spila opnunarleik keppn-
innar gegn Mexíkó. Frakkar eru
þó eflaust allra þjóða sáttastir í
þessum riðli en þeir hefðu hæg-
lega getað lent í mun sterkari riðli.
Lukkan heldur því áfram að leika
við Frakkana. henry@frettabladid.is
Englendingar sluppu vel
G-riðillinn verður dauðariðillinn á HM næsta sumar en England, Spánn, Ítalía
og Frakkland sluppu öll afar vel. Heimamenn mæta Mexíkó í opnunarleiknum.
DAUÐARIÐILLINN G-riðilinn sést hér á skjánum í Höfðaborg í gær en hann er fyrir
fram áhugaverðasti riðill HM 2010. NORDIC PHOTOS/AFP
HM 2010 Í SUÐUR-AFRÍKU
Svona líta riðlarnir út.
A-riðill: Suður-Afríka, Mexíkó, Úrúgvæ,
Frakkland.
B-riðill: Argentína, Suður-Kórea,
Nígería, Grikkland.
C-riðill: England, Bandaríkin, Alsír,
Slóvenía.
D-riðill: Þýskaland, Ástralía, Gana,
Serbía.
E-riðill: Holland, Japan, Kamerún,
Danmörk.
F-riðill: Ítalía, Nýja-Sjáland, Paragvæ,
Slóvakía.
G-riðill: Brasilía, Norður-Kórea, Fíla-
beinsströndin, Portúgal.
H-riðill: Spánn, Hondúras, Chile,
Sviss.